قالب وبلاگ


من توركم ، آذری یوخ
Vətən Anadır ANA çağırır bizi 
نظر سنجی
تورك ديلينده مدرسه لازيمدير؟




ناهید را هر كسی به نوعی می شناخت و به نوعی صدا می كرد.عده ای او را ناهید بی بی و گروهی او را ناهید جان صدا می كردند. گروهی هم او را به خاطر این كه دختر ناصر خان قشقائی بود به شیوه ای دیگر می ستودند و او را تا حد شاهزاده و یا «پرنسس قشقائی» لقب می دادند.

اما من او را یك انسان – انسانی فارغ از تعلقات قومی، انسانی فراتر از چهارچوبهای سیاسی، اجتماعی و مذهبی زمان حاضر یافتم. به همین دلیل در مرگ غریبانه و مظلومانه او از عمق وجود گریستم. هر كه او را می شناخت نیز بر تنهایی او اشك حسرت بدیده چكانید. از بچه خان گرفته تا چپ، از مذهبی گرفته تا سكولار، از ترك گرفته تا فارس و از افغان تا آمریكایی همه او را دوست داشتند. همان طور كه بود و همان طور كه نشان می داد. بدون هیچ رنگ و روغن، آب و تاب، و یارنگ و لعاب.




آرديني اوخو

بؤلوم لر: بو بیر آدی؟؟؟، 
[ جمعه 26 مهر 1392 ] [ 07:14 ] [ ماحمود دالغا ]
Baxışlar 1

چوخ تاسوفله, تانینمیش آذربایجان ادبیات خادیمی, آذربایجان یازیچیلار بیرلیگی‌نین فخری عضوی و ساهر ادبی- مدنی درنه‌یی‌نین آق‌ساققالی قوجامان شاعریمیز اوستاد “آقازاده علیایی” شهریور آیی‌نین بیرینده آرامیزدان كؤچدو. كرج شهرینده یاشایان و تهرانین مسیح دانشوری خسته‌خاناسیندا ابدیته قوووشان اوستاد علیایی شنبه گونو عائله‌سی, دوستلاری و تهراندا یاشایان بیر تعداد آذربایجان شاعر و یازیچیلاری‌نین مشایعتی ایله بهشت زهرا مزارلیغیندا تورپاغا تاپشیریلدی.

 اوستاد آقازاده علیایی ادبیاتیمیزا ائتدیگی خیدمتلرینه گؤره, ادبیات تاریخیمیزده قالارقی شخصیتلردن اولاجاقدیر. او ۱۳۰۶ینجی ایل باكی شهرینده مهاجر بیر عائله‌ده دونیایا گؤز آچیب, یئددی یاشینداایكن عائله‌سیله بیرلیكده كئچمیش سووئتلر آذربایجانیندان چیخاریلیب, آتا بابا اوجاغی اولان ساراب ماحالینین دوننی كندینده مسكونلاشیبدیر. سونرالار ساری, تهران و كرج شهرلرینده یاشاییب, اوزون ایللر فارس دیللی ادبی درنك‌لرده فعالیت گؤستریب, انقلابدان سونرا آذربایجان ادبیاتی‌لا ماراقلانیب و بو ادبیاتین انكشافیندا اونودولماز و چوخ دیرلی خیدمتلر ائدیبدیر. فارس دیلینده “ققنوس”، شگفتیها”، “بانگ پدر”، “ساقینامه” و “احساس من” و آذربایجان دیلینده “آذری نغمه‌لری” و “قانادسیز پروانه‌لر” آدلی شعر مجموعه‌لری یاییلیبدیر. او ادبیاتیمیزا ائتدیگی اونودولماز خیدمتلرینه گؤره آذربایجان یازیچیلار بیرلیگی‌نین فخری عضولیگینه سئچیلیب و شرفینه ادبی- مدنی درنك‌لر طرفیندن یوبلئی‌لر تشكیل ائدیلیبدیر.


آرديني اوخو

بؤلوم لر: بو بیر آدی؟؟؟، 
[ چهارشنبه 6 شهریور 1392 ] [ 09:29 ] [ ماحمود دالغا ]
Baxışlar 3

تبریز ایداره لرین بیرینه گئتمیشدیم ایشیم وارییدی. اوردا ایشله ریمی گوره ركن گئنه بیر 60 یاشلی كیشینین یاینیمدا دورموش و جیب تئلفونویلا دانیشیردی.

اوغلوم اوختا ی !  سنین كیملیك  كارتینی  سونرادا ده ییشه بیله رلر ایداره دن دئدیلر." كیشی دئدی.

اوختای آدی منی ماراقلاندیردی.  كیشیه ساری دوندوم ,  واراقلاری میز اوزه رینده یدی. من اوغلانین آدین و سوی آدین گوردوم  داها شاشقین دوروما  قالدیم.  آدی و سوی آدی  نه ایمیش ؟!.  "اوختای نابدل"

بیر آن رحمتلیك علیرضا(اوختای) نابدل و اونون قهرمانجاسینا یاشاییشی بئینیمده ن كئچدی.

