|
من توركم ، آذری یوخ Vətən Anadır ANA çağırır bizi
| ||
|
|
1936 – نج ایلدن 60 نجی ایللرین اولینه قدر كیفیتی آشاغی اولان حسین كورد و امیر ارسلان ، بیر نئچه نوحه كیتابی و بیرده شهریارین حیدرباباسیندان باشقا آذربایجان دیلینده آیری بیر اونملی اثر نشر امكانی تاپمامیشدیر. شبه سیز نابدل اوزوده سوزون آچدیقی گنجلردن بیری ایمیش . الیمیزه چاتان اثرلری گؤستریر كی او محدود امكانلاردان فایدالانماق قابلیتینه مالك اولاراق هله ایلك تجربه ایللرینده گوجلو اثرلر یارادا بیلن نادر بیر انسان ایمیش. گونشین آل قانی ظلمت الیله گون باتان داغلارا یاییلان زمان آخشام نسیمی نین حزین سسیله دنیزده لپه لر آییلان زمان دورنالار كئچنده باغلار اوستوندن چیخاردی ایوانا طاقت سیز آنا ...دولو گؤزلریله هرای چكردی دورنالار رحم ائدین ، بیر لحظه قونون یار ولایتیندن گلن عزیزلر دئین كی باشینا نه گلدی اونون... آی آراندان گلن گؤزل دورنالار سؤیله یین آنایا، قاچمایین اوندان اوغلومون طالعی نه ایدی آخر... بو 19 یاشلی بیر گنج قریحه سیندن قوپان شعر ، مینلر سیاسی قاچقینین گؤزو یولدا اولان آنا باجی لاری نین اوره ك دویونتولرینی داشییر. ایشیق شعرینده ده مختلف زحمت آداملاری نیت ایستكلری یئر آلیر . قارا تئللی كبیریتچی اوغلاندان ایسته ییر كی اودلار یوردونون قیزیل داغلاریندان میلیونلار تن گوگورت قازیب ، ائله كیبریت لر توكسون كی ظلمین كؤكون یاندیریب یاخسین . ساری تئللی زنجانلی دان خواهش ائدیر كی آغ پولاددان ائله كسگین پیچاقلار یونكی یئرتا بیلسین ظلمون چیركین اوره گینی ... بلكه چوبان آزاد چالسین توته گینی! گون گورمه ین، چراغ كیمی یانان ، قانین یاغ یئرینه یاندیران ، دفه دؤگن ، ایلمك سالان سیئنی یئتمه دن بیر دن بیر تمناسی وار: بیرجه یولدا خالچاندا بیر شكیل سال باخانلارین دیزلرینی قوروتسون قوی خالچانی ساتان آلان بیلسین كی سنین دیلسیز اللرینده نه لر وار خالچا اوسته باشماقلی یئریینلر بیلسینلر كی دیلسیز دینسه نه قوپار! آخیردا دا اوجا بویلو ، خورما تئللی معلمدن رجا ائدیر كی باشاردیقجا ایشیق آچسین قارانلیق صینف لره. ایشیق ساچسین صنف لره توپلانان ، آی اولدوز سوز او كیچیك دونیالارا... و او كورلوق چكمیش بالاجا انسانلارین قول قانادینی باغلایان گویلرده كی قورخو فكرینی پوزسون. ائله اوزوده تهران اونیورسیته سیندن حقوق شناسلیق بیتیریب، چوخلو حقوق شناسلار كیمی قاضی و یا وكیل اولابیلمه سینه باخمایاراق، مسلكداشلاری بهرنگی، دهقانی و باشقالاری كیمی معلملیگی اوستون دوتوب ، خوی شهرینده ایشه باشلادی. علیرضا ایله صمد «آدینه» نشریه سینی چیخارتدیقلاری واخت تانیش اولموشدورلار. «آدینه مهد آزادی» غزتینه باغلی اولان بیر نشریه ایدی. 1965 نجی ایلین عرضینده بو نشریه نین یالنیز 17 نمره