من توركم ، آذری یوخ Vətən Anadır ANA çağırır bizi
| ||
|
فلاكتلریمیزدن درس گؤتۆرك! آذربایجانێن تاریخی فلاكتلری اساساً اوْنۇن یاراتدێغێ میللی-بشری دیَرلرین مهو ائدیلمهسی حسابێنا فوْرمالاشێب. بۇ فلاكتلر ایسه بۇ واختا قدر تحریف اوْلۇنمۇش بیچیمده قییمتلندیریلیب… اصلن تبریزدن اوْلان تدقیقاتچێ ضیالێ آغشێن آغكهمرلی، اۇلۇیۇرد پرینسیپلری ایله یۆكۆملۆ آبیل اۇلۇسوْی و مۆطلقه اینام اوْجاغێنێن یۆكۆملۆسۆ سوْیلۇ آتالێ “فلاكتلریمیزدن درس گؤتۆرك” رۇبریكاسێ آلتێندا میللی-معنوی آچێمدان ایكی مؤوضۇ¬نۇ تقدیم ائدیرلر. بابهكین اعدام اوْلۇنماسێنێن ایلدؤنۆمۆ – آذربایجانێن اؤزۆنیادلاشما فلاكتی سوْیلۇ آتالێ: اۆرگینیزده گۆنش اوْلسۇن، ایستكلی سوْیداشلارێمێز! بۇ گۆن بیز چوْخ مۆهۆم بیر مسئلهدن بحث ائدهجییك. ائله بیر مسئله كی، آذربایجانێن بۇ گۆنۆ اۆچۆن ده بؤیۆك اؤنم داشێیێر. آذربایجانێن بؤیۆك فخری، آراشدێرێلماغا جدی احتیاجێ اوْلان، اؤیرهنیلمهیه و اؤیرهدیلمهیه لاییق اوْلان بابك خۆرمیدن بحث ائدهجییك. بۇ گۆن بیز بیر میللت اوْلاراق بابهكیمیزین – یئنیلمزلیك ماهیتیمیزین اعدام اوْلۇنماسێنێن نؤوبتی ایلدؤنۆمۆ قارشێسێندایێق. 14 گۆنش آیێ (مارت) بابهكین پارچا-پارچا دوْغرانماسێنێن تاریخیدیر. اصلینده بؤیۆك فاجعهلریمیزدن بیرینین تاریخیدیر. اوْنا گؤره بیز چالێشاجاغێق كی، بابهكی اؤز میللی باخێشێمێزدان تقدیم ائلهیك، هم ده بابهكین تیمسالێندا آذربایجانێن فاجعهوی بؤیۆكلۆیۆنۆ تقدیم ائلهیك. اۇیدۇرمادان دئمك اوْلار كی، آذربایجان بشریتین فاجعهوی طالعییدیر. چۆنكی بشریته بنزرسیز دیَرلر وئرن بیر خالق بۇ گۆن ده اؤز بؤیۆكلۆیۆندن آشاغێ دایانێر، ماهیتیندن اۇزاقدا ساخلانێلێر. آذربایجان – بشریتین پارچالانمێش و مهوه محكۇم ائدیلمیش بیر طالعییدیر. بیز ایسه آذربایجانێ بابكلردن كناردا تسووۆر ائدیریك سانكی و بابكلردن كناردا تقدیم ائدیریك. چوْخ یئتیم تقدیم اوْلۇنۇرۇق، چوْخ بالاجا تقدیم اوْلۇنۇرۇق. اوْنا گؤره ده اؤزۆمۆزۆ تانێمێرێق، اوْنا گؤره ده اؤزۆمۆزه گله بیلمیریك. اوْنا گؤره بیز ایستهییریك كی، فلاكتیمیزی حادثه كیمی سادالامایاق، اوْنۇن كؤكلۆ ماهیتینه توْخۇنا بیلك. آذربایجانێ اؤز ایچیندن تقدیم ائلهمك لازێمدێر. بۇنۇن اۆچۆن اوْنۇن ایچینی بیلمك، درك ائلهمك گركدیر. آذربایجانێ طبیعت حادثهسی كیمی – ایقلیم اؤلكهسی كیمی تقدیم ائلهمك – اوْنۇن بۆتؤولۆیۆندن، بؤیۆكلۆیۆندن یان كئچمكدیر. قییۇملارێن یاناجاق، ائنئرژی بازاسێ كیمی تانێنان، تانێدێلان آذربایجانێ اوْنۇن وطنداشێنا سئودیرمك چتیندیر. یۇرد مۆقدسلیگی رۇحانی ماهیت اۆسته یارانێر. هر كس ایچریدن ده، دێشارێدان دا آذربایجانا بۇگۆنۆن طلبلریندن باخێر، سییاسی اۆستۆنلۆك قازانمێش قۆووهلرین شرطلری ایله یاناشێر. عاصیف آتا دئییر، آذربایجانا بۇگۆنۆن آغلێ ایله یاناشمایێن، بۇگۆنۆن گؤزۆیله باخمایێن. اوْندا آذربایجانێ چوْخ بالاجا گؤرهجكسینیز. آذربایجانا قدیملیگین و صاباحێن گؤزۆیله باخماق لازێمدێر كی، وطنینی یارادا بیلهسن. بیزیم ایستهییمیز اوْدۇر كی، سییاسی دایرهلره گیرمهیك، زامانێن دیكتهسی قارشێسێندا گیزلنپاچ اوْینامایاق. بؤیۆك پروْبلئملری آچێق شكیلده اۆزه چێخارماغا چالێشاق و اوْنۇن حلی یوْللارێنێ مۆعیین ائدیب سوْیداشلارێمێزلا بؤلۆشك. بؤلوم لر: چریك های حرامی آذربایجان ،
