قالب وبلاگ


من توركم ، آذری یوخ
Vətən Anadır ANA çağırır bizi 
نظر سنجی
تورك ديلينده مدرسه لازيمدير؟




چارلی چاپلی نین سونونجو فیلم تئكنیكی اوندان عیبارت اولموشدور كی كئچمیش روسیه رسمی لریندن آلدیغی اؤدولون یاریسینی بیر ایشچی خئیریه جمعیتینه باغیشلادی. دوغروسو ، بو ایش یوخسول و ایشچی لر آراسیندا بیر نوع طبیعی مساواتچی لیغین یارانماسی آنلامیندادیر. چونكی چارلی ایشچی لری همیشه یوخسول بیلیردی : اونون فیلم لری نین انسانی گوجوده ائله بوندان آسیلی ایدی. البتده كی اونلارین سیاسی قارانلیقلاری دا ائله بوندان تؤره میشدیر. بو مسئله اونون «یئنی چاغ » فیلمینده داها بدیعی شكیلده گؤرونور. بورادا ، چارلی ایشچی لیك مضمونونو هئچ ده اونوتمور. آمما هئچ واخ اونا سیاسی باخیمیندان دا یاناشمیر. او ایشچی لری هله ده، قاندال لی، كور و اؤز ساده طلبات لاری نین و آغالارا قول اولمالارینی گؤستریر. اونون فیكرینجه ایشچی لر هله ده آج انسانلاردیلار. چارلی نین فیلم لرینده، آجلیغین گؤرونوشو همیشه ائپیك جه سینه دیر (حیماسی): ساندئویچ لرین حددیندن آرتیق بؤیوكلویو، سودله دولو قانوولار، زنگین لرین دیشله دییی مئیوه لر و اونلارین تیكه سینی سایمازیانا یئره آتماق ، و اونون گؤستردیی انسانلار ، آجلیغا قاپیلیر، سیاسی شعوردان اوزاقدیلار. اونون فیكرینجه كوتله وی نومایش لر ( اعتراضات عمومی ) بیر نوع مصیبت دیر : چونكی آجلیقدان كور اولموش انسانی قورخودور. بئله بیر آداملار ایشچی لرین موقعینی دویا بیلمز ، تكجه یوخسول و ایشچی لرین تضییق لر سونوجوندا بیرلشمه لری اونلاری قورتارا بیلر. تاریخی باخیمدان چارلی تخمینا 19 - جی عصرین ایشچی لرینی نظرده توتور : چونكی اونلار، ماشینیزمه قارشی دورور، كوتله وی نومایش لردن یورولوب و تكجه بیر تیكه چؤره یه دوشونور. اونلار هله سیاسی ندن لری تانیماق و كوتله وی نومایشین گره ك لییینی دویمامیشلار.

آنجاق چارلی اونا گؤره سونسوز صحنه قابلیتینه مالیك دیر كی شعورسیز و انقلابچی دوشونجه لردن اوزاق اولان ایشچی لری عكس ائدیر. هله توپلوما مئیل لی اولان هئچ بیر اثری ایشچی یاشاییشی نین پیسلیك لرینی بو قدَر شدتلی و الی آچیق عكس ائتدیرن گؤرمه میشیك. اولا بیلسین كی تكجه برتولت برئشت بو ضرورتی دویموشدور كی سوسیالیستی بدیعی اثر همیشه انسانین، انقلابدان اؤنجه دورومونو نظره آلمالی دیر: بئله بیر انسان یالنیز اولاراق هم ده كوردور؛ و تكجه تضییق لر سونوجوندا انقلابچی آنلامینا یئتیشمك حدینده دیر. حال بو كی چارلی ، برئشت كیمی كورلوق و شعورسیزلیغی ائله تاماشاچی لارا گؤستریر كی تاماشاچی هم كورو و هم ده كورلوغون بدیعی نوماییشینی گؤرور. كور بیر كیمسه نی گؤرمك، أن یاخشی و ائتكی لی باخیش آچیسی (زاویه دید)دیر كی كور اونو گؤرمه ییر: اؤرنك اوچون : چارلی دوستاقدا ، دوستاغبانین سئوگی و سایغیسینی گؤرمكله، اؤزونو آمریكانین زنگین لریندن (ثروتمند) سانیر، بیز اونو یاخشی گؤروروك «لینكولن» كیمی قیچینی قیچی نین اوستونه آشیراراق، گونده لیك لری واراقلاییر : آنجاق اونون بو تقدیره لاییق حركتی، اونون اعتبارینی آزالداراق ، ساختاكارلیغی و باشقالاری نین یامسیلاماسی هئچ ده آلینماییر؛ یئنی و باشقا دورومدا قوللوغا اوغراییر. بئله لیكله حتتا أن كیچیك بئله باغلی لیق دا، یارارسیز اولاراق یوخسوللوق آراسیندا باغلانتی هر آن قیریلیر. ائله بونا گؤره ده چارلی نین كاراكتئرلری هر شئیی یه غلبه ائدیر : چونكی او بوتون باغلی لیقدان ازاددیر؛ و بئله آدامین، انسانی وارلیغی تكجه اونون یالنیزلیغی دیر. اونون آنارشیزمی - سیاسی باخیمدان شوبهه لی دیر - صنعت باخیمیندان بلكه ده انقلابین أن ائتكی لی جهتی دیر.

یازان : رولان بارت فارسجادان چئویرن : همت شهبازی



بؤلوم لر: ، 
[ جمعه 8 اردیبهشت 1391 ] [ 05:59 ] [ ماحمود دالغا ]
Baxışlar 0
.: Weblog Themes By Iran Skin :.

بلاقا گؤره


چیراق یاندیر،اوجاق قور
كور یوخودان بیرجه دور
قوی امه یین داغیتسین
یوردوموزا قیزیل نور .
حبیب ساهر
سایغاج سایت
بازديدهاي بو گون : نفر
بازديدهاي ديروز : نفر
كل بازديدها : نفر
بو آیین گؤروشو : نفر
ایندی بلاق دا : نفر
باخیش لار : عدد
كل مطالب : عدد
یئنیله مه چاغی :

YAŞASIN AZƏRBAYCAN YAŞASIN AZƏRBAYCAN

حامیان محیط زیست آذربایجان

Qanlı tarix
Dağlıq Qarabağ (1988-1993)
Xankəndi (18.09.1988)
Əskəran (19.10.1991)
Hadrut (19.11.1991)
Xocalı (26.02.1992)
Şuşa (08.05.1992)
Laçın (17.05.1992)
Xocavənd (02.10.1992)
Kəlbəcər (3-4.04.1993)
Ağdərə (07.07.1993)
Ağdam (23.07.1993)
Cəbrayıl (23.08.1993)
Füzuli (23.08.1993)
Qubadlı (31.08.1993)
Zəngilan (30.10.1993)
*** Azərbaycan ***

وبسایت خبری تحلیلی دورنا نیوز آذربایجان غربی