قالب وبلاگ


من توركم ، آذری یوخ
Vətən Anadır ANA çağırır bizi 
نظر سنجی
تورك ديلينده مدرسه لازيمدير؟




آناسیز،آتاسیز جؤجوق جێغییر   

آنانین پارتامیش نعشیین اۆسته   

آغلاییر،یالواریر جؤجوق جێغییر   

گۆره‌سن بۇ آنا نه داش اۇرگدی   

سۆد امر اۇشاغی گؤر نه جێغییر.!   

قێامت گۆنیدی   

یئر- گؤو قاریشیب   

كیشنییر گۆوده ده   

           یئرده ده تۆفنگ   

خوْجالی، غزه نین قایداسی بیردی   

هر كیمین زؤرو چوْخ   

                         دیری قالیبدی.   

مقلوبین، قالیبین باشقاچیلاری   

كامئرا اؤنونده خوْش گئینیبلر   

بیر ـ ایكی سوْروشا جاواب وئریبلر   

اؤزلرین اؤنملی قالیب بیلیبلر   

گؤزلرین سۆزدوروب یاواش گۆلوبلر.   

بیریسی یوْخ سوْروشا   

                گۆلوملی قارداش   

سیزینده اۇشاقلار هئش آج قالیبدی؟   

سیزلردن ده بیری قانا باتیبدی؟   




بؤلوم لر: اۆز یازیلاریم ، 
[ شنبه 21 تیر 1393 ] [ 06:32 ] [ ماحمود دالغا ]
Baxışlar 3

اۇزون ساری ساچلارینا

آسلانیبدیر جانیم منیم 

چوْخ ترپتمه اوْ ساچلاری 

دۆشر آبریم ائل آغزینا. 

نه اوْد منی یاندیراردی 

نه داش منی سێندیراردی 

یاندیردی گؤزلرون منی 

سێندیردی سؤزلرون منی. 

سنون قاشون گؤزون قارا 

منیم عؤمروم باتدی قارا

یانمیش كؤنول اولدی یارا

گل قوْوشاق بالا بالا. 

آیریلیقین آدی قالسین

هئجران بیتسین

           یادی باتسین

كمند اؤلموش ساچلاریندا

منیم بؤینوم باغلی قالسین.




بؤلوم لر: اۆز یازیلاریم ، 
[ سه شنبه 17 تیر 1393 ] [ 05:09 ] [ ماحمود دالغا ]
Baxışlar 2

آی آداملار یورولموشام 

بئزه میشم 

سون گونومدی! 

ال چكین دای  

              مندن داها 

خوش گونلری اونودموسوز 

اورمو گولون قورودموسوز 

سیزدنده دای بئزه میشم. 

اوچدو اوچدو  

        قوشوم اوچدو 

اوشاقلار یوخ، سیز اوینایین 

قارقا، سئرچه اوچوتمایین 

ال قالدیرین قوی من اوچوم 

منیم كؤنلوم دای یانیبدی 

درد الینده اودلانیبدی. 

های كویه باخ 

گولوشه باخ 

یانیینداكی كولش باخ 

سامان كیمی دوزلارا باخ 

سوورولورام اووچ اووچ 

قوزئی یئلی خرمنیمده 

بارداق قوروب هی فیرلانیر 

یئل فیرلانیر  

           من اوچورام 

قالدیریلمیش اللریزده.                            


بؤلوم لر: اۆز یازیلاریم ، 
[ یکشنبه 15 تیر 1393 ] [ 06:46 ] [ ماحمود دالغا ]
Baxışlar 0

آهای ویكتور 

              ویكتورخارا 

سازین منیم الیمده‌دی 

قێریلمیش سیملرین تیكدیم 

ایندی سازی سسله دیرم!. 

سانتییاگوْ 

        آلنده 

پینوشه 

      ویكتورخارا 

هانسی اؤلن 

               هانسی قالان؟. 

سازین سیمین قێردیردیلار 

بارماقلاری سێندیردیلار 

بوْغازلاری  آختاردیلار 

سؤزلری ده یاندیردیلار. 

آهای ویكتور 

           ویكتورخارا 

سؤزلر یانماز 

اوْد دان قاچار 

اۆركلرده نیسگیل آچار 

سازین یانیق جینگیلتیسی 

باتمیش قۇلاقلارا چاتار. 

آهای ویكتور 

              ویكتورخارا.                  




بؤلوم لر: اۆز یازیلاریم ، 
[ سه شنبه 10 تیر 1393 ] [ 07:31 ] [ ماحمود دالغا ]
Baxışlar 0

گیزلینپاچ اوینویور منن 

گؤزوم 

    دیلیم 

        بیرده اورگیم. 

