|
من توركم ، آذری یوخ Vətən Anadır ANA çağırır bizi
| ||
|
|
خبر: به زلزله زدگان آزربایجان 4000 خانه ساخته و تحویل شد.
قسم حضرت عباس یا دم خروس ؟
بؤلوم لر: اۆز یازیلاریم ، جواب دكتر حداد عادل
ترا دكتر نمی دانم چه افتاد؟ مرا هم"هم زبان" خود بخواندی! تو میراث نیاكان ملك ایران یالان نان هامینی پارسی بخواندی دئدون تهران و كابل مال ما بی ز بلخ و تا خجند اموال ما بی ولی تبریز اولانماز كابول هی هی نه بلخ و بخارا، نه هرّی و ری دنیزلر دالغالانسا دُر تاپیلماز بیزیم دیلده یالان سؤز یازلماز زبان پارس شاید دُر دری است! به گیتی آفتاب خاوری است! ولی بوردا كی هاممی فارس دئییرلر عربه،توركه، فارس لار باش ائییرلر "زبان مادری" شیریندی، گولدی تو می گویی "زبان"، منیم كی "دیل"دی تو ای زرگر اگر زر می شناختی و یا گوهر شناس بودی به گیتی یالان نان هامی یا پارسی دئمزدون یالان نان پارس دیلین دُر ایله مزدون یقیناً عمر از هفتاد گذشته به چشمانت غبار سن نشسته یالان نان یازمیسان، پارسی شعرلر سایین دوختور بقول پارس دیل لر "چون مرد سخن نگفته باشد عیب و هنرش نهفته باشد." بؤلوم لر: اۆز یازیلاریم ، ال چانتاسی الیمده شیتیل آلان چاغیردیم. چیخدی یوْلا آلا گؤز گۆلدی منه قارا گؤز شیتیل آلان شیتیل آلان چاغیردیم. رنگی سوْلموش آباجان درده دۆشموش آباجان شیتیللری ساتارام سنه درمان تاپارام اؤز اؤزومه دئییردیم! شیتیل آلان شیتیل آلان چاغیردیم. باش كندیلی قارا گؤز یاشیل دوْنون تیترتدی قارا تئلی دؤش اۆسته دوْداقلاری ترپتدی باخدی منه هایلادی: شیتیل ساتان دلی اوْغلان شیتیل واختی كئچیبدیر بامادور گۆل تۆكوبدور گئت گلن ایل گلرسن! شیتیل آلان شیتیل آلان چاغیردیم. باش كندینده آلا گؤز چپیش كیمین آتیلیب گۆله گۆله قاچیردی گۆنش كیمین باتردی اۇجا سسه باسیردی: شیتیل ساتان گلیبدی آی نه بیواخت گلیبدی.! باش كندی‌نین نازلاری قیزیل یاناق قێزلاری هێریلداشییب گۆلنده گؤرمه‌ییبلر دن تۆكه جاوان قیزین ساچلاری اؤز اؤزومه دئییردیم. گلدی گئجه، قارانلیق شیتیل آلان گلمه دی شیتیل لریم كیفسه دی اۆرگیم چوْخ تیتره دی ال چانتاسی الیمده قارانلیقدا قائیتدیم. آنام ساچین یوْلوردو یۇیوجو آبام یۇوردو داش قایانین دیبینده بیری قبیر قوْروردو آباجی مین یئرینی قوْنشو قادین ییغیردی. اوْوج، اوْوج گؤز یاشی اؤز،گؤزومی یۇوردو كاش شیتیللر بیتیدی شیتیل واختی اوْلیدی اؤز اؤزومه دئییردیم. بؤلوم لر: اۆز یازیلاریم ، دونیانی اوشاقلار الینه وئرین اوشاقلار دونیانین دیلین بیلیرلر اوشاقلار دونیانی گولدوره‌جكلر دونیانی اوشاقلار الینه وئرین اوشاقلار آراسیندا اینجیلیك اولار اوشاقلار آت مینیب حربلر قورار اوشاقلار كوسمه سی، بیر گونلوك اولار اوشاقلار حربه‌سی اؤلومسیز اولار دونیانی اوشاقلار الینه وئرین اوشاقلار هیسله‌نیب كوسوب گئدرلر اوشاقلار هیسلرین تز بیتیره‌لر یادلارین نان چیخار آجیخلی گونلر یولداشی گؤرنده گولوب گلر دونیانی اوشاقلارالینه وئرین. بؤلوم لر: اۆز یازیلاریم ، نایمان آنا، اوخ دؤشووی دلنده گؤزون گؤیدن اولدوزلاری درنده نامرد آتی مرد یوردوندا گزنده دردلر بیر بیر ساچلاریما دوزولدی. نایمان آنا، "آكمایا©" گلیبدی قانلی لچك یهرینده قالیبدی یوآن قومی سنی مندن آلیبدی اولدوزلاریم گؤیدن بیر بیر آخیللار. نایمان آنا، اؤلن دئییل اوخلانان اؤلن كیمدیر؟ آنادیلینی دانان اؤلن كیمدیر؟ یاد بوداقدان ساللانان اؤلن كیمدیر؟ اؤز ائلین نن، یان قالان. نایمان آنا، دردلر آچیب دیینده اود توتوللار دوداقلاریم یانیلار گئتمه، دایان! غیرتسیزلر، گولومسلی باخیرلار. نایمان آنا، گل بو گئجه بیرلشك یانمیش دوداق، قانلی دؤش یئتیشسینلر بیر بیرینه نه اولار؟ آنا،بالا قوجاقلاشاق دیللشك. نایمان آنا، گؤزلر گینه یول چكیر آتلار گلیر قیرات گینه كیشنه شیر دلی دمرول ائیوازائله هیمله شیر. نایمان آنا، گئتمه كی قاش قرلدی "قوردون گؤزی اوزاقلاردان برلدی" "حیدربابا" گؤزی یولدا قالیبدی نامرد اوغول اؤز ائلینی دانیبدی. نایمان آنا، دندن اولوب قاشلاریم گلمیرم آغیرگلیر قیشلاریم آچ قوجاغون یورقون گلیب دینجه لیم كؤچدی كروان، كؤچدی باجیم،قارداشیم. نایمان آنا، چنلی بئلین سازاغی نیگارگلیر ساغ تئلینده داراغی دلی آشیق، كؤكه سالان سازلاری بؤلوم لر: اۆز یازیلاریم ، یئل اسدی ایلدیریم سسین باشلادی آغاجلارشاقا- شاق سسه دوشدولر یارپاقلار اویانا بوداق بویانا قورموش آغاجلار یانا دوشدولر. اگیلدی بیر بوداق آغاج قوینونا دولاندی آغاجین باشینا ساری سئویله دی : ایگیدلر دؤغان آغاجسان قویمارام ایلدیریم توخونسون سانا!. بؤلوم لر: اۆز یازیلاریم ، نایمان آنا اولدوز گویدن آخیشدی گئتمه، دایان قارا گوندی!. نایمان آنا اوغول اؤلوب، یا اؤلماییب؟ ائلین دانیب، یا دانماییب؟ ائلین دانان،اؤلوب، گئتمه. نایمان آنا یوآن،یوآن قومین گؤزی بره لیر قان قان چالیب جان آلیرلار گؤزلره باخ، قان چالیرلار. نایمان آنا گل سفره چیخما بو گون قوی اورگلر یاسلی قالسین قوی سئرریلر آچیلماسین اوغول اؤلوب دردی چتین قوی اورگین داغلی قالسین. نایمان آنا گل گینه سن هوسلن بوزقورد كیمین قیزیل داغلاردا سسلن هر هوسده بیر ایگید دؤغ قوی ایگیدلر یولا سالسین كروانی كروان آچسین بو باغلانمیش یولاری. نایمان آنا سن آناسان وطن آنا سن وطن.
بؤلوم لر: اۆز یازیلاریم ، |
بلاقا گؤره چیراق یاندیر،اوجاق قور كور یوخودان بیرجه دور قوی امه یین داغیتسین یوردوموزا قیزیل نور . حبیب ساهر
Dağlıq Qarabağ (1988-1993) Xankəndi (18.09.1988) Əskəran (19.10.1991) Hadrut (19.11.1991) Xocalı (26.02.1992) Şuşa (08.05.1992) Laçın (17.05.1992) Xocavənd (02.10.1992) Kəlbəcər (3-4.04.1993) Ağdərə (07.07.1993) Ağdam (23.07.1993) Cəbrayıl (23.08.1993) Füzuli (23.08.1993) Qubadlı (31.08.1993) Zəngilan (30.10.1993) *** Azərbaycan ***
|
| [ طراحی : ایران اسکین ] [ Weblog Themes By : iran skin ] | ||
