|
من توركم ، آذری یوخ Vətən Anadır ANA çağırır bizi
| ||
|
|
بیر سس چاغیردی منی، گؤردوم سانكی، دوماندی. دیزیم تیتره‌دی، اسدی، باخدیم، لیباسی قاندی. سوروشدوم آدین نه دیر؟ دئدی كی، اینتیقامدیر. دئدیم، شهید ائلیم وار، دئدی، حاقا ایاندی. دئدیم، ائلیم دوغرانیب، دئدی، قوربانی جاندی. دئدیم، درمانیم نه دیر، دئدی كی، اینتیقامدیر. دئدیم، نئجه بیرلشك؟ دئدی، چتین زاماندی. دئدیم، بس بیرلشمه‌سك؟ دئدی، حالین یاماندی. دئدیم، وارمی باشقا یول؟ دئدی كی، اینتیقامدیر. دئدیم، كاش شهید اولام، دئدی، اوجا مقامدی. دئدیم، دونیا بئزدیریب، دئدی، پوچدو، یالاندی. دئدیم، گؤستر حاق یولون، دئدی كی، اینتیقامدیر. رحیملییم، دیلسیزم، دئدی، تانری دویاندیر. دئدیم هانی اؤندریم؟ دئدی، او پاك قورآندیر. دئدیم، منه سون سؤزون؟ دئدی كی، اینتیقامدیر....... مؤلف: آیگون رئهیملی
بؤلوم لر: یولداشلار، گلمگیمه فیكیرلشیردیم. دوزونو ایسته سنیز بیر شئیلر فیكریمه چاتیردی. آمما ایسته ردیم بیر كیمسه دن یاردیم آلیم. آناما اوز توتدوم و اوندان ایسته دیم كی منیم یاردیمجیم اولسون. آنام چوخ محبتله ماراق گؤستردی. سوروشدوم: - آنا جان، منیم دونیایا گؤز آچدیغیم چاغدان دانیش !!. آنام باشلادی سؤزه، منیم گؤزلریم تیكیلدی آنامین گؤزلرینه. - قیزیم سنی دوققوز آی قارنیمدا دولاندیرمیشام. او دوققوز آیدا سنین بویووا گؤزل – گؤزل اوخشامالار اوخشامیشام. گون او گون اولوب كی زامانی چاتیب، بالام دونیایا گؤز آچسین. دوغرودان – دوغروسو بیلمه دیگیم كلمه لر، او زامان دیلیمه گلیردی. دوزدور كی چوخ چتین بیر لحظه لردیر. آمما عؤمرومون ان شیرین لحظه سی او زاماندیر. من آنامین سؤزونون آراسینا آتیلیب، سوروشدوم: - او چتین زامان سنین اوچون نییه بس شیرین ایدی؟ آنام دئدی : - آنا اولماسان بیلمه سن، من او حالدا سنین ساغ – سالامات دونیایا گلمگیوین فیكرینده ایدیم. دئیردیم بالاما بیر زاد اولماسین. آللاهدان اؤزومه اؤلوم، اوشاقیما حیات ایستردیم. داها منیم گؤزلریم یاشلا دولموشدو. بیر آنا كی اؤلومه قارشی – قارشییا منی یاددان چیخارمیر، منی آتمیر،من نئجه بو آنانین دیلینی یاددان چیخاردیم، اونون اوچون دئییرم: آنا دیلی اؤلن دئییل اؤزگه دیله دؤنن دئییل. یازار: آیدا ابراهیم پور
بؤلوم لر: یولداشلار،
سن كی، صاف عشقینی منده تاپاردین، نه اوْلدو؟ قفیلدن آلدین-آپاردین. گؤزونو گؤزومدن ائله قوْپاردین، ایندی خیالیم دا گؤزوندن قاچیر. سنین ایسمتیندن دوْغولان تری، رۇحوما سئچمیشدیم سێغینجاق یئری. سن مندن آیریلیب قاچاندان بری، امینم، حیا دا اۆزوندن قاچیر گئجه‌لر یۇخومون چێراغی سؤنور، سۆكونت اۇجادان دانیشیر، دینیر. اۆرك مین خیالین باشینا دؤنور، اؤزوندن آیریلیر، اؤزوندن قاچیر. یاپیشیب یاخامدان، چكیب گیزلیجه، بیر بیلسن خیاللار رقص ائدیر نئجه. صاباحا "مین اۆمید" سؤز وئرن گئجه، سحر آچیلاندا سؤزوندن قاچیر. بؤلوم لر: یولداشلار، حیدر بابا ارمو گولی سوسوزدی باغری یانیب ، دیل دوداغی ،
قئر دوزدی بو گلینین ، یوخدی یأری ،
