|
من توركم ، آذری یوخ Vətən Anadır ANA çağırır bizi
| ||
|
|
آذربایجانین دموكرات فیرقه‌سی تشكیل اولدوقدان و توده حیزبی ایرانین آذربایجان ایالتی
تشكیلاتی «فیرقه» ایله بیرلشدیكدن سونرا فریدون ابراهیمی‌ده اونون سیرالارینا
قوشولدو. وقتیله فریدونون «آذربایجان» و «خاور نو» روزنامه‌لرینده یازدیغی مقاله‌لری اللرده گزیردی. اونون «آذربایجان دانیشیر» آدلی
سلسله مقاله‌لری تاریخی كئچمیشیمیزی بیر داها
خاطیرلاداراق، خالقی آزادلیق اوغروندا دؤیوشلرده روحلاندیریردی. مؤلیف اؤز اثرینده
نه كیمی بیر مقصد قارشیسینا قویدوغونو قید ائدره‌ك یازیردی: «منیم مقصدیم بودور
... اؤز حقیقی مقامی و موقعیتینی الده ائتمك اوچون بو گون قیام ائد‌ه‌ن آذربایجان میللتینی آزاد
دنیایا تانیتدیرماق ایسته‌ییرم. بشریتین مدنییت تاریخینده آذربایجانین نه‌كیمی بیر مقاما مالك
اولدوغونو گؤسترمك ایسته‌ییرم ...». ف. ابراهیمی بو مقاله‌لرده اؤز میللتینین
پارلاق تاریخینی خاطیرلاداراق سونسوز بیر ایفتخار حسییله قئید ائدیردی:«آذربایجان
مقدس ابدی اودلار اؤلكه‌سیدیر. بو عزیز تورپاغین هر بیر قاریشیندا ایفتخارلی بابالاریمیزین اونودولماز یادگاری قالیر.
اونون كئچمیشده‌كی عظمتلی قلعه‌لالارینین قالیقلاری و مقدس آتشلرین اثرلری بیزیم بؤیوك آتالاریمیزین پاك
روحی و سارسیلماز ایمانینی گؤستریر ...». بو زامان مرتجع و ساتقین جیزما-قاراچیلار، آذربایجان خالقینین تاریخی
كئچمیشینی تحریف ائدن بیر سیرا اویدورما و بهتانچی مقاله‌لر نشر ائدیردیلر.
فریدونون یوخاریدا قئید اولونان مقاله‌لری همین مرتجعلره قارشی «دیش سیندیریجی و
منطقی جاواب اولماقلا برابر خالقیمیزین میللی آزادلیق حركاتینین حاقلی و عدالتلی
اولدغوندا گؤستریردی» فریدون ابراهیمی حادثه‌لری علمی نقطه‌نظردن تجزیه و تحلیل ائدیردی.
او آذربایجان دموكرات فیرقه‌سینین مركزی كمیته‌سینین اورقانی اولان «آذربایجان» روزنامه‌سینین تحریریه هیئتیله یاخیندان امكداشلیق ائدیر،
روزنامه‌نین صحیفه‌لرینده سیاسی جهتدن كسگین، مضمون جهتدن دولغون مقاله‌لرله
آردیجیل صورتده چیخیش ائله‌ییردی. 1325-جی ایلده فریدون ابراهیمی پاریس‌ده تشكیل اولونموش صلح
كنفرانسینا آذربایجان مطبوعاتینین نماینده‌سی كیمی گؤندریلدی. اورادان قاییتدیقدان
سونرا ابراهیمی همین كنفرانس بارسینده «آذربایجان» روزنامه‌سینده بیر سیرا مقاله‌لر
نشر ائتدی. همین سلسه مقاله‌لر «ایران ما» روزنامه‌سی طرفیندن ترجمه اولونوب
تهراندادا اوخوجو كوتله‌لرینه چاتدیریلدی. فریدون ابراهیمی دموكراتیك مطبوعاتیمیزین
گؤركملی خادیمی كیمی اؤز قلمی، بیلیك و باجاریغی ایله خالق حركاتین- 21 آذر نهضتینین غلبه‌سی
اوغروندا چالیشمیشدیر. 21 آذر نهضتینین غلبه‌سیندن سونرا، آذربایجان دموكرات فیرقه‌سینین و میللی حكومتین درین اعتمادینی قازانمیش اولان فریدون
ابراهیمی آذربایجانین باش مدعی‌العمومی(دادستان كل) تعیین ائدیلدی. او، بو وظیفه‌نی یئرینه یئتیرركن میللی نهضتین نایلیتلرینین، میللی
حكومتین قانون و قایدالارینین، آذربایجان خالقینین رفاهینین كئشیگینده دایانمیشدی.
آذربایجان دموكرات فیرقه‌سینین بیرینجی قورولتاییندان مركزی كمیته عضولیگینه سئچیلمیش ف.
ابراهیمینین نهضتده ایشتراكی، خالق ایشینه صداقتی، یوكسك دولت خدمتی، آذربایجان
گنجلیگی اوچون اؤیره‌نیلمه‌سی لازیم اولان بؤیوك سرمشق‌دیر. نهایت، 1325-جی ایلین آذر آییندا شاهنشاه قوشونلاری خائنجه‌سینه
آذربایجانا سوخولدوقدان سونرا ابراهیمی‌ده حبسه آلینیر. او، زینداندا اولدوغو زاماندا اؤز خالقینین منافعی و گله‌جكه‌یینی مردلیكله قورویور، دربار نوكرلرینین بوتون
توطئه‌لرینه و تضییقلرینه باخمایاراق دوشمن قارشیسیندا دیزه‌چؤكمور. فریدون محاكمه ائدیلدیگی زامان آذربایجان خالقینین حقوقونو شهامتله
مدافعه ائدیر، نهایت، بیر نئچه آی حبسده ساخلانیلدیقدان سونرا جلادلار فریدون
ابراهیمینی جمعه گونو، 1326-جی ایل خرداد آیینین بیرینده تبریزین گولوستان باغینین
پالید آغاجیندان دارا چكدیلر. بؤلوم لر: بو بیر آدی؟؟؟، |
بلاقا گؤره چیراق یاندیر،اوجاق قور كور یوخودان بیرجه دور قوی امه یین داغیتسین یوردوموزا قیزیل نور . حبیب ساهر
Dağlıq Qarabağ (1988-1993) Xankəndi (18.09.1988) Əskəran (19.10.1991) Hadrut (19.11.1991) Xocalı (26.02.1992) Şuşa (08.05.1992) Laçın (17.05.1992) Xocavənd (02.10.1992) Kəlbəcər (3-4.04.1993) Ağdərə (07.07.1993) Ağdam (23.07.1993) Cəbrayıl (23.08.1993) Füzuli (23.08.1993) Qubadlı (31.08.1993) Zəngilan (30.10.1993) *** Azərbaycan ***
|
| [ طراحی : ایران اسکین ] [ Weblog Themes By : iran skin ] | ||
