قالب وبلاگ

موعللیم فیكیره قالمیشدی، دردلری تانیردی، سببین بیلیردی،آمما بیر الده سس یوخدو، نئینه ملی اولسون،دئدی گرك بیر ایش گؤرم اوتورماقدان هئچ زاد چیخماز،اؤتورماقین فایداسی یوخدو،هاواختدا قدر گرك قورخاق. قوخماقدا اؤلومنن پیسدیر،بو سببه گؤره دوردو آیاغا، یاشاری اولدوزائله یولداش ائله دی و اونلارا دئدی كی بیرلیك قورخویا گؤردو.

قارانلیق یوللاردا اؤزننه یول آچدی، بالاجا ایشێلداقۇشی او قارا یوللاردا بیزه نیشان قویدی. گلدی یئتشدی قارابالیق یاشییان یئرین باشینا گؤردو او چوخ هئیجاندادیر.

دئدی: نه اولوب بالا،بو هئیجان و آتیلیب دوشمگین سببی ندیر؟

خیرداجا بالیق باشین سودان قوزاییب دئدی:

-   آ كیشی! سن نه بیلیرسن من نه چكیرم؟ سن كئنش دونیادا آتلیب دوشورسن،من بیر اووج سوو ایچنده بو بیلمزلرله گون سوورام. منیم حقیم بو دونیادا ائله بو بیر سیخما سودو؟

-   یوخ،موعللیم دئدی.

-   بس نینه ملییم؟ بولار كی هئچ بیری منه یاریم اولمیلار،منی یولارین خطرینن قوخودورلار، دئیرلر بوردان چیخسان عومرو تز سونا چاداجاقدیر، سنی یولداكی یئكه قورد قوشلار یئیب آردا آپاراجاقدیر...

-   موعللیم ایسته دی دانیشسین و دئسین كی بو آداملار بیزیم گنجینه میزدیلر و چؤخ،چؤخدا بیله یندیرلر آمما زامان لازیمدیر اؤزلرین گؤسترسینلر...

لاكین قاربالیق ماجال وئرمیردی اورگی اوقدر دولوایدی تز،تز دانیشیب و موعللیمین سؤزولرینی آراسینا آتیلیردی و دئیردی:

-   آمما منیم قورخوم یوخدو،هئچده ایسته میرم نوح پیامبرجه عؤمور ائلییم،آز یاشییب، آزاد یاشاماق اونان اؤنملی دیر...

موعللیم فیكیره گئتدی داهی قارابالیقین سؤزلرین ایشتمیردی،آخی او بیر موعللیمدیر،یول آچاندیر.اولماز بو شرایطده قارابالیغی اؤز باشینا بوشلاسین،كرگ كی اونا یول گوستریب،یول ابزارلاریندا اونا وئرسین، و یئكه لردن قالمیش كینه نی اونون سینه سینن ائشیگه آتسین، یئكه لرین كی گوناهی یوخدو،اونلار بو شرایطده دوغولوب و بؤیوب باشا چاتیبلار، هئچ واخدا ایسته مییبلر اؤز شرایط لرین دیشسینلر،البته بو فورصت اولارا وئریلمییب.

موعللیم اؤز ایچنده چالیشمادایدی،پئلیكان نی گؤروردی كی یول اوستونده دوروب، بو چنقلی قارابالیغا كمین قوروب،و ایستیردی ...

قارابالیق بیر آز سو سپه لدی موعللیمین اؤزونه و دئدی :

-   گؤردون سننده منه یولداش چیخماز،سنده بولار كیمین سن،من دانیشماقدایم،سن اؤزوندا سئیر ائدیرسن.

آمما موعللیم یول آلتلرین دۆزلتمیشیدی و او موقعیدی كی اونلار بیر،بیر قارابالیقا وئریب و اونو یوللا سالسین .

-   یوخ، بو جور دانیشما، من آخیرجا سنن وارم، اوجور كی اؤزون دئدون بورداندا سونرا دونیا واردی،آین شاین یاشاماقدا واردی،بیز اؤز دونیامیز تغییر وئرمكه كرگ چالیشاق،آسایش و راحتلیق قازاناق، آمما سانكیلار دونیاسیندا تاثیر قویماق اؤنملی دیر.

قارابالیق موعللیمنن چنقلی قیلنجی آلدی،بئلینه باغلادی.موعللیمین باخیش یولون دوام ائتمگه یولا دوشدی، و بو یولدا هامی خطرلرله برابر گلمه گه بیر آلت  وارایدی.

قارابالیق آز گئتمه میشدی كی گؤردو اورگی چوخ سیخینتیدادیر،و آناسی و یولداشلاری یادینا دوشدولر،لاكین باشلانمیش یولون اؤنملی اولدیغی اونا قووت و قودرت وئریردی.

آیلار كئچدی،ایللركئچدی قارابالیق یول گئدیردی و هامی خطرلری اؤزنن اوزاقلادیب، و چوخلارینی اؤزنه یولداش ائلییردی،هانسی یئرده دوران زامان،اورداكیلارین زندگانلیقیندا بیر تاثیر بیراخیردی، آمما قالماغا راضی اولمیردی،بیلیردی كی بیر یئرده قالان سو ایلنمه لیدیر، او دئیردی من گرك تاپام و گؤرم كی بو خیرداجا آخان سوون سونی هاردیر.

یوللار گئتدی، آز گئتدی، چوخ گئتدی ایتیشدی بیر یئكه چای یا، بیردن اؤرگینه بیر قورخولو چیرپینما دوشدو.

-   بو را هارادی؟ بس نئییه موعللیم بورانی منه دئمه میشدی ، من ایندی بوردان نئجور چیخمالییام؟

ننه سین سوزی یادینا دوشدو كی دئمیشدی"یولار دؤلودو قورد قوشونان،سنی یئییب آرادان آپارال لار"....

قارابالیق بو فیكیردئدی كی بیردن بیر یئكه تور اونو گرفتار ائله دی، جنقلی قیلنجین بئلیندن آچیب هر نئیله دی توری كسه بیلمه دی. اومیدین النده وئرمیشدی.

-   دئدیم سن نن منه یولداش چیخماز،منی گؤر هادا گرفتار ائله دون؟

-   یوخ، منده دئدیم كی آخیراجا سنن وارام، بونو موعللیم دئدی.

قارابالیق ساغ، سولا باخدی،دال،قاباقا باخدی،سئویندی و اؤز دئدیگی سؤزدن اؤتاندی. موعللیم، اؤنجه ده دورموشدو  و او تورون ایپله رین قیرماقدایدی.

چوخ زامانلار كئچیبدیر، ایندی قارابالیق دنیزده اؤز نوه و نتیجه سی ائله آین ،شاین یاشاییر، و او موعللیمنن هر ده بیر بالاجا نوه لرینه سؤز آچیر و موعللیمنن آلان قیلنجی اولارین بئینه تاخیر.                8/8/1392

بؤلوم لر: اۆز یازیلاریم ،