قالب وبلاگ

نایمان آنا، اوخ دؤشووی دلنده   

گؤزون گؤیدن اولدوزلاری درنده   

نامرد آتی مرد یوردوندا گزنده   

دردلر بیر بیر ساچلاریما دوزولدی.

  

نایمان آنا، "آكمایا©" گلیبدی

قانلی لچك یهرینده قالیبدی

یوآن قومی سنی مندن آلیبدی

اولدوزلاریم گؤیدن بیر بیر آخیللار.

 

نایمان آنا، اؤلن دئییل اوخلانان

اؤلن كیمدیر؟ آنادیلینی دانان

اؤلن كیمدیر؟ یاد بوداقدان ساللانان

اؤلن كیمدیر؟ اؤز ائلین نن، یان قالان.   

 

نایمان آنا، دردلر آچیب دیینده   

اود توتوللار دوداقلاریم یانیلار   

گئتمه، دایان!

غیرتسیزلر، گولومسلی باخیرلار.

 

نایمان آنا، گل بو گئجه بیرلشك   

یانمیش دوداق، 

           قانلی دؤش   

یئتیشسینلر بیر بیرینه نه اولار؟   

آنا،بالا قوجاقلاشاق   

                دیللشك.   

 

نایمان آنا، گؤزلر گینه یول چكیر   

آتلار گلیر   

قیرات گینه كیشنه شیر   

دلی دمرول

ائیوازائله هیمله شیر.

 

نایمان آنا، گئتمه كی قاش قرلدی

"قوردون گؤزی اوزاقلاردان برلدی"

"حیدربابا" گؤزی یولدا قالیبدی

نامرد اوغول اؤز ائلینی دانیبدی.

 

نایمان آنا، دندن اولوب قاشلاریم

گلمیرم آغیرگلیر قیشلاریم

آچ قوجاغون یورقون گلیب دینجه لیم

كؤچدی كروان،

           كؤچدی باجیم،قارداشیم.

 

نایمان آنا، چنلی بئلین سازاغی

نیگارگلیر ساغ تئلینده داراغی

دلی آشیق، كؤكه سالان سازلاری

سسه سالار یانیق سازلار داغلاری.


بؤلوم لر: اۆز یازیلاریم ،