قالب وبلاگ

سئویلدیم، سئومه دیم 

قارا ساچلاری، 

ساری ساچلاری! 

باغلاندی اۆرگیم یاشیل ساچلارا. 

یاشیلدیر وطنیم  

داغلاری اۇجا 

کؤر اوْلسون گؤزلریم سوْلوق گؤرم من. 

*** 

آسلاندیم گۆنش دن 

یاناجاغام من 

آیی کیمی گئجه‌نی  

یاراجاغا من. 

*** 

سئویلدیم، سئومه دیم 

گۆللی یاناقلار 

قارانلیق گئجه ده باللی دوْداقلار 

اسیرلیک اؤدوندا 

یانیر وطنیم 

وطنسیز من نئجه 

سئویم، 

سئویلیم.! 

ایستیرم بیر گۆل چكم 

بۆلبول گله گۆل اۆستونه 

باخیرام باغ سوْلوق 

               گۆل سوْلوق 

بۆلبول هانی؟. 

بیرجه بیز، بیر ایل یاشادیق شانلی 

اۇدا قات قاریشیق! 

قارا طۇفان اۇجالییب 

سوْلدو بیزیم گۆلزاریمیز.! 

یئنه ده واردی بیزیم میللتیمیز 

اؤلمه میشیك 

قارا طۇفان،كئچه‌جكده

بیز آز گؤره‌مه میشیك 

بیرجه آز همت اوْلا 

غیرت اوْلا 

بیر نفر ده تاپیلا"سید [1] " اوْلا 

دنیزه نره وۇرا 

دالغا قۇرا 

یئنه میللت قوْوشار بیر بیرینه 

اۇجالار بایراغیمیز اؤز یئرینه 

اۇجالار بایراغیمیز اؤز یئرینه. 

اورگیم چالیر          örəyim çalır              

قاپینی چالا      qapını çala                    

منه بیر خبر         mənə bir xəbər           

وئره یئل قووان.   Verə yel qovan.            

اووچ آچمیشام    övç açmışam               

گؤزو باسمیشام              gözü basmışam

سنی اووچوما    səni övçüma                

قویا یئل قووان.  Qoya yel qovan.            

گیلانار باغی   gılanar bağı                     

گول آچان زامان   gül açan  zaman          

الین، الیمه   əlin,  əlimə                       

تاخا یئل قووان.  Taxa yel qovan.           

هانی او گئجه   hanı o gecə                 

گونشه دونه   günəşə dünə                   

فیرتینا قوپا   fırtına qopa                       

گله یئل قووان. Gələ yel qovan.              

یارالار بیته   yaralar bitə                       

آیریلیق ایته   ayrılıq yitə                      

آنا اینیمه    Ana inimə                         

ساری دون بیچه  sarı don biçə             

قوری باغلاریم   qorı bağlarım                

دولو سو ایچه  dolu su icə                    

هؤروك لر دوشه   hörüklər düşə          

قیچیما منیم.    Qıçıma mənim.            

آنا ترلان نین                     Ana tərlannın

ساچی قالمییب   saçı qalmıyb             

آیریلیق یامان   ayriliq yaman                

ساچلارین آلییب   saçların aliyb              

قارا قاشلاری   qara qaşları                  

قارا بنزییب  qara bənziyb                     

اولار او كئچن    olar o keçən                 

گونلری بیرده   günlərı birdə                  

گتیره بیزه   gətirə bizə                         

دلی یئل قووان؟.   Dəli yel qovan.?        

داغلاریمین دؤشلرینده 

چیل كهلیكلر یۇوا قۇردو 

آنا، بالا بؤیوتمه‌میش 

فره‌لر قاناد آچمامیش 

یاد تۆلكولر اوْولداشدی 

حیله قۆروب، قۇرولداشدی 

فره لریم بیر-بیر منیم 

یۆخ اوْلدولار داغلاریمدان. 

آنا كهلیك یؤكون بۆكوب 

قارا چرشاب باشا چكیب 

فره سێز داغلاردان كؤچوب. 

ایندی بیزیم یاشیل داغدا 

قاقیلتی یۆخ 

دئدیلر یار گله جك 

داغلارا قار گله جك 

ائبلیسین گؤزلری‌نین زوْر زامانێ 

قۇرۇمۇش باغلار دا بار گله جك.! 

اؤد الۆ یاغدێ قوْرێ باغلارێما 

یانێرام های های ائله داغلارێما 

بیر گؤزۆم قالمێشدێ داغلادێلا 

بیلیرم كی باشێما دار گله جك.! 

سایێرام فصلیلری یاز گۆنیدی 

قێش اۇچۇبدێ گله جك قاز گۆنیدی  

نه یاماندێ كی یازا شاختا گله 

گؤره‌سن هانسێ گۆلۆم نار گله جك.؟  

یاشیل یارپاقلار سولماسین

گؤزلر یاش ائله دولماسین

قارلی داغلار قارسیز قالیب

باغلار سوسوز

قوللار باغلی

آنا ساچلارین یولماسی.

داراشلیق بیر قارانلیق یئره دوشموشدوم. ال - ایاق چالیردیم چیخابیلمیردیم. سسیم چوخ اوجالیدی آمما اؤزوم ائشیدیردیم، كیمسه منی گؤرموردی، سسیمی ائشتمیردی.چوخ بیر دهشتلی شرایط ده قالمیشدیم من هامی نی گؤرودوم، منه باخیردیلار آمما منه یاردیم ائلی ین یوخودور. بیر بله آدام ایچینده نئجور او ییرتیجی حئیوانلار منه دیشلرین برلدیردیلر بیلمیرم.

اوزون زامان منیدیم بیر ده قارانلیق یئر، ییرتیجی حئیوانلار آداما بئنزیردی. یاواش یاواش زوروم گئدیردی، سسیمده یونگیللشیردی. دورت دورمی او ییرتیجی حئیوانلار آلمیشدی. موحاصیرده قالمیشدیم، آمما بو حئیوانلار منه یوروش گئتیرمیردیلر. منی قورخودوردولار. اوشاقلیق زامانی بو ایشلردن بؤیوك قارداشیم گؤرردی، باشینا بیر قویون دریسی اؤرتوب منی قورخوداردی.

آمما او قورخو اورگیمی چیرپیلداتمازدی. اورگیم قورخودان آغزیما گلمیشدی، اؤلوم نن قورخموردوم، یالقیزلیق منی قورخودور، آداملار ایچینده ییرتیجی حئیوان اولماق منی قورخودوردی، علاجسیز قالمیشدیم، نئجه دفعه چؤلده گؤرموشدوم بالاجا قوزونی بو ییرتجی حئیوانلار یینده، فیكیرلشیردیم منی ده او جور ییئجكلر.

اؤزون زامان موحاصیره ده قالاندان سونرا بیر اؤلی تری هیكلیم بورودو، اؤلو قوخوسو وئریردیم، دای ایشیم كومك ایسته مكده كئچمیشدی، اؤزومو آماده ائلمیشدیم بیر یكه محاربه یه.

-          گلون كؤروم سیز نجیسیز؟ بونو قورخا- قورخا من دئدیم.

-          ییرتیجی حئیوانلار منه باخدیلار، آداملار كیمی گولدیلر.

دورت دوره دن منه یاخینلاشیب، منی توتدولار،آمما باغازیمی چیرمادیلار، بدنیم تیكه تیكه ائله مه دیلر، منی اؤلدورمه دیلر، آغزیمی زورلا آچیب دیلیمی قوپاردیلار.

                                                         1393-7-16

www.facebook.com/mahmooddalgha

www.qizildag.arzublog.com