"سیزین اوغلونوزدو مو ؟"سوروشدوم.

"هن" كیشی دئدی.

"بویوك بیر اینسانین آدین  اوغلونوزا قویوبسونوز ."دئدیم

او بویوك اینسان منیم  دوغما قارداشمییدی.

دای من دوزگون قیفیللادیم. توك له ریم بیز بیز دوردو.

هئچ سوز دئمه ده ن بو كیش نی سئیر ائتدیم.

و تئز منده ن گولومسو یه رك اوزاقلاشدی.

من گیجه لمیشدیم دوغروسو.

چیخدیم اولدوغوم قاتدان ان آشاغی قاتا  یئنه م . لیفت(آسانسور) اونونده بیر داها گوردوم  نابدل ین قارداشین.

5 قاتلی ایداره نی بیرلیكده و آیری اوچ  آدامیلا بیرلیكده آشاغی یئندیم.

سنین تك اینسانلاریلا تانیش اولماغی  اوزومه بویوك فخر سانیرام. " دئدیم.

گولومسه یه ره ك جاوابیمی گئنه وئرمه دی.

یئندیك آشاغی قاتا نابدل ین قارداشی یولون توتدو گئتدی.

ماراقلی سی بورایدی. گوردوم  بولمه دن(غیری ایرادی)    نابدل ین قارداشی نین  آردیجا منده گئدیره م. منیم ماشینیم بویاندایدی ,  اونو ن ماشینی قارشی طرف ده .

قاییتدیم ماشینیمین ایچینده اوتوردوم. و فیكره جومدوم.

اوختای نابدل یاشاییر ,  میللی قهرمانیمیز یاشاییر. بیریسی آدییلا یاشاییر ,  بیریسی دوشونجه سیله  , بیریسی قورد اوره ك و جسارتلی اولدوغو بیر موباریز و ساواشچی كیمین تمثیل ائدیر و یاشاییر.

میللی قهرمانلاریمیز  فیكیر ساحه سینده ,  ساواشچیلیق ساحه سینده , سیاستچی لیك و اینجه صنعت خادیملری و ساییره    ساحه لرده بیزیم كونول لریمیزده ابدی یاشایاجاقلار.

و منده بونلارین هامیسیلا  یاشاییرام . آدی  , دوشونجه سی ,  قورد اوره كلی ساواشچی اولدوغونا گوره , و یولداشلاری بهروز  دهقانی ,  صمد بهرنگی ,  كاظیم سعادتی و باشقا یولداشلاریلا یاشاییرام.

بو دا بو گونو موزده ن .

قایناق: http://govarcin.blogfa.com




بؤلوم لر: بو بیر آدی؟؟؟، 
[ دوشنبه 28 مرداد 1392 ] [ 07:59 ] [ ماحمود دالغا ]
Baxışlar 0

هله گنج یاشلاریندا مشروطه ساواشلارینین باشچیلاریندان اولدو. سیلاح ساتان توكانی اولدوغونا گؤره اونا اسد آقا فیشنگچی دئدیلر.همین آد مجدالملك ماغازالاری ساواشیندان سونرا دیللره دوشدو. بو ساواشادا باشینا گولله دگیر. آنجاق او تكجه بیر گؤزونو الدن وئریر،موستبیدلرین قورودوغو "ایسلامیه انجومنی" ، " قرع ملیك" و بیر چوخ قانلی ساواشلاردا قهرمانلیق گؤسترمیشدی.

29 آذر 1290 – دا مشروطه چیلرین روسلارلا ساواشیندا، اسد آقاخان اساس رول اوینانیر، روسیه نین باش كونسولو"میللر"بو ساواشدان سونرا مشروطه چیلرین توتولماسینا امر ائدیر،اسدآقا خانین غئیرتین و یاراتدیغی حماسه نین شؤهرتین بوردان بیلمك اولاركی "میللر" اونون حاقیندا،روس سالداتلارینا دئمشدیر:"بونلاری بوراخین،آنجاقاو بیر گؤزلونو منه گتیرین".

ثقه الاسلام و باشقالارینین اعدامینان سونرا، اسدآقاخان بیر چوخ مشروطه چیلر ایله برابر،تبریزین نظمیه سینده ایشه باشلاییر.بعضی كورد طایفلاری، ایسماعیل آقا سیمیتقونون باشچیلیغی ایله اورمیه یه حمله ائتدیكدن سونرا، اونلارین دؤیوشونهگئدیب،1300- جی ایلین قیشیندا ساووق بولاقدا (ایندیكی مهاباددا)شهید اولور.




