من توركم ، آذری یوخ Vətən Anadır ANA çağırır bizi
| ||
|
داراشلیق بیر قارانلیق یئره دوشموشدوم. ال - ایاق چالیردیم چیخابیلمیردیم.
سسیم چوخ اوجالیدی آمما اؤزوم ائشیدیردیم، كیمسه منی گؤرموردی، سسیمی
ائشتمیردی.چوخ بیر دهشتلی شرایط ده قالمیشدیم من هامی نی گؤرودوم، منه باخیردیلار
آمما منه یاردیم ائلی ین یوخودور. بیر بله آدام ایچینده نئجور او ییرتیجی
حئیوانلار منه دیشلرین برلدیردیلر بیلمیرم. اوزون زامان منیدیم بیر ده قارانلیق یئر، ییرتیجی حئیوانلار آداما بئنزیردی. یاواش یاواش زوروم
گئدیردی، سسیمده یونگیللشیردی. دورت دورمی او ییرتیجی حئیوانلار آلمیشدی.
موحاصیرده قالمیشدیم، آمما بو حئیوانلار منه یوروش گئتیرمیردیلر. منی قورخودوردولار.
اوشاقلیق زامانی بو ایشلردن بؤیوك قارداشیم گؤرردی، باشینا بیر قویون دریسی اؤرتوب
منی قورخوداردی. آمما او قورخو اورگیمی چیرپیلداتمازدی. اورگیم قورخودان آغزیما گلمیشدی، اؤلوم
نن قورخموردوم، یالقیزلیق منی قورخودور، آداملار ایچینده ییرتیجی حئیوان اولماق
منی قورخودوردی، علاجسیز قالمیشدیم، نئجه دفعه چؤلده گؤرموشدوم بالاجا قوزونی بو
ییرتجی حئیوانلار یینده، فیكیرلشیردیم منی ده او جور ییئجكلر. اؤزون زامان موحاصیره ده قالاندان سونرا بیر اؤلی تری هیكلیم بورودو، اؤلو
قوخوسو وئریردیم، دای ایشیم كومك ایسته مكده كئچمیشدی، اؤزومو آماده ائلمیشدیم بیر
یكه محاربه یه. -
گلون كؤروم سیز نجیسیز؟ بونو قورخا- قورخا من دئدیم. -
ییرتیجی حئیوانلار منه باخدیلار، آداملار كیمی گولدیلر. دورت دوره دن منه یاخینلاشیب، منی توتدولار،آمما باغازیمی چیرمادیلار، بدنیم
تیكه تیكه ائله مه دیلر، منی اؤلدورمه دیلر، آغزیمی زورلا آچیب دیلیمی قوپاردیلار.
1393-7-16 www.facebook.com/mahmooddalgha بؤلوم لر: اۆز یازیلاریم ، بیر سس قالیب بوغازیمدا اود دی بو سس ایلدیریمدی یاندیرماسین دونیالاری اوز ایچمده من یانیرام. كیمسه منی بوغانمازدی بوغور بو سس منی ایندی تایمئر سالیر، گونلر كئچیر گئیزئر كیمی جوشا گلیر بیر گون یاساق قالمیش سسیم گئجه بوجاغیننان قالخیب داغلار یاریب هایلار سالیب قارانلیقی یاندیراجاق باشقا دیلی قاندیراجاق او سس منیم دیل سسیم دی آنا وئرمیش نفسیم دی. بؤلوم لر: اۆز یازیلاریم ، بالاجا بیر رنگلری قفسده ایكی جینقلی "فنج" قوشوم وارایدی.
گؤزل و یاراشیقلی و قورولوشلی. خوش خوش اوخویوب آدامی لذت وئریردیلر. بیر ایكی دفعه ایسته میشدیم اونلاری آزاد ائلیم
آمما اولمامیشدیر. عادت ائلمك چوخ پیس درددیر. ایسه بو باهانا
اولمامیش قوشاریمی آزاد ائلیم، قوشچولاردان سوروشموشدوم من بونلاری آزاد ائله سم
نه اولار: -
اونلارین یاشایش یئرلری بورا
دیر، اؤلرلر،قوشچولاردئمیشدی. تئزلیكده دام و دوواردا بیر قره قارقا تاپیلمیشدی.
گلیر بیزیم دووار اوسته اوتوروب و منیم جینقلی "فنج"لریمه باخاردی. اوشاقلار بو قارقادان یلیك اولون، بونون بوردا
اولماسی سبب سیز دیر،من دئمیشدیم. "فنج"لریم اوز دیللرینده دانیشیب و
اوخویاردیللار، اونلارین قاباقین آلان یوخدور.اونلارا قانون قویان یوخدور، كیمسه
اونلارا سئپاراتیست دئمیزدی. گونلر كلیب و گئدیردیلر،من اوز دیلیمده و
"فنج"لریم اوزدیللرینده بیر بیریمیزله دانیشیب و یاخچی آنلاشاردیق،باشقالیق
بیزیم آرادا یوخودور. آمان گئجلرین الینن، قارانلیقلارین الینن، هر
بلایا دوشموشك بو گئجلردندیر. بیر گون صوبح یوخودان قالخیب و گؤردوم گوندكیلر
كیمی "فنج"لریم اوخومور، قفسین دیبینده آز قان واردی،هولسك دانیشماقان
باشلادیم، قوشلاریمنان جاواب اولمادی. دیقتلشدیم ، قوشلاریمین دیلی آغزیندا
یوخودور، قره قارقا ایشین گؤرموشدور. بؤلوم لر: اۆز یازیلاریم ،
تعداد یارپاق لار : ::
1 |
Dağlıq Qarabağ (1988-1993) Xankəndi (18.09.1988) Əskəran (19.10.1991) Hadrut (19.11.1991) Xocalı (26.02.1992) Şuşa (08.05.1992) Laçın (17.05.1992) Xocavənd (02.10.1992) Kəlbəcər (3-4.04.1993) Ağdərə (07.07.1993) Ağdam (23.07.1993) Cəbrayıl (23.08.1993) Füzuli (23.08.1993) Qubadlı (31.08.1993) Zəngilan (30.10.1993) *** Azərbaycan *** |
[ طراحی : ایران اسکین ] [ Weblog Themes By : iran skin ] |