قالب وبلاگ


من توركم ، آذری یوخ
Vətən Anadır ANA çağırır bizi 
نظر سنجی
تورك ديلينده مدرسه لازيمدير؟




كئچمیش زامانلار اولسایدی مال داوار ساخلاردیم ایندی بو ایشینده دَیری قالمییب، بو ماشینی  آلمیشام هفته ده بیر دفعه بازارا گیدنلری و اؤرتمه موعلیملرین آپارییب گتتیرسم بسیمدیر من آللاه دان نه ایستیرم؟ چوخ شئی ایسته میرم،هر گئده گودییه موحتاج اولماسام منیم بسیمدیر.

یئتیشدیم دره نین باشینا،من هامیدان دالی قالمیشدیم كند بوتولوقجا اوردایدی. بویانا و اویا باخدیم سیمرغی گؤرومه‌دیم، آدملارین قولتوقونون آلتینان قاباقا گئتدیم، هئچ بیر شئی گؤروشمیردی،یواش یواش توز دره دن سولغون اولماقدایدی. گؤزوم اوجا قلمه آغاجینین بوداقیندا بیر تَكر گؤردی آسلاق قالمیشدی.

گؤزلریم دولدی،اورگیم چیرپینا چیرپینا گری قاییدیم،بیری سوخلودی منیم قولتوقوما ایسته دیم یانا تولازلییام دئدی:

-           خالا اوغلی دده ام اؤلدی؟

باخدیم مشت اسدین بویوك اوغلی ایدی،بیز بیر یاشادایدیق، بیر سؤزتاپمادیم دییم اوزومی چوندردیم كنده ساری كی گؤزیاشلاریمی گؤرمه سین.

هره ایكی‌ایكی اوچ‌اوچ بیر یئرده دورموشدولار دانیشیردیلار. یاخین فامیلر هامیسی دره یه گئتمیشدیلر.

-          واللاه بوردان دیری قوتولماز.

-          هه ، اللی ، آتمیش متر اوجالیقی دیر.

-          او یئكه لیكده ماشین پارچا،پارچا اولوبدور.

-          تكره باخ گؤرهاردا قالیبدی.

-          ...

داهی گؤزلریم قارالیردی، بیلمیردیم نئینه مه لییم، باشی كسیك خوروز كیمین چوبالاماداییدیم.بو آدملارین دانیشیقلاردا منه هئچ خوش گلمیردی.

بیلمیرم هاواخت دره یه طرف جوموشدوم، بیردن گؤردوم قیشقیریق قوبدو:

-          او اوغلانی توتون، هارا گئدیر، داشلار هامیسی لاخلییبلار شوملار اؤزوده اؤللر، درده كی لرده.

بیر ال موحكم پئنجك كیمین بوغازیندان یاپیشمشدیر، ترپنه بیلمیردیم و اؤزون ده گؤرنمیردیم آمما سسی گلیردی:

-          قاییدبالا،گئتدون‌دره‌یه‌نه‌قییره‌جكسن،بیریده‌لازیم اولار سنی قؤروسون،قوی گؤره ك دره‌دن نه خبر گلییر،نیگران اولما گل اوسته دوعا ائله.

بو سس اوقدر منی ساكیتلتدی كی اود اوسته سو تؤكن كیمی. بئجه گیمین بوغازین بوراقدی من قاییددیم گؤروم بو كیمدی، حاج عیسا عمی ایدی منیم باشیمی باغرینا باسدی، بیر نئچه دامجی یاشین باشیما دامماسین بیلدیم.

-          گئت بالا دالدا دور، حاجی عمی نین سون سؤزایدی.

حاجی عمی‌نین سؤزونن هئچ كیم چیخمازدی منده گری قایدیب جاماعاتا قوشولدوم.

جاماعاتین ایچنده چوبالامادایدیم كی بیری الین قویدی چینیمه، الینین تئزلیكجه ایستیسین چینیمده حیس ائله دیم، دوندیم ن.. ایدی،اؤرتمه قادین موعلیمیمین باجی‌سیدی‌بیزیم كنده قوناق گلمیشدی،تزتزگلردی اوایچون اوشاقلارین هامیسین تانیردی.

-          آ ... سنن ایشی واردی.

-          نه ایشی؟

-          بیلمیرم.

یولا دوشدوك،بیلمیرم قورخوردی قویام قاچام یا نیه گؤرا بؤیوك آدملار كیمین یاپیشمیشدی الیمنن یئین،یئین گئدیردیك،كوللوكدن اوسته چیخمامیشدیق كی جمییتین ساكیت اولوب و بیزه باخمالارین حس ائله دیم.اونلارین باخیشلاری بیر یوك كیمین اوستومده آغیرلیق ائلیردی.

آ ... ین ائوینن دره باشینا چوخ یول دئیردی،آمما اؤزی ائلییه بیلمیردی گلسین،كنده اونا سؤز قوشان چوخ اولاردی،منده كی مكتبخانانین مومتاز طلبه سی دیم و هامی اؤرتمه موعلیملر منی یاخچی تانیردیلار.

-          بو اوغلان باشی آشاغا اوشاقدی.

-          هن بو هئچ بورایا راشمیر.

-          سؤزبازلیقلا ایشی یوخدور.

-          من ایفتخار ائلیرم بوجور طلبه واردیم.

-          ...

بولاری موعلیملر بیربیرینن دانیشاندا چوخ ائشیتمیشدیم.بو سببدن آ...خانیم اؤز باجی سین منیم دالیمجا یوللامیشدی.چوخ سینیلی دیردی بیر ایكی یاش منده بویوك اولاردی،آمما شهر اوشاقیدی، گیینمه سی بیز لردن جوخ تر تمیزایدی، ال اؤزی آغ آپ باغیدی.

یئدیشدیك ائوه، ن... مندن قنشر گیردی ایچه ری آمما من قاپیدان دوردوم.اورگیم چوخ چیرپینیردی.

-           آخی ایندی‌نه واختی منی چاغیریبسان،بیلمیرسن منیم حالیم نه جوردی، منیم خالا اوغلوم دره‌یه دوشوب سن نه فیكیرده سن.منن نه ایشون واردی؟...

 بونرالاری اؤز ایچیمده دئیردیم.

-          ماحمود گل ایچه ری قاپیدا قالما.

-          یوخ ساق اول، ایشم وار.

قاپی بوتوو آچیلدی، موعلیم قاپیا گلدی، الیمی الینه آلدی دئدی:

ماحمود خالا اوغلون نه جوردی؟

قه هررندیم، بوغازیم سیخیلدی، دانیشا بیلمه دیم.

موعلیم الین باشیما چكدی دئدی:

نیگران اولما آللاه كریمدی. من اؤزوم اورا گلنمه دیم ایسته دیم خالا اوغلوین حالین سوروشام.

 دانیشماسی آنام كیمین اولموشدو،قووت الندیم بوغازیمی سیخان سووی اوددوم دئدیم:

-          ساغ اول،منده بیلمیرم خالااوغلومون حالی نئجوردی هله دره ده دی.هئچ كیم خبر ...

آغلاماق‌قویمادی‌دانیشام،گؤزلریمین سووی یاز یاغیشی كیمین آخیردی، موعلیمیم آنام كیمین منی باغرینان باسدی گؤز یاشلاریمی سیلدی دئدی:

-          آغلاما گئت دره باشینا آمماائحتیاط ائله،منی ده خبر سیز قویما،نیگرانام.

ایجازه آلدیم و موعلیمین ائوینن اوزاقلاشدیم، من همیشه سئوردیم هر بهانه ائله موعلیمیمین ائوینه گئدمه آمما ایندی هئچ سئومیردیم.

قاچا قاچا دره باشینا یئتیشدیم آداملار كؤپالانمیشدیلار، قولتوقلارینین آلتینان كئچن دن گؤردوم بیر ایكیسی دئیرلر گؤردون او قیزی بیر بئله آدمین ایچنده یاپیشدی بونون الینن هئچده اوتانمادی،اوزلرینه باخدیم،كئچدیم گؤردیم كی خالا اوغلومی دره دن چیخاردیپلار او دیریدی.

كوللیكدن توز كیمین یوخاری قالخدیم، باشماقلی باشماقلی موعلیمیمین ائوینه گیردیم

-          خانیم ایجازه، دیریدی، خالا اوغلوم دیریدی.




بؤلوم لر: اۆز یازیلاریم ، 
[ دوشنبه 4 آذر 1392 ] [ 07:33 ] [ ماحمود دالغا ]
Baxışlar 2
.: Weblog Themes By Iran Skin :.

بلاقا گؤره


چیراق یاندیر،اوجاق قور
كور یوخودان بیرجه دور
قوی امه یین داغیتسین
یوردوموزا قیزیل نور .
حبیب ساهر
سایغاج سایت
بازديدهاي بو گون : نفر
بازديدهاي ديروز : نفر
كل بازديدها : نفر
بو آیین گؤروشو : نفر
ایندی بلاق دا : نفر
باخیش لار : عدد
كل مطالب : عدد
یئنیله مه چاغی :

YAŞASIN AZƏRBAYCAN YAŞASIN AZƏRBAYCAN

حامیان محیط زیست آذربایجان

Qanlı tarix
Dağlıq Qarabağ (1988-1993)
Xankəndi (18.09.1988)
Əskəran (19.10.1991)
Hadrut (19.11.1991)
Xocalı (26.02.1992)
Şuşa (08.05.1992)
Laçın (17.05.1992)
Xocavənd (02.10.1992)
Kəlbəcər (3-4.04.1993)
Ağdərə (07.07.1993)
Ağdam (23.07.1993)
Cəbrayıl (23.08.1993)
Füzuli (23.08.1993)
Qubadlı (31.08.1993)
Zəngilan (30.10.1993)
*** Azərbaycan ***

وبسایت خبری تحلیلی دورنا نیوز آذربایجان غربی