یازان: رحیم رئیس نیا گنج تبریزلی شاعر علیرضا نابدل دن «ایشیق»آدلی شعرتوپلوسو «آذربایجان و مسئله ملی» (آذربایجان و میللی مسئله) آدلی بیر سیاسی – تشكیلاتی رساله ، محمدباقر خلخالی (1919ـ1839)نین «تعلبیه» سینین یئنی لشدیریلمیشی ، ایكی ـ اوچ مقاله و بیر آلولو خاطیره یادگار قالمیشدی. ایشیق مجموعه سینده كی شعرلرین چوخو ، یعنی 33 شعر و ایكی شعر ترجمه سی 66ـ1963 نجی ایللر آراسیندا یازیلیب ، 1962 نجی ایلده شاعیرین 18 یاشی ایكن قلمه آلدیغی بیر شعری و 1967 نجی ایلدن ده باشقا بیر شعر بو دفتره یول آچیب . «صمد كونلومده دیر» باشلیقی آلتیندا آرخاداشی صمد بهرنگی نین اولومو مناسبیتله 1968 نجی ایلده قوشدوغو شعر ایسه «آرش» ژورنالیندان بو مجموعه یه كؤچورولموشدور. بئله لیكله شاعرین 1967 نجی ایلدن1972 نجی ایلین مارس آیینا قدرسویله دیگی شعرلردن هئچ بیر ایز قالمامیشدیر . دئمك اولار كی ، شاه رژیمی ایله گرگین مبارزه آپاردیغی ایللرین شعرلری ده گنج شاعیرین ناكام حیاتی كیمی یغمایااوغرامیشدیر . یالنیز 27 ایل یاشایان مبارز شاعرین سون 9 ایل یارادیجیلیق دورونون ایلك یارایسی نین محصوللاری الیمیزه چاتیب . بونلاردا زنگین بیر ذكانین ، جوشغون بیر روحون جارپیلاریدیر. بو آنا دیلینده تحصیل آلمامیش گنج اوزونو نئجه بئتیشدیرمیشدیر؟ او 1970 نجی ایلده یازدیغی «آذربایجان و ملی مسئله» آدلی اثرینده بیر گروه آذربایجانلی جوانلاردان سؤز آچیر كی، 1960 نجی اون ایللیگین اوللریندن آذربایجان ادبیاتی نین كئچمیش و معاصر اثرلرینی اوخوماغا باشلاییرلار. اوتلار رژیمیمن آغیر باسقیسینا باخمایاراق اوز آنا دیللری ایله تانیش اولوب، اونو باجاردیقجا منیمسه ییب، داوام ائتدیرمك ایسته ییردیلر. بؤلوم لر: آذربایجان تاریخیندن یۆز شخصیییت ، بدیی مئتال آذربایجانین تبریز، گنجه، ناخچیوان، ماراغا، اردبیل و باشقا شهرلرینده اوْلموش سییاهلارین گۆندهلیكلرینده بۇ یئرلرین مدنلریندن چێخاریلان میس، قێزیل، گۆموش و س. مئتاللاردان دۆزلدیلن قاب-قاجاق و زینت اشیالاریندان بحث ائدیلیر. بۇ دؤورده یارادیلمیش میشت اشیالاری ایچریسینده مینگچئویردن آرخئوْلوْژی قاضینتیلار زامانی تاپیلمیش و حاضیردا باكیدا آذربایجان تاریخی مۇزئیینده نۆماییش ائتدیریلن قاب-قاجاقلار خۆصوصی ماراق دوْغورور. گۆموشدن دۆزلدیلمیش نیمچه اؤز اینجه ناخیشلاری و گؤزل فوْرماسی ایله همیشه تاماشاچیلارین نظرینی جلب ائدیر. اؤلچولرینه گؤره آدی مۆعاصیر نیمچهلری خاتیرلادان بۇ نیمچه اۆچ طرفدن قاباریق خطلرله و بۇنلارین آراسیندا اۇستالیقلا یئرلشدیریلمیش اۆزوم سالخیمی رسملری ایله بزهدیلمیشدیر. نیمچهنین