|
من توركم ، آذری یوخ Vətən Anadır ANA çağırır bizi
| ||
|
|
من او گوننن كی گؤز آچدیم و آیاغ دوتوپ سؤز آنلادیم ننه ام منه هئكایه و داستانلار دیینده نه واختسا بوجومله باشلایان جومله سیدی " بیری واریدور بیری یوخودور آللاه دان سونرا هئش كیم یوخودور" هه قارداشیم ، ده مه لیم كی بیری واریدور بیری یوخدور ، بیر گون بیزدن اوزاق ییرده بیر قاراباغ واریدی ! كیفر و آدام بوغان ایرمنیلر او را هوجوم كئتیریب و نه حالتده بیزیم قارداش و باجیلاریمیزی قتله چكدیلر و نه جینایتلركی ائلمه دیلر. منیم كیچك اولان زمانلاریمیدی هئچ بیر ایش گؤره بیلمیردیم آمما اوره گیمده قان چؤشوردور دئیردیم : آی صمد ، نه اولاردی توفنگی شوشه دالینا قویمیایدون ، منیم الیمه تاخیب منی یولا سالایدون . آخیر بیر گون دئدیم بوجوركی اولماز من گرك بیر ایش گؤروم، من تورك دونیاسین آداملارینانم دوردوم آیاغا ، یازماقیما باشلادیم و اونلاری جورباجور وئبلاقلاردا یایدیم. ده دیم : ایشیلداقوشون مومكیندیر شاپاقی آز اولسون آمما دؤم قارنلیقین ایچینده گینه ده بیر شاپاقدیر. قارا باغ گؤزگوسی قیرمزی گولدی قیزلارین ساچینا گؤله دوزیلدی عدالت دونیاسی بیلمه دی؟ بیلسین ایرمنی جان آلدی– موسلمان گولدی ! هه قارداشیم، آخی من دئیردیم و دئیرم بیز تورك و تورك دونیاسینین آداملاریننانیق ، آمما بوگون بