قالب وبلاگ


من توركم ، آذری یوخ
Vətən Anadır ANA çağırır bizi 
نظر سنجی
تورك ديلينده مدرسه لازيمدير؟




بیر نفر اون و بال آلیب،مئشه یه ساری گئدیردی.

سوروشدولاركی:"اوردا نه ایشین وار؟"

دئدی كی: " من اووچویام".

سوروشدولاركی:" نییه بال آپاریرسان؟"

دئدی: " آیی نین،بالدان خوشوگلیر.بیر آز بال قویاجاغام آغاجین اوستونه،بیر آزدا یاخاجاغام آغاجین گؤوده سینه."

سوروشدولار:"یاخشی،نه اولسون؟منظورون ندیر؟"

دئدی:"آیی بال یئمك اوچون،آغاجادیرماشاجاق.ائله كی بالی یئدی،كئفلی – كئفلی آغاجدان ائنه جك،اوندا بال بدنینه سوواشاجاق."

سوروشدولاركی:"پس او اونو نه اوچون آپاریرسان؟"

دئدی:"اونودا تؤكه جه ییم آغاجین دیبینه.آیی ائله كی آغاجدان ائندی دوشه جك اونون اوستونه،باشدان آیاغا اون اولاجاق.سونرا دوروب گئده جك اوینه. من ده دالیسیجا.یئكه زیرپی آیی ائوه گیرنده سونرا گئده جك آینانین قاباغیندا دایاناجاق اؤزونه باخاجاق، گؤره جك باشدان آیاغا آغ-آپاغ اؤلوب.ائله بیله جك كی قوطب آیی سیدبر.دئیه جك:"من كی قوطب آیی سییام ،بس بوردا نه ایشیم وار".یوكون چاتاجاق گئده جك قوطبه ساری. من ده دالیسیجا. ائله كی یئتیشدی قوطبه،بدنی دوناجاق داها حركت ائله یه بیلمه یه جك،اوندا من ده یتیشیب اؤنو شیكار ائده جگم."

ایندی من بیلمیرم بو كیمین حئكایه سیدیر. اگر سیز بیلیرسیزبیزی ده جریاندا قویون.




بؤلوم لر: حئكایه لر، 
[ جمعه 13 دی 1392 ] [ 10:31 ] [ ماحمود دالغا ]
Baxışlar 0

بیر پیس اخلاق ارباب وارایدی.اویانا كئچردی نؤكریدانلایاردی،بویانا كئچردی نؤكری دانلایاردی. بیر گون اربابا قوناق گلیر. یئنه نؤكری دانلاق آلتینا سالیر.ارباب آفتابا گؤتورمه لی اولور. نؤكرینه آجیق لا دئییر:

آفتابانانی دولدور قوی آیاق یولونا. الینه دؤندویوم نؤكر،ساماوارین داغ سویون آچیر دولدورورآفتابایا،اربای آفتابا گؤتورنده ... و ... یانیر. گلیب نؤكری سالیر كؤتكین آلتینا. آرباب وورور،نؤكر گولور. قوناقلار دئییرلر، كیشی نییه وورورسان اونو.ارباب دئییر:

سیز بیلمیرسینیزبئله ! هله پیس - پیس ده گولور.

نؤكر دئییر:

من بیلیرم اربابین هاراسی یانیر.




بؤلوم لر: حئكایه لر، 
[ دوشنبه 15 خرداد 1391 ] [ 03:03 ] [ ماحمود دالغا ]
Baxışlar 1

اوشاقلار ساحیله ساری قارامتیل، نامعلوم بیر شئیین یاخینلاشدیغینی گؤرنده اول ائله بیلدیلر كی، بو دوشمن گمیسیدیر؛ لاكین دور آغاجلارینی و بایراقلاری تاپماییب، اونو بالینایا اوخشاتدیلار. آخیردا دالغالار نامعلوم اشیانی ساحیله آتدی و اوشاقلار اونو یوسون و مئدوزالاردان، دنیزین زیر- زیبیلیندن تمیزله‌ییب گؤردولر كی، بو انسان جسدیدیر.


آرديني اوخو

بؤلوم لر: حئكایه لر، 
[ جمعه 29 اردیبهشت 1391 ] [ 03:42 ] [ ماحمود دالغا ]
Baxışlar 1

- یئنه ده توخویورسان؟

قادین باشینی قالدیردی, اونون هامار دییرمان صیفتی واردی.. ملایم قونور گؤزلری آنی اولاراق ارینین باخیشلاری ایله راستلاشدی. تئز ده گؤزلرینی اوندان چكدی و باشینی آشاغی سالیب اوز ایشی ایله مشغول اولماغا باشلادی.
- گؤردویون كیمی عزیزیم.

- ائله هئی توخویورسان! اؤزونه باشقا بیر مشغولیت تاپسان آ.

قادین كؤكسونو اؤتوردو. جاواب وئرمهدی.

- نییه دینمیرسن, هه؟ – اری ال چكمهدی-یوخسا دیلین- آغزین قورویوب.