بؤلوم لر: بو بیر آدی؟؟؟، 
[ چهارشنبه 13 دی 1391 ] [ 09:30 ] [ ماحمود دالغا ]
Baxışlar 0

اثرلری‌ایله ابدی­لشن صنعتكارلار آراسیندا ائله نادیر سیمالار واركی, نورلو ایدئال یوْلوندا, خالق آزادلیغی, بشر سعادتی اوغروندا موباریزده بیلاواسیطه گؤستردییی موستسنا قهرمانلیغی ایله‌ده آدی تاریخین قیزیل صحیفه­لرینه حك اوْلونور, قدیرشوناس اینسانلار اونلاری نسیل- نسیل درین احترام دویغوسو ایله یاد ائدیرلر.

۱۹۷۱ - ینجی ایل­, مارت آیی­نین اوول­لرینده جنوبی آذربایجانین مشهور اینقلابچی شاعیری علیرضا نابدل اوختای‌دا بئله‌جه موستسنا قهرمانلیغی ایله اؤز شرفلی آدینی بوتون دونیادا تانینان اؤلومسوز صنعتكارلارین جرگه­سینه یازدی...........

28 ایل عؤمور سورموش بو پاك اینسانین, آلوْولو وطنپرورین, گؤزه­ل شاعیرین موباریز حیات و یارادیجی­لیق یوْلووار. تهرانین «رفعت» نشریییاتیندا چاپ اولونموش «ایشیق» آدلی شعرلر كیتابینی اوخویاركن بو قناعتیمیز داها دا مؤحكم­له‌نیر.

                                


آرديني اوخو

بؤلوم لر: بو بیر آدی؟؟؟، 
[ جمعه 1 دی 1391 ] [ 06:45 ] [ ماحمود دالغا ]
Baxışlar 0

فریدون ابراهیمی 1297-جی شمسی ایلده آستارا شهرینده روشنفكر بیر عائله‌ده آنادان اولموشدور. او، ابتدائی تحصیلینی آستارادا آلمیشدیر. فریدونون آتاسی میرزاغنی 1308-جی ایلده سیاسی اتهاملا حبسه آلینمیش و بیر نئچه ایل زینداندا قالدیقدان سونرا نهاونده تبعید اولونموشدور. فریدون آتاسینین حیمایه‌سی آلتیندا آستارادا 9-جی كلاسی قورتاریقدان سونرا انزلییه گئدیر و 10-جی كلاسی‌دا فردوسی مكتبینده بیتیریر. عالی تحصیل آلماق مقصدیله فریدون تهرانا گئدیر.

او، تهراندا حقوق فاكولته‌سینده تحصیل آلدیغی زامان خصوصی تدریس و روزنامه‌لره مقاله یازماق واسطه‌سیله اؤزونون گونده‌لیك یاشایشینی تأمین ائدیردی.

1324-جی ایلده فریدون ابراهیمی آذربایجانا گلیر. بو زامان آذربایجاندا میللت ارتجاعا قارشی قیزغین موباریزه آپاریردی. فریدون ابراهیمی‌ده آزادلیق اوغروندا آپاریلان بو موباریزه‌یه قوشولدو و اؤز آتشین قلمیله اونا گؤركملی خدمتلر ائتدی. آذربایجان ایالتی كمیته‌سینین نظارتی آلتیندا نشر اولونان «خاور نو» («یئنی شرق») روزنامه‌سینده فریدون ابراهیمی‌نین همین دؤرده یازدیغی مقاله‌لر ایرتیجاعین افشا ائدیلمه‌سینده مهم رول اوینامیشدیر.


آرديني اوخو

بؤلوم لر: بو بیر آدی؟؟؟، 
[ چهارشنبه 22 آذر 1391 ] [ 09:34 ] [ ماحمود دالغا ]
Baxışlar 0
.: Weblog Themes By Iran Skin :.

تعداد یارپاق لار :  ::      1  

بلاقا گؤره


چیراق یاندیر،اوجاق قور
كور یوخودان بیرجه دور
قوی امه یین داغیتسین
یوردوموزا قیزیل نور .
حبیب ساهر
سایغاج سایت
بازديدهاي بو گون : نفر
بازديدهاي ديروز : نفر
كل بازديدها : نفر
بو آیین گؤروشو : نفر
ایندی بلاق دا : نفر
باخیش لار : عدد
كل مطالب : عدد
یئنیله مه چاغی :

YAŞASIN AZƏRBAYCAN YAŞASIN AZƏRBAYCAN

حامیان محیط زیست آذربایجان

Qanlı tarix
Dağlıq Qarabağ (1988-1993)
Xankəndi (18.09.1988)
Əskəran (19.10.1991)
Hadrut (19.11.1991)
Xocalı (26.02.1992)
Şuşa (08.05.1992)
Laçın (17.05.1992)
Xocavənd (02.10.1992)
Kəlbəcər (3-4.04.1993)
Ağdərə (07.07.1993)
Ağdam (23.07.1993)
Cəbrayıl (23.08.1993)
Füzuli (23.08.1993)
Qubadlı (31.08.1993)
Zəngilan (30.10.1993)
*** Azərbaycan ***

وبسایت خبری تحلیلی دورنا نیوز آذربایجان غربی