|
من توركم ، آذری یوخ Vətən Anadır ANA çağırır bizi
| ||
|
|
كؤرپه گۆلوم، لچكلرین نییه واختسیز سوْلدو بئله؟ سیننده‌كی قێزارتیلار لاله، یوْخسا قاندی بئله؟ یاغ قالمادی اۆركلرده، قم یۇرد سالدی دیلكلرده، بئله ظۆلمه فلكلر ده قان آغلادی، یاندی بئله. اؤز ائوینده-ائشیگینده دایانیبلار "كئشیگینده"، كؤرپه‌لرین بئشیگینده ایلك كلمه‌سی دوْندو بئله. وطن اۆچون یانیر اۆرك، بیر جان نه دیر اسیرگه‌یك؟ گئدنلره رحمت دئیك قالانلارین آندی بئله
بؤلوم لر: یولداشلار، قلبی یارپاق كیمی تیتره‌دن هر آن- رۇحوموز یاپیشان مكاندیر وطن. گؤزوموز اؤپدویو هر داش، هر تیكان، عؤمروموز یازیلمیش اۆنواندیر وطن. تۇغوندا قۇروماز قێزیل قانیمیز، توْرپاغینا فدا اوْلسون جانیمیز، حیات قایناغیمیز شؤهرت-شانیمیز، گئتسك رۇحوموزا حیاندیر وطن. اسدیكجه داغلاردان سحر نسیمی، اۇچان نغمه‌لره قاتار سسیمی، قوْینوندا آلدیغیم ایلك نفه‌سیمی، حساب ائت سنینله پئیماندیر، وطن. چوْخ ایللر گزمیشم دره‌لی-داغلی، چوْخ ایللر گؤرموشم باغچالی-باغلی، اوْلسان دا چوْخ زامان سینه‌سی داغلی، هر آن سنه حئیرانیق، وطن.
بؤلوم لر: یولداشلار، گونئی آذربایجان'دا میللی قادین شعری، اؤتری باخیش بوگون گونئی آذربایجان توركلری، آذربایجان اولوسال دئوینیمی (میللی حركتی) آدی ایله بؤیوك دئوینیم (حركت) باشلامیشلاردیر. بو بوتون آلانلاردا (ساحه‌‌لرده) آیدینجاسینا گؤزه چارپیر. ان باشدا اؤز دیل، اویقارلیغینی (مدنیتینی) تمل گؤتوره‌رك، آذربایجان اولكوسونون (مفكوره‌سی‌نین) اوزرینده دوشونولموش، اؤزونه قاپساملی دوزن یاراتمانی گركلی ساییر. دئمك بو گون آذربایجانلیلارین آراسیندا اولان اولوسال (میللی) دوشونجه، بیر یوزیللیگین اؤزللیگی اولاراق تانیلماقدادیر. بو دئوینیمده (حركتده) یالنیزجا كیشیلر دئییل، قادینلار دا، بوتون آلانلاردا چالیشماقدادیرلار. گونئیده باشلانیب اؤنه سورولن بو آخیم، اولدوقجا اویقار (مدنی) بیر دئوینیم (حركت) كیمی اؤزونو گؤسترمكده‌دیر. بونو اونایلایان (تسدیقله‌ین) دا، سون ایللرده گونئیین قادین یازار، شاعرلری‌نین یایینلانمیش -ایستر كیتاب بیچیمینده، ایسترسه ده اینتئرنئتده- یاپیتلاریدیر (اثرلریدیر). یازیلاردا اولدوقجا وطن، اؤزگورلوك، باغیمسیزلیق، آنا دیلی، حاقسیزلیق، ایسیان، عدالت… بو كیمی قونولار، ایچیریكلر آغیرلیق باسیر. آیری یؤندن گونئی آذربایجان یازار قادی‌نینین شعرینده گوونسیزلیك، قورخو، دویولمایان هایقیریش، بونلارین هامیسینا آلدیرمازلیق (ائتیناسیزلیق)، آیریجا قورخونج بیر سوسماق سؤزجوك سؤزجوك جانلانیب شاعرین روحو، توپلومسال دورومونو شعر دیلی ایله آچیقلاماغا باشلاییر. اؤرنك اولاراق نیگار خییاوی'نین ”ساری امنیت” آدلی شعری بو دویغولاری نئجه ده گؤزل اوخویوجویا دویدورور: …
بؤلوم لر: یولداشلار، - بعضی یدئولوژیلرین طرفدارلاری بیزیم میللی
شخصییتلریمیزی بیر شكیلده اؤزلرینه چیخماق ایسته ییرلر. مثلن سهند و بئهرنگی
اونلاردان ساییلا بیلر. سهند حاققیندا سؤیله شینی داها سونرایا ساخلاییب، بئهرنگی