- آخی سن اؤزون, تونیو تاپشیردین كی, یوخاری دا اؤز اوتاغیم دئییل, بوردا اوتوروم- قادین باشینی قالدیرمادان جاواب وئردی.
- پاه! بوردا بیر آوارایا پول وئریب خانیم كیمی بوردا ایله
شدیریم. اودا لاققیرتی وورسون, هه؟

یاغا بولانمیش اؤنلوك تافان اؤز ایشینین ماهر اوستاسی اوجابویلو گنج اوفیسیبانت اونلارا یاناشیب حاق- حساب قبضینی و بئش دولارلیق كاغیذ پولو اوستولون اوستونه قویدو. قادین پولون اونا اوزاتدی و بیر آنلیغا باخیشلاری اونون اؤزونده ایلیشیب قالدی. اوفیسیانت ساكت باخیشلا اونون ارینی سوزدو. اونون باخیشیندا استهزالی بیر تبسّوم پارلاییب, تئزده یوخ اولدو. ارینین اوستول اوزهرینده اوزانیقلی الی بیاختیار دویونلندی. او نسه تعجّوبلو بیر شئیی ایلك دفعه گؤرورموش كیمی بارماقلارینین گرگینلیكدن آغارمیش سوموكلرینه باخدی و دوداق آلتی سؤیوش سؤیدو. قادین باشینی قالدیردی و سویوق باخیشلارلا اونو سوزدو.

 


آرديني اوخو

بؤلوم لر: حئكایه لر، 
[ شنبه 9 اردیبهشت 1391 ] [ 09:51 ] [ ماحمود دالغا ]
Baxışlar 0

گئجه‌نین قارانلیغی‌نین آغیرلیغین چیینلرینده حیس ائدیردی. ائله بیل دونیانین آغیرلیغین اونا یوكله‌میشدیلر. قورغوشون دولو هاوا اونا نفس چكمه‌یی چتینلشدیریردی. هر آددیم گؤتوردوكجه سانكی چیینینده كی یوك بیر آزدا آغیرلاشیردی. دهشتلی آنلارین دؤزولممزلیگی اونو سارسیدیردی. ایندیه‌دك بو قده‌ر آیاقلارینین تابسیزلیغینی بیلمه‌میشدی. هاراسا گئدیردی اؤزوده بیلمیردی؛ آنجاق ایندی فیكیر- خیال اونا حكم وئریردی.

سانكی گؤزلری باخار كورایمیش. اطرافیندا دولاشانلاری، كوچه‌ده گلیب- اوتنلری‌ده بئله هئچ گؤرموردو. نه ائده‌جه‌یینی، هاراسا گئده‌جه‌یینی‌ده آنلامیردی، آنجاق بو آغیر یوكو بیر یئره داشیماق زوروندایدی. بو فیكیر زولاق- زولاق هاوانی دولاشان بیر سیگارئت توستوسو كیمین اونون ایچه‌ری عالمینی بورویوردو.

هر آددیم آتدیقجا او سانكی اؤزوندن اوزاقلاشیر، منلییی- كیملییی شوبهه آلتینا دوشوردو. زامان – زامان دوشونه‌رك، اوزاقلارا گئدیر، باشی هرله‌نیر، اویاخلیقلا –یوخو آراسیندا كابوس دولو آنلار كئچیریردی. هردن بیر وار گوجونو آووجلاریندا توپلاییب، اؤنه آپاریر نسه بیر یئردن توتوب، وار گوجویله ایستردی كی او یوكون آلتیندان خیلاص اولسون. آمما اونوندا نتیجه سیز اولدوغونو دویوب، ائتدیی حركتدن پئشمانچیلیق چكیردی.

گؤزونون اطرافیندا یومشاق بیر یوخلوغون و ایتیرمه‌نین حیسسینه آلیشیردی. بو ایتیرمه اونون كیپریكلرینی آغیرلاداراق، قاپاماق زوروندایدی. آمما گؤزلرینین اؤنونده حركته باشلایان “دومانلی فیرلاماجلار” كیپریكلرینین اؤرتولمه‌سینه مانعه تؤره‌دیردی. هردن بیر دؤنوب، گئرییه هاراسا اوزاقلارا زیلله‌نه‌رك آجیلی- شیرینلی خاطیره آختاریردی. هارداسا بیر خوش خاطیره یادینا سالیر، نسه اطرافی بوروین “دومانلی فیرلاماجلار” اونو تئز فیكیر – خیالدان یاییندیریردی.

هر ایكی یانیندان آسلانان قوللاری او قده‌ر آغیرلاشمیشدی كی دیزلرینین تاب گتیرمه‌سینه گومانی گلمیردی. ائله بو ندندنده بیر یئره، بیرینه سؤیكنمه‌یی آرزولاییر كیمی اطرافی سوزدو. یاخینلیقدا ایللر بویو گؤرمه‌دیگی، گؤده‌سی یوغون پلمه‌لره اوجالمیش، تاریخلردن قالمیش بیر چیناری گؤردوكده، اونا طرف یاخینلاشدی. آغاجا سؤیكنه‌رك دیزلری تاب گتیرمه‌دی، مولاییم سوروشمك حالیندا آغاجین دیبینده تورپاغا سریلدی.

