قالب وبلاگ

تؤكۆلۆر گؤیلردن درگاهێن نۇرۇ 

گؤیدن گلن یوْلۇ چیزیر بایاقدان. 

سانكی یئره آخان دیریلیك سۇیۇ، 

محبت گتیریر سیرلی بۇلاقدان. 

 

گؤیه باخدێقجا من سئودالانێرام 

چێلغێن دۇیغۇلارێم اۇچۇرۇر منی. 

من خوْشبخت اوْلۇرام، یاغێش یاغاندا 

گؤیلرین عشقییله سئویرم سنی.

 

توْخۇنۇر اۆزۆمه، یاناقلارێما 

ائله بیل، سئوگیلیم اوْخشایێر منی. 

سوْنسۇز شۆكر ائدیرم، من اؤز تانرێما 

گؤرۆرم، دۇیۇرام بۇ معجزه‌‌نی. 

 

یاغێر اوْ، ساكیتجه یاغێر حیسسیمه، 

رۇحۇن احتیاجێن دۇیۇرمۇش دئمه. 

اوْ یاغێر قلبیمه، یئنی اكدیگیم 

محبت چیچه‌ییم سوْلماسێن دئیه.

 

نورانه نور           

بؤلوم لر: یولداشلار،