حاققیندا كونوشالیم. بئهرنگی نین كوممونیست اولدوغونو قبول ائتمك مومكونمو؟ - بعضی اینسانلار بؤیوك آماجلار، بؤیوك ایشلر اوچون دوغولورلار. ایچلرینده بؤیوك ایش گؤرمك اوچون دوغوشدان گتیردیكلری ائنئرژی اولور. بو ائنئرژی زامان آخیشی ایچینده هم توپارلانیر، هم ده داها ائتكین دوروما گلیر. ۲۰- جی عصرده بیر چوخ ائنئرژیلی اینسانلاریمیزی منفور كوممونیزم ایدئولوژیسی محو ائتدی. اینسان هر نه یه اینانسا ایچینده كی او ائنئرژی ده او اینانیشا گؤره توپارلانیب رئالیزه ائدیلر. اصلینده كوممونیزم ایراندا گئرچكدن بیر دین حالینا گلمیشدی و بیر دوشونجه كونوسو هئچ زامان اولمادی. اولسایدی اونلاردان بیر اثر قالاردی. هئچ بیر اثر قالمادی. سانكی یوخ اولوب یئرین آلتینا گیردیلر. سادجه بیزیم بعضی ائنئرژی اینسانلاریمیزی بو كوممونیزم دینی یازیق ائتدی. آنجاق بیر طرفدن ده اونلارین یازیق اولمالارینا اوزولمه مك لازیم، چونكو تاریخ بویو ساده لؤوح و عوام صداقتلیلر اؤز جهالتلری اوزوندن باشقالارینا جاسوسلوق ائدیرلر. ایراندا كوممونیزم یولوندا اؤلنلر روس منافعلری یولوندا حیاتلارینی ایتیردیلر، صینفی موباریز كیمی بوش سؤزلر هامیسی آلداتیجی شوعارلار ایدی. بئله بیر اورتامدا سورماق لازیمیدیر كی، بئهرنگی ده روس جاسوسو ایدی یا یوخ؟ بو سوالا جاواب وئرمك اوچون ده بئهرنگی حاققیندا یازیلان خاطیره لره، اونو روس جاسوسو كوممونیست اولاراق گؤسترمه لره باخماق لازیم دئییل، اساس قایناغا باخماق لازیمدیر، یعنی بئهرنگی نین داورانیشلارینا، بیلگی بیریكدیرمه شكلینه و یازدیغی اثرلر.
بؤلوم لر: یولداشلار، هاچان، بیرده،گورم سنی
بؤلوم لر: یولداشلار، تؤكۆلۆر گؤیلردن درگاهێن نۇرۇ گؤیدن گلن یوْلۇ چیزیر بایاقدان. سانكی یئره آخان دیریلیك سۇیۇ، محبت گتیریر سیرلی بۇلاقدان. گؤیه باخدێقجا من سئودالانێرام چێلغێن دۇیغۇلارێم اۇچۇرۇر منی. من خوْشبخت اوْلۇرام، یاغێش یاغاندا گؤیلرین عشقییله سئویرم سنی. توْخۇنۇر اۆزۆمه، یاناقلارێما ائله بیل، سئوگیلیم اوْخشایێر منی. سوْنسۇز شۆكر ائدیرم، من اؤز تانرێما گؤرۆرم، دۇیۇرام بۇ معجزه‌‌نی. یاغێر اوْ، ساكیتجه یاغێر حیسسیمه، رۇحۇن احتیاجێن دۇیۇرمۇش دئمه. اوْ یاغێر قلبیمه، یئنی اكدیگیم محبت چیچه‌ییم سوْلماسێن دئیه. نورانه نور بؤلوم لر: یولداشلار، سیلین سین گؤز یاشێ گؤزلریمیزدن، گۆلۆش سیلینمه‌سین گؤزلردن! آمین! كۆسۆب اینجیسك ده بیر- بیریمیزدن، قلبلر قێرێلماسێن سؤزلردن! آمین! گۆج وئرسین رۇحلارا سئوگی، محبت، اینسانێ اینسانا باغلاسێن اۆلفت... گۆزلره نۇر گلسین، قوْللارا قۆووت، تپر آزالماسێن دیزلردن! آمین! تیكانلار، آلاقلار سوْلۇب سارالسێن، یامانێن باشێنا دۆنیا دارالسێن. قوْی یارێن كؤنلۆنۆ ائله یار آلسێن، باخێشلار ایتمه‌سین ایزلردن! آمین! زامان قانادلێدێر، دؤنسه ده یئله، نئچه كی، وار اۆمید، وئرك ال- اله. سئوگیدیر دۆنیانێ یاشادان هله، كاش، اوْ دا بئزمه‌سین بیزلردن! آمین! شاعر: آفاق شیخلی بؤلوم لر: یولداشلار، |
بلاقا گؤره چیراق یاندیر،اوجاق قور كور یوخودان بیرجه دور قوی امه یین داغیتسین یوردوموزا قیزیل نور . حبیب ساهر
Dağlıq Qarabağ (1988-1993) Xankəndi (18.09.1988) Əskəran (19.10.1991) Hadrut (19.11.1991) Xocalı (26.02.1992) Şuşa (08.05.1992) Laçın (17.05.1992) Xocavənd (02.10.1992) Kəlbəcər (3-4.04.1993) Ağdərə (07.07.1993) Ağdam (23.07.1993) Cəbrayıl (23.08.1993) Füzuli (23.08.1993) Qubadlı (31.08.1993) Zəngilan (30.10.1993) *** Azərbaycan ***
|
| [ طراحی : ایران اسکین ] [ Weblog Themes By : iran skin ] | ||