یالقوزدی ! زامان بویو ، آخان چایا ، نه
گلدی ؟ شیرین سویا ، آجی چایا ، نه
گلدی ؟
بؤلوم لر: یولداشلار، قانا باتان گونش كیمی قانلی شفقده باتمیشام نورلو باخیش لاریم سؤنوب، آل اوزومو ساراتمیشام قانلی قانادلی قارتالام، اؤوچو اوخویلا توشلانیب ترك قیلیب سمالاری،قم یوواسیندا یاتمیشام زیروه لی سیلدیریم لارین داخمالاریندا سارسیلیب ظولمتین اورپه یین گئییب، رنگیمی لاپ قاراتمیشام ماوی خیال سمالارین قانلی قانادلا گزمیشم اؤوچو دوغان قارانلیغین بؤینونا زنجیر آتمیشام سون نفسیمده یوكسلیب وارلیغیمین ترانه سی عئشقیله وارلیغین باشین اولدوزادك اوجاتمیشام دویغولاریمدا پارلاییب عئشقمین آیدین اولدوزو من بو توكنمز عئشقدن باشقا گؤنش یاراتمیشام باشقا قاناد چیخاردیرام قارلی بولولا توققوشام گنج لیین باهار چاغین من بو اومیده ساتمیشام شانلی سحر دریچه سین آچماغا اینتیظاردایام شانلی شفقده چیخماغا، قانلی شفقده باتمیشام. حسن اسدی (شبدیز) بؤلوم لر: یولداشلار، بیز واریق وارسا وطن وارایسه دوغما
دیلیمز اؤیره نیب بیلمه لیدیر اؤز دیلینی
تورك ائلیمیز آنا تك جاندان عزیز دیر آنا تورپاق
آنا دیل حورمتین ساخلا یاشار كن آنالار
قدرینی بیل وطنین كیملیگیدیر وارلیغینین داش
تملی كیملیگین بایراغیدیر هر بالا نین
دوغما دیلی آنا دیلدیر بزه ین دویغولارین
اویلاغینی سوسله ین آرزیلاری سئوگی سئوینجین
باغینی بولبول اؤز دوغما دیلیله گوله سویلر
سؤزونو هر گول اؤز رایحه سیله تانیدار
اؤزآوزونو آنا دیلدیر داشییان لایلالارین جان
دادینی آنا دیلدیر یاشادان ائولادینین اؤز
آدینی آنا دیلدیر ائلینین تاریخی آیدین
تانیغی یوردونون اؤلكه سینین آیناسی سؤنمز
چراغی آنا دیلده آنانین سئوگیسی عطری دادی
وار آنا دیلده وطنین شانلی شرفلی آدی
وار. بؤلوم لر: یولداشلار،
نازلی شیرین دیل واریم ، اؤزگه دیله یازمارام
دوغراسالاردا منی اؤز دیلیمی
آتمارام
جنتی وئرسز منه ، دونیانی ساتساز منه
من آنامین ناز دیلین باشقا دیله
ساتمارام
شهریاریم دوز دییب قاتما دیلین دیللره
من بو گؤزل تورك دیلین آیری دیله
قاتمارام
باخ بو دیلین سایه سی ، گزدی آدیم دیللره
اولماسا گر بو دیلیم هئچ یئره
من چاتمارام
اوندا كی من اؤلموشم قورلایین اؤز یوردوما
چون بودور عادت منیم اؤزگه یئره یاتمارام
قبریمین اوستونده سیز توركی بو شعری یازین
اؤز دیلیمی آتمارام ، باشقا دیله ساتمارام.
بؤلوم لر: یولداشلار، |
بلاقا گؤره چیراق یاندیر،اوجاق قور كور یوخودان بیرجه دور قوی امه یین داغیتسین یوردوموزا قیزیل نور . حبیب ساهر
Dağlıq Qarabağ (1988-1993) Xankəndi (18.09.1988) Əskəran (19.10.1991) Hadrut (19.11.1991) Xocalı (26.02.1992) Şuşa (08.05.1992) Laçın (17.05.1992) Xocavənd (02.10.1992) Kəlbəcər (3-4.04.1993) Ağdərə (07.07.1993) Ağdam (23.07.1993) Cəbrayıl (23.08.1993) Füzuli (23.08.1993) Qubadlı (31.08.1993) Zəngilan (30.10.1993) *** Azərbaycan ***
|
| [ طراحی : ایران اسکین ] [ Weblog Themes By : iran skin ] | ||