گؤزوم گؤرن دردلریمی 

دیل سؤولیب جینگیلدتمیر

اورك چكن اودلاریمی 

گؤز آغلیب سوندورنمیر. 

دامجی- دامجی جانیم آللاه 

یانیر گونلر قارا كئچیر 

گؤز نئینه‌سین گؤرور آللاه 

اورك یانمیر دیل سؤوله سین.                               




بؤلوم لر: اۆز یازیلاریم ، 
[ یکشنبه 8 تیر 1393 ] [ 07:33 ] [ ماحمود دالغا ]
Baxışlar 1

بوْیلانیرام بوْیوم چاتا 

گؤرم سنی اۇزاقلاردا 

من قێسایام 

سن چوْخ اۇزاق 

یانمیش بوْیوم اۇجالمادی. 

یاندیم آللاه هیجر اوْدونا 

هیجران گۆنی قوْتارمادی 

قالدیم حسرت یار بوْیونا 

كیمسه بۇ دردی قانمادی. 

قالدیر منی قۇجاقیندا 

قوْی اۇجالیم اۇجا گؤروم 

پارچا-پارچا پارچالانمیش 

اوْتای 

      بوْتایی 

            بێرتای گؤروم.  




بؤلوم لر: اۆز یازیلاریم ، 
[ چهارشنبه 4 تیر 1393 ] [ 09:27 ] [ ماحمود دالغا ]
Baxışlar 3

یول كسن اوْلمادیم 

دوْواردان آشمادیم 

یالان دانیشمادیم 

قوْنشولار شۆشه‌سین داشا باسمادیم 

بیلمیرم قوْللاریم نه‌دن باغلیدی؟. 

یاراماز اوْلمادیدم 

نامرد اوْلمادیدم 

وێجدانی كۆچه ده یئره قوْیمادیم 

قونشولار قیزینا تله قورمادیم

بیلمیرم گؤزلریم نه‌دن باغلیدی؟. 

ساواشسیز بیر آدام 

باریشی سئودیم 

بۇلودلار گۆولرده، من یئرده آغلادیم 

آغلادیم گۆللری سوْلوق گؤرنده 

قفه‌سین قۇشلاری قملی اؤلنده 

قاپیلار اؤزومه نه دن باغلیدی؟.

هامی لار باغلیدی منده باغلییام

سؤزومه دیلیمه ،ائله باغلییام

گووده كی قوشلارا گوله باغلییام

اوركلردن آخان آها باغلییام

بیلمیرم آداملار هارا باغلیدی؟.

گونشده دئشیلن آتا پاپاغی

آنانین قورویان دیلی - دوداقی

ائلیمنن اوبامنان قویمور اؤزولم

سئل تكین دنیزه قووشام گرك

دنیزده چالیشام دوروشام گرك

آتامین اوغلویام ائلیمه باغلی.




بؤلوم لر: اۆز یازیلاریم ، 
[ یکشنبه 25 خرداد 1393 ] [ 07:15 ] [ ماحمود دالغا ]
Baxışlar 1
.: Weblog Themes By Iran Skin :.

تعداد یارپاق لار :  ::      1   ..   3   4   5   6   7   ..   23  

بلاقا گؤره


چیراق یاندیر،اوجاق قور
كور یوخودان بیرجه دور
قوی امه یین داغیتسین
یوردوموزا قیزیل نور .
حبیب ساهر
سایغاج سایت
بازديدهاي بو گون : نفر
بازديدهاي ديروز : نفر
كل بازديدها : نفر
بو آیین گؤروشو : نفر
ایندی بلاق دا : نفر
باخیش لار : عدد
كل مطالب : عدد
یئنیله مه چاغی :

YAŞASIN AZƏRBAYCAN YAŞASIN AZƏRBAYCAN

حامیان محیط زیست آذربایجان

Qanlı tarix
Dağlıq Qarabağ (1988-1993)
Xankəndi (18.09.1988)
Əskəran (19.10.1991)
Hadrut (19.11.1991)
Xocalı (26.02.1992)
Şuşa (08.05.1992)
Laçın (17.05.1992)
Xocavənd (02.10.1992)
Kəlbəcər (3-4.04.1993)
Ağdərə (07.07.1993)
Ağdam (23.07.1993)
Cəbrayıl (23.08.1993)
Füzuli (23.08.1993)
Qubadlı (31.08.1993)
Zəngilan (30.10.1993)
*** Azərbaycan ***

وبسایت خبری تحلیلی دورنا نیوز آذربایجان غربی