قالب وبلاگ

بیری وارایدی بیری یوخودو.آللاه یارادمیش چوخودو.تزه تزه  یارپاق لار یئره دوشمك دیدیلر، ایاق آلتیندا قالان یارپاقلارین بعضیلری خیشیلتی ائله ازیلیب و بعضیلری یاشاماق ایچون یالوارمادیلار، آمما گینه ده ازیلیب تورپاقا قاریشیردیلار. پائیزین اؤنجه دیریلمه گؤنلریدی.مشت‌قادرعمی اؤز حیاط یولداشی ائله كورسو قیراقیندا اتورموشدولار.ائوده هئچ های كوی یوخودو.

آلیش وئریش بازارینا بیر گون قالمیشدی،مشت قادرعمی دال پالاتایا(پالاتا=اتاق) گئتدیب بیر آز درده دین شئی حاضیرلاماقدایدی.

-          علی بئی نه قیئریسن،مشت قادر عمی نین حیاط یولداشی دئدی.

(علی، مشت قادر عمی نین ایكنجی آدی ایدی)

-          هئچ زاد، بو جاوابی قه هرنمیش و حیصلی حالدا دئدی.

-          پس سلقون توتوب كیشی، گل بیر آزجا اوتور، دانیش، ده – گول، قوی بیزده بیلك دونیا ندی، ار ندی،اولماز كی همیشه اؤزوندا سیرائدیب دلیلر كیمی اؤز ائله دانیشاسا.

-          صاباح ایستیرم گئدم بازارا،آلیش وئریش گونو صاباح دی؟

-         خئیر اولا؟ گینه نمنه ووروب بینووا؟عاغیلووی ایتیربسن ای كیشی،بیزیم بازاردان آلماغا نه ائحتیاجیمیزواردیر.

گؤلیم یانیر،كؤنلوم یانیر

دوزلی نازلی گؤلیم یانیر

آللاه یاغمور یاغدیرمادی

گؤلیم یانیر كؤنلوم یانیر.

ناز دورنالار اوچدی گئتدی

سونا چاتدی عؤمری بیتدی

كمسه اونا یار اولمادی

دوزلی گؤلیم یاندی گئتدی.

بیر ائلیمین تاجی تختی

كئچمیشلردن قالمیش بختی

تالان اولدی یاندی گئتدی

یوخا چاتدی دوزلی تختی.

آللاه یاراددیغین آلماز

یاتانین قاپیسین چالماز

اویان منیم اوغوز ائلیم

اویان ساق گؤل سونا چاتماز.

بیری وارایدی بیری یوخویدو. گونلرین بیر گونوده چوخ اوزاق گونلرده یوخ، بیر نئچه ایلر بوندان قنشر آخشام مال داوار گلن واختدا كنده قیشقیرتی قوپدو:

-           مشت اسد دوشدو بولاق دره‌سی نه.

 قاچا قاچ باشلاندی. منده قاچدیم كی گؤروم نه اولوب، مشت اسد اؤلوب یا قالیب.

بولاق باشی بیراوجادره‌ایدی كی چای یولوننان گلن ماشینلار اوردا دور وورا بیلردیلر.

مشت اسد ده ایسته میشدی اوردا دور وورسین ماشین كونتورول دان چیخیب دره یه دوشموشدو.هئچ كیم باور ائله مزدی كی اوردان دوشه سن دره یه و سالیم قالاسان.

مشت اسد منیم یئكه خالا اوغلومدی. بیر هفته اولمازدی كی اؤكوزلرین ساتیب و بیر سیمرغ المیشیدی.آخشامنان آخشاما قوییاردی قاپییا‌،بیز سیمرغین اوستونده آتیلیب دوشردیك و چوخ شنلیك ائلردیك.

مشت اسد دئیردی واللاه دای یورولموشام،جانیمنان‌بیزاریمیشام،غوربت اؤلكه لرده هاواختاجان بونا اونا فهله لیك ائلیب و بیرپارچا چؤرك قازانیم، آخی درد ته بودئیركی ائله بیلیرلر آدامی قول آلیبلار، داورانماقلاری بیز ایله اورگلری ایستییندی اینسان كیمی یوخ . سیزدن ایراق بیزی آدام بیلمیللر،كئچمیش زامانلاردا ارباب نوكر ده بو جور اولمازدی.

گئجه ام قارا گونوزلریم گئجه دی

قاراباغیم،سنون حالون نئجه دی

ندن سنی مندن، آیری سالدیلار

اورگیمین یارالارین یاردیلار

درددن آغاج چارتدادی 

بوداق،بوداق بؤلوندی 

منده بوداق باشیندان 

 سئوینجكلی گؤز آچدیم. 

"دونیا یالان دونیادی" 

شهریاریم دئمیشدی 

"اوغول دوغان دونیادی 

درده سالان دونیادی." 

بیری وارایدی،بیری یوخودو.بیرموعللیم وارایدی دردی چوخودو.اورگینه كسكین آغرێ دوشموشدو،بیلمیردی نئیله سین.بو آغرینین سبب اؤز دردی دیردی،ایسه اوشاقلاردردیدی كی ائلییه بیلمیردیلر درس اوخوسونلار.اوشاقلاردردایدی كی خیرداجا واختدان ایشله مه گه باشلارمیشدیلار،اؤز یاشلارینان یئكه ایشلر گؤروردیلر، آمما گینه ده آجیدیلار.

یاتانمیردی هر واختدا گؤزون یوموردو  شئه لی یئرلرده فرش توخویا مناف یاداینا دوشوردو، گؤرودو كی منافین گون به گون رنگین سارالیر، ضعیفلیر. گؤروردو كی كچل ننه سی ائله آجدیلار. گؤروردو كی یاشار ننه لیگین الینده اسیردی و كؤتك یئرلرین هئچ كیمه كوستره بیلمیر، یاشار هامیدان قورخوردو ، ننه لیگین هامیدان زورلی بیلیردی.

عزیرم قارا باغلار

اود یانار قارا باغلار

قالدی نامردلر الینده

سئودیگیم قاراباغلار.