|
من توركم ، آذری یوخ Vətən Anadır ANA çağırır bizi
| ||
|
|
ترسینه كسیلیر باشلار ساری بایراقلارین امنیتینده! بالتالی بایراقلار گؤزلر هویخموش باخیر…باخیر… بیر آز قان بیر آز یاش بیر آز قانیاش تؤكور آخیر…اخیر… نه‌دن قورخورسان؟ نه‌دن دالغینسان؟! بارماغینی سال بوغازینا بیر آز اؤد قوس. بیر بوغاز اؤیرندیگین قوشمالاردان باغیر، و قورخولارینی چاغیر… بوغازی‌نین قاپیسینا سوس…س…س… هببی دیغیرلات. باشینی آاااات… یااااات… بوز بایراقلار صاباح؛ ادعالی دالغالاریندا ساری امنیت پایلایاجاقلار، و سنین قولو قوینوندا بوینو دوشوك شكیلینی تاریخه یایاجاقلار!… باشقا بیر قادین شاعر، بوندان داها دا ایره‌لی گئدیب، بئینینده‌كی دوشونجه‌نین بئله گوونسیز اولدوغونو تصویره چكیبدیر: زهرا نظرنئژاد'ین ”جینایتین اللری” آدلی شعری، داها دوغروسو اونون یاشادیغی اورتامداكی بوتون اینسانلارین اؤیكوسودور (هئكایه‌سیدیر): … بیر های داها بوغولدو بو شهرد… خستخانا یاتاقلاری‌نین اوستونده هر نَیی سیلدیلر اونون بئینیندن؛ كئچمیشی… گله‌جیی… و هر نَیی…! سویدولار ایچینی و سامان تپدیلر تام وارلیغینا! بیر سس، داها بوغولدو بو شهرد… كوسدو بارماقلاریندان قوپوزون تئللری! آاااه… سینسین بؤیله جینایتین اللری! سیلدیلر بورنوندان تورپاق قوخوسونو و گؤزلریندن گله‌جك یوخوسونو… سونرا اونو، سربست بوراخدیلار خیاوانلارا…! بؤیله گوونسیز بیر اورتامدا آراسیرا شاعر اومودسوزلوغا قاپانیب سونوندا یئنه ده هئچ زامان الی چاتمایان، بلیرسیز بیر وارلیغا سیغینماق ایسته‌ییر: عدالت! رحمتلیك گنج شاعر ائلناز نستوه، سیلگی الینده ایكن اؤز دونیاسینی بؤیله‌سینه گزیردی: … سیلگی الیمده دونیامی گزیرم! ”ش” ایله باشلایان هر شئیی سیله‌جه‌یم. شانی…شرفی…شادلیغی… كوچه‌دیم! سوخاقلارین باشیندان كؤلگه سسی گلیر… قاچیرلار! مندن می؟ سیلگیدن می؟!! ”ش” ایله باشلامیر اونلار! من ده قاچیرام. عدالتعین قوینونا قاچیرام… آنجاق بوتون قورخولارا، اومودسوزلوقلارا، گوونسیزلیكلره باخمایاراق آذربایجانین گونئی قادی‌نینین شعریندن، عصیان سسی هارایلانیر. سونوندا حاقسیزلیغا، قورخویا، یالانا، توتساغا مئیدان اوخویور. بیله‌یینده‌كی گوجو ایله یوخ، اورگینده‌كی اومودلا، بئینینده‌كی دوشونجه ایله وارلیغینی اورتایا قویور. دئمه‌لی بو جهنمدن قورتولماق یولونو، بوگون تكجه اویقارلیقدا (مدنیتده) گؤرور گونئی آذربایجانین قادینی. معصومه شقاقی، من شاعرم دئیه باغیریر قاندالی توتساقلارا؛ … من شاعرم ائهئئئی… قانداللی توتساقلار! سنه باغیرانماسام دا شعرلریمده، اسیرلر بویو باغیرارام… كسه‌رم… من شاعرم! دیلیم باغلانسا دا، الیم یازار… الیم باغلانسا دا، دوشونجم منیمدیر… من شاعرم! ائهئئئی…! قانداللی توتساق! قورخمورام آرتیق. سنه سیزمالییام، سنی پوزمالییام. بو جهنمدن، قورتولمالییام… اولوسال دوشونجه، بوگون گونئی آذربایجان اولوسونا تمل وارلیق ساییلاركن، اونو قوروماق، اونا یییه دورماق، بیرر ویجدانلی اینسانین بورجو، گؤروی ساییلیر. بونونلا بیرلیكده، گونئی'ده یارانان دیره‌نیش ادبیاتی دا، یئنی بیر اولایدیر، بوندا قادینلارین دا اؤزونه اؤزل یوللاری واردیر. بو یولدا، قادینلار بیلگی، اومود، دوشونجه، جسارت ایله یاراقلانیب، اؤز دئوینیملرینه (حركتلرینه) دوام ائتمكده‌دیرلر. ملیهه عزیزپور 04/04/2010 بؤلوم لر: یولداشلار، |
بلاقا گؤره چیراق یاندیر،اوجاق قور كور یوخودان بیرجه دور قوی امه یین داغیتسین یوردوموزا قیزیل نور . حبیب ساهر
Dağlıq Qarabağ (1988-1993) Xankəndi (18.09.1988) Əskəran (19.10.1991) Hadrut (19.11.1991) Xocalı (26.02.1992) Şuşa (08.05.1992) Laçın (17.05.1992) Xocavənd (02.10.1992) Kəlbəcər (3-4.04.1993) Ağdərə (07.07.1993) Ağdam (23.07.1993) Cəbrayıl (23.08.1993) Füzuli (23.08.1993) Qubadlı (31.08.1993) Zəngilan (30.10.1993) *** Azərbaycan ***
|
| [ طراحی : ایران اسکین ] [ Weblog Themes By : iran skin ] | ||