سی چاپا بوراخیلابیلمیشدی. بیر نئچه باشقا قلم دوتان گنجلر كیمی ، اوختایین دا ایلك یازیلاری آدینه ده چاپ اولونوبدور . شعرلری ترجمه ائدن ده آدلیم شاعریمیز یدالله مفتون ایدی ، معلم شاعری بئله تایتدیریردی: «علیرضا اوختای آذری دیلینده شعر یازان جوشغون بیر استعداد دیر ، گوزل شعرلرده یازیر بو بیر گوشه ده توشوب قالمیش «توزلو پیانو» بیر انتشار نسیمی ، بیر بارماق اشاره سی گوزله ییر كی شورلار و نوالارین دورغونلوق دورونده ایستی سویوغونو یاغدیرماغا باشلاسین و بو اونون شعرلری نین بیرینین ]توزلو. پیانو شعرینین[ بیر پارچاسینین ترجمه سیدیر. سوز یوخ كی اطلسین آستارانین لطافتی اوزنه چاتماز.» او احساسلی شاعر ترجمه یه سوق ائدن شعر بئله جانلی مصراعلارلا دولودور: ... سازاقلی بیر سحر پارچالایاجاق قارا سس سیزلیگی توزلو پیانو قیرغین بارماقلاردان آخاجاق او گون سهندین بولاری بوزلانمیش آغجا گوللری... یئری گلمیشكن دئمه لی یم كی ،«ایشیق» شاعریی ده «دریاچه»،«كولاك»، «انارستان»، «فصل پنهان» ،مجموعه لری و «عاشیقلی كروان» منظومه سینین یارادیجیسی اولان مفتونون ایكی شعرینی فارسجادان توركجه یه چئویرمیشدیر. قوجامان شاعیر، حبیب ساهرده او فئرتانا قوشونون وقسیز وورولماسی نین یئدینجی ایل دونومونده ایران انقلابی نین غلبه سیندن بیر آی سونرا ، اوندان بئله یاد ائتمیشدیر: «قیش موسمی آخشام چاغی ایدی . ایلك دفعه اوختای ایله تانیش اولدوم . او مندن لیریك شعرلر ]كیتابیمی[ ایسته دی. ائویمه چاغیردیم اوچ گوندن سونرا ، گون باتانا یاخین بیزه گلدی . اوتوروب چای ایچدیك ده دن تپه دن دانیشدیق . اوختای اوزونون توركجه شعرلریندن بیر نئچه پارچا اوخودو، حیرت ائتدیم! اوختایین شعرلری نه اوتایلی لارین و نه ده بوتایلی لارین شعرینه بنزه مز. اوختایین الحانیندا یالنیز گؤزه للیك دگیل ، درین بیر دویغو و یابانجی بیر آهنگ وار ایدی. شبهه سیز اوختای مستثنا استعدادا مالیك بیر گنج ایدی. لاكین افسوس او پارلاق جوهر قارا توپراق آلتیندا چورویوب فنایه گئتدی... بودوركی داغلارین آردیندا دان یئری آغاریر و یئرتئلیر گئجه نین گؤی حریر پرده لری سحر زمانی، درین بیر خیاله سانكی دالیر نسیم اسیر و شیریلدیر مرند چشمه لری بو دور كی باغلار ایچینده گورنمه ین بیر قوش یاواشجا ناله ائدیر: اه (وطن فضاسیندا( قیزیل قانا بویانان اوختایین عزاسیندا... )تهران ، 26 اسفند 57(– 17 مارس 79 دئیمله لی دیر كی نابدل ده «آذربایجان و ملی مسئله» سینده ساهرین حسابینی ایران آذربایجانی نین باشقا شاعرلریندن آییریب: او كئچن نسلدن یادگار قالمیش ان صمیمی ، ان انكشاف ائتمیش و ان ساده آذری توركجه سینده یازانلارداندیر. آمما كئچه جه یه اوز چئویرمه سی، رمانتیكلیك ، خلق كوتله لری نین یاشاییش و دیلیندن آیری دوشمه سی