قالب وبلاگ

دیرنمك (مقاومت كردن)

بیر گون اوچ قارغا آغاج اوستونده اوتوروب، بیر-بیری ایله دانیشیردیلار.

بیری‌سی دئدی: گوره سن بو یئرلرین یییه سی كیمدیر؟

یانیندا اوتوران قارغا دئدی: بللی‌دیر بو یئرلر بیزیم دیر. بیز چوخ زاماندیر بورادا یاشاییریق. بیزدن سونرا  بو یئرلرده بیر كیمسه یوخ.

قیراقدا اوتوران قارغا دئدی: بورا بیزیم یئریمیز دیر.

گؤرمه‌ییرسینیز؟  باخین، بیزدن سوبای هئچ حئیوان بورادا یاشامیر.

بو آندا بیر سس دئدی: اولمایا بوتون دونیا دا سیزین‌دیر؟ بورا بیزیم دیر. باخین ساییمیزا؟

قارغالار مكه‌لرین یانیندا اولان آغاجین اوستوندن، باخدیلار. گؤردولر بیر مكه نئچه مین مكه‌نین ایچیندن اونلارلا دانیشیر.

مكه یئنه دئدی: بورا بیزیم دیر. بورانین یئرینه باخسانیزگؤررسینیز، باشدان باشا یالنیز مكه‌لیك‌دیر.

 قارغالارین بیریسی: سیز یئرینیزدن بیر آدیم ترپنه بیلمه ییرسینیز. نئجه بورا صاحاب چیخاجاق سینیز؟ دئییب، آغاجدان اوچوب مكه نین بوتای اوتایندان قوپارییب یئدی.

بوتون مكه لر قارغانین بو ایشینی گؤركن سس لرینی اوجالدیب بورا بیزیم یئریمیزدیر، بورادان گئدین، دئدیلر.

قارغالار گوج لرینی اونلارا گؤسترمك ایچین اوچوده بیرلیكده اوچوب مكه لرین یئمه سینه باشلادیلار.

 بو آرادا قورشون آچیلدی.

قارغالار اوجا سسین قورخوسوندان، اوچوب اوزاقلاشدیلار.

اكینچی قارغالاری قووالاماقدان سونرا، توفنگینی چیگنینه آسیب، مكه لرین درمه سینه داوام ائیله دی.