ایندی بیر آز توختامیشدی. او فیرلاماجلاردا یوخ اولموشدو. یاواش-یاواش دان یئری سؤكولوردو. هارداسا اوزاقدان بیر قوش سسی ائشیدیلیردی. دهشتلی گئجه‌نین اؤتمه‌سی و گونشین گلمه‌سینی دوشونوردو. او اوشویه‌رك، نسه ایچه‌ریسنده بیرحیسسین قزینماغینی آنیردی. او گونش كیمین یئنی‌دن دوغولوردو؛ آلیشماغا، نورساچماغا…




بؤلوم لر: حئكایه لر، 
[ دوشنبه 4 اردیبهشت 1391 ] [ 10:20 ] [ ماحمود دالغا ]
Baxışlar 0

بیر باهار گونو، بیر چیچكلی آغاجین آلتـیندا، لاله پاركـیندا، بیر كیشی كی الینی كوتونون سول قولتوغونون جیبینه قویموشدور، نیمكتین اوستونده، بیر كیشی ایله كی نظره گلیردی تازا بازنیشسته اولوب دانـیشـیردی:

- دوز بویورورسوز، اقتصادی سیخینتیلار همیشه باعث اولوب آدام بعضی شئیلری زندگانلیقدا حذف ائلهسین. آدام ائلهیه بیلمز ات، چورك و یاغ آلمایا، آمما ائلهیه بیلر مثلن كیتابی اؤز برنامهسیندن حذف ائلهیه. آدام خؤره‌ك یـئمهسه اؤلر، آمما اگر كیتاب اوخوماسا، اونا هئچ بیر شئی اولماز، تازا مومكوندور ترقّیده ائلهیه، خلاصه لازیم اولمایان شئیلرین حذفی آداما ضرر وورماز.

منیم بئش قـیزیم وار. دورد اوغلان هاواسینا دونـیایا گلیبلر. بئش‌ایل بوندان قاباق، اوّلكی قـیزیمی گرهگ اره وئرهیدیم. آمما جهیز آلماغا پولوم یوخ ایدی. نه پس‌اندازیم  واریدی، نه ساتماق اوچون بیر درده دیهن شئی. وام آلماغادا امكانـیم یوخ ایدی. بیر گون بو پاركدا اوتورموشدوم روزنامه اوخویوردوم. گؤردوم بیر مناقصه آگهیسینده یازیبلار: «بؤیرهك آلـیریق».

                                      


آرديني اوخو

بؤلوم لر: حئكایه لر، 
[ پنجشنبه 24 فروردین 1391 ] [ 01:10 ] [ ماحمود دالغا ]
Baxışlar 0

بیر نفر بیر توتو قوشو آلیب اونو بسله ییر ، دیل اؤیره دیر. قوشدان هر نه سوروشسایدین توتوقوشو یالنیز بو سؤزو دئییر:

-          البته شوبهه سیز

ائله او آدام ، بیر گون توت قوشونو بازارا آپاریب ساتماق ایسته ییر. او،قوشونا مین تومن – اوگونون پولو- قییمت قویور. اونو آلماق ایسته ین بیر نفر اوزونو توتو قوشونا توتوب سؤروشور :

-          دوز دئییر ، سن مین تومنه دیه ر سن؟

توتو قوشو تئز جاواب وئریر :

-          البته ، شوبهه سیز.

...


آرديني اوخو

بؤلوم لر: حئكایه لر، 
[ پنجشنبه 22 دی 1390 ] [ 02:46 ] [ ماحمود دالغا ]
Baxışlar 0
.: Weblog Themes By Iran Skin :.

تعداد یارپاق لار :  ::      1   2  

بلاقا گؤره


چیراق یاندیر،اوجاق قور
كور یوخودان بیرجه دور
قوی امه یین داغیتسین
یوردوموزا قیزیل نور .
حبیب ساهر
سایغاج سایت
بازديدهاي بو گون : نفر
بازديدهاي ديروز : نفر
كل بازديدها : نفر
بو آیین گؤروشو : نفر
ایندی بلاق دا : نفر
باخیش لار : عدد
كل مطالب : عدد
یئنیله مه چاغی :

YAŞASIN AZƏRBAYCAN YAŞASIN AZƏRBAYCAN

حامیان محیط زیست آذربایجان

Qanlı tarix
Dağlıq Qarabağ (1988-1993)
Xankəndi (18.09.1988)
Əskəran (19.10.1991)
Hadrut (19.11.1991)
Xocalı (26.02.1992)
Şuşa (08.05.1992)
Laçın (17.05.1992)
Xocavənd (02.10.1992)
Kəlbəcər (3-4.04.1993)
Ağdərə (07.07.1993)
Ağdam (23.07.1993)
Cəbrayıl (23.08.1993)
Füzuli (23.08.1993)
Qubadlı (31.08.1993)
Zəngilan (30.10.1993)
*** Azərbaycan ***

وبسایت خبری تحلیلی دورنا نیوز آذربایجان غربی