اۆزریندهكی آردیجیل تكرار اوْلونان قاباریق خطلر اوْنو چوْخ باخیملی ائدیر. بۇ خطلر ایشیق و كؤلگه عمله گتیرمكله نیمچهیه بدییلیك وئریر. آذربایجان تاریخی مۇزئیینده نۆماییش ائتدیریلن همین دؤوره عایدچوْخ ظریف آفتافا دا بئله قاباریق خطلرله بزهدیلمیشدیر. حاقیندا بحث ائتدیگیمیز اشیا اۆسلوب خۆصوصیتینه گؤره "ساسانی اینجهسنتی”نه عاید ائدیلن و بیر چوْخ دۆنیا مۇزئیلرینده ساخلانان صنعت نۆمونهلرینی خاتیرلادیر. بۇ دا عبث دئییلدیر، چۆنكی ایسلاملا علاقه دار اوْلان صنعت نۆمونهلریمیزه بیز یۇردوموزدا چوْخ سوْنرالار راست گلیریك. حتی اوْن ایكی- اوْن اۆچ یۆزیللیكده بئله صنعت نۆمونهلریمیزین اۆزرینده "ساسانی اینجهسنتی"نه خاس سۆژئت و كوْمپوْزیسییا اۆصوللارینی ایزلهمك اوْلور. بؤلوم لر: آزربایجان ، دیل و تاریخی، كۆلك اسیب، قۇم دوْلدۇرۇب یادداش آدلێ اوْ قۇیۇنۇ. خاطیرمده دوْنۇب دۇرۇب اۇشاقلێغێن بیر اوْیۇنۇ. ...بیر داغ باشێ، قایا قاشێ. گلیب اوْرا كوْما-كوْما، بیر گؤزلری باغلانمێشێ ایتهلردیك اۇچۇرۇما! كۆیلشردیك-قارێشاردێق، سوْنرا اوْندان سوْرۇشاردێق: – یوْلداش، سنی كیم آپاردێ؟ یئتن وۇرار، اۆزه دۇرار – دیكلدردی بارماغێنێ. بیز گؤرردیك، گؤتۆرردیك بیریمیزه اوْنۇمۇزۇن اوْن شیللهنی وۇرماغێنێ! بیلردیك كی، بیر فاغێرێن گئتمهیینده چوْخۇمۇزۇن بارماغێ وار. آمما یئنه برك آیاقدا، گۆلۆمسۆنۆب ساختا-ساختا سوْرۇشاردێق: بؤلوم لر: یولداشلار، «مئدیا فوْرۇم» یازێچێ اۇغۇرلۇ فخرینین «مؤولانا جلالددین رۇمی و اوْنۇن «مثنوی»سی» آدلێ كیتابێنێن چاپدان چێخدێغێنێ، كیتابدا اوْخۇجۇلارا رۇمینین حیاتێ، یارادێجێلێغێ و «مثنوی» پوْئماسێ حاقێندا اۇغۇرلۇ فخرینین گئنیش مقالهسینین، «مثنوی»دن آذربایجان تۆركجهسینه چئویردیگی 30 حكایتین تقدیم اوْلۇندۇغۇنۇ خبر وئرمیشدی. مؤولانا جلالددین رۇمی و اوْنۇن «مثنوی»سی مقالهسی «مئدیا فوْرۇم» اوْخۇجۇلارێنێن دقتینه اؤتن هفته چاتدێرێلمێشدێ. ایندی ایسه مؤولانا رۇمینین آلتێ جیلدلیك فلسفی-دیداكتیك منزۇم هئكایهلر توْپلۇسۇنۇ، دۆنیا شؤهرتلی “مثنوی” اثریندن سئچیلمیش بیر نئچه هئكایهنین ترجۆمهسینی تقدیم ائدیریك. سۆلئیمان پئیغمبر، آغجاقاناد، بیر ده كۆلك بیر گۆن آغجاقاناد سۆلئیمان پئیغمبرین یانێنا شیكایته گلدی: - یا پئیغمبر، سنین عدالتین گؤیلره سس سالێب. شیطان دا، ملكلر ده، اینسانلار دا سندن راضێدێلار. سنین عدالتین سایهسینده جۆجۆلر ده، حئیوانلار دا خوْشبخت یاشایێرلار. بیز آغجاقانادلارێ دا ضعیفلیگیمیزه باغێشلا، بیزه كؤمك اوْل. دۆنیادا هر وارلێق بیزدن گۆجلۆ، بیزدن قدداردێ. سن اؤز عدالتینله تانێندێغێن كیمی بیز ده اؤز جێلێزلێغێمێزلا مشهۇرۇق... - بیر دئ گؤرۆم، آخێ نه اوْلۇب، ائی اللهێن یاراتدێغێ، - سۆلئیمان پئیغمبر اوْنۇن سؤزۆنۆ كسدی، - نهدن شیكایته گلمیسن، كیم سنی اینجیدیب؟ هامێیا بللیدی كی، من تاختا اوْتۇردۇغۇم گۆندن سلطنتده حاق-عدالت یئرینی آلێب، شره قۇللۇق ائلهینلر اؤز پئشهلرینی دیَیشیبلر!
بؤلوم لر: اۆز یازیلاریم ، بابك، نبی - یاغێر اوْلدۇ دیلیمیز قم، حسرتدن سێرالاندێ ایلیمیز هاردا، نه واخت بۆكۆلمهدی بئلیمیز وطن بؤلۆك، اوْ تای، بۇ تای، هئجالێ خوْجالێ بیر میللت وار هله بیلمیر آدێنێ باشا چكمیش یاغێسێنێ، یادێنێ كیشیسیننن قئیرتلیدیر قادێنێ منصب اۆچۆن گۆنده یۆز یوْل آلچالێر خوْجالێ بیر میللت وار بیر آمالێ یوْخدۇ یوْخ بیر اۆممت وار تانرێسێننان قوْرخدۇ یوْخ بیر میللت وار، اوْیاندێ یوْخ، قالخدێ یوْخ قارێ دۆشمن یۇرد تالێیێر، باج آلێر خوْجالێ هانێ، بیز كی خان اربابێ، اصیلدیك تاریخینی قانلا یازان نسیلدیك قئیرت آدلێ ایمتاهاننان كسیلدیك آلنێمێزدا قارا یازێ - خوْجالێ، خوْجالێ وطن، وطن یاراشێرمێ وای سنه حسرت بیتمز هفتهلر آی، آی سنه اوْغۇللاردان یوْخدۇ خئییر، های سنه پۇل یێغماقدان یوْخدۇ واختێ، ماجالێ خوْجالێ بیز اینسانێق، كؤرپه گؤزۆ اوْیمارێق قوْجاسێنا، قادێنێنا قێیمارێق بۇ قیصاصێ قییامته قوْیمارێق سن قوْینۇندا بسلهمیسن دججالێ خوْجالێ یاغێ همن، اوْیۇن همن، مئهر همن بیر میللتی اۇیۇدان سیرر، سئهر همن مغلۇب خالقێن سركردهسی «قهرمان» وطن داردا، هله بۆتلر اۇجالێر خوْجالێ بۇ قانداللار سێخار بیر گۆن قوْلۇنۇ اۇجا مؤولام سیلكلهیر قۇلۇنۇ بیر گۆن بۇ خالق تاپار حاقێن یوْلۇنۇ بیر گۆن بۇ خالق ایمانێندان گۆج آلێر، خوْجالێ خوْجالێ بؤلوم لر: خوجالی فاجعه سی، اۇرمۇ گۆلی درین ایدی بۇلاغلارێ سرین ایدی قۇلۇن قیریلسین اجنبی سد سالماغۇن نهدن ایدی؟ باللی قایانین داشلاری قارا گؤزلرین یاشلاری پیر ننه نین آغ ساچلاری یئنه گؤلیم سنه دوشدی . بؤلوم لر: اۆز یازیلاریم ، |
Dağlıq Qarabağ (1988-1993) Xankəndi (18.09.1988) Əskəran (19.10.1991) Hadrut (19.11.1991) Xocalı (26.02.1992) Şuşa (08.05.1992) Laçın (17.05.1992) Xocavənd (02.10.1992) Kəlbəcər (3-4.04.1993) Ağdərə (07.07.1993) Ağdam (23.07.1993) Cəbrayıl (23.08.1993) Füzuli (23.08.1993) Qubadlı (31.08.1993) Zəngilan (30.10.1993) *** Azərbaycan *** |
[ طراحی : ایران اسکین ] [ Weblog Themes By : iran skin ] |