اونونلا خلق آراسیندا فاصله سالیبدیر...» نابدلین ایكی مقاله سی آدینی چكدیگیمیز فارسجا نشریه ده چاپ اولونموشدور . بیری فولكلورون توپلانماسی نین ضروری لیگی باره ده دیر و او بیری نین باشلیقی ایسه «آقای پانین احوالاتی»دیر كی پان تركیستلر و پان ایرانیستلر تنقید آتشینه دوتموشدور . حمله یه چئویردی. پان ایرانیستلر پارتیاسیندا انشعاب ائدنلرین اورگانی اولان «خاك و خون» غزئته سی نین كسگین اعتراضیندان سونرا آدینه نین نشری حكومت طرفیندن دایاندیریلدی. آدینه نین تیراژی و حجمی نین آز اولماسینا باخمایاراق،ئینی هاوا گتیردیگی اوچون آذربایجانین ادبی – سیاسی محیطینه بویوك تاثیر باغیشلاییب . بو اوجاغین باشینا ییغیشان گنجلرین چوخو سونرالار باشقا استقامتلرده آددیملاسالاردا ، اوندان آلدیقلاری حرارتی آز چوخ اوره كلری نین درینلیكلرینده داشیمیشلار، بلكه هله ده داشییرلار ، اولا بیلسین كی اونونلا ایكینجی مین ایللیگی اوچونجو مین ایللیگه باغلاسینلار . نئچه كی بیرینجی مین ایللیگی اوچونجو مین ایللگیه باغلاسینلار. نئچه كی بیرینجی مین ایللیگی ایكینجی مین ایللیگه باغلایان گنج ضیالیلاریمزدا چوخ اولموشدور . ارامیزین بیرینجی مین ایللیگی نین سونلاریندا اسراری آچدیغی ایچون دارا چكیلمیش منصور حلاجین یولو، ایكینجی مین ابللیگین ایكینجی یوز ایللیگنده میانا – همدانلی عین القضات لار و زنجانلی سهروردی لر (شیخ اشراق) كیمی گنج داهی لریمیز قانلی ایاقلارلا دوام ائتمیشلر . مشعل الدن اله 13 نجو عصرده جهانه سیغمایان نسیمی نین الینه چاتیر و ائله جه ده ایگیرمینجی عصرین سونونا یول آچیر. حیران ائدیجی بیر حالدیركی ، آدی چكیلن دوشونجه بهادرلری نین هامیسی شاعر ایمیش به شعرلری ده شعور لاریندان قاینارمیش ... آذربایچانین . ایرانین ، دنیانین ایگیرمینجی عصر تاریخی گنج گولله لنمیش شاعیر لرین آدلاری و یادلاری ایله زنگین و رنگین دیر. علرضا قارانلیق دان ایشیغا دوغرایره لی لرین كروانین یاقداشی دیر. میكائیل شفق، گارسیالوركاو... اوختایین دئدیگی كیمی بو بیر ناغیل دیر كی ائللر سویله ییر بیری سسدن دوشسه او بیریسی دئییر... بؤلوم لر: آذربایجان تاریخیندن یۆز شخصیییت ، |
بلاقا گؤره چیراق یاندیر،اوجاق قور كور یوخودان بیرجه دور قوی امه یین داغیتسین یوردوموزا قیزیل نور . حبیب ساهر
Dağlıq Qarabağ (1988-1993) Xankəndi (18.09.1988) Əskəran (19.10.1991) Hadrut (19.11.1991) Xocalı (26.02.1992) Şuşa (08.05.1992) Laçın (17.05.1992) Xocavənd (02.10.1992) Kəlbəcər (3-4.04.1993) Ağdərə (07.07.1993) Ağdam (23.07.1993) Cəbrayıl (23.08.1993) Füzuli (23.08.1993) Qubadlı (31.08.1993) Zəngilan (30.10.1993) *** Azərbaycan ***
|
| [ طراحی : ایران اسکین ] [ Weblog Themes By : iran skin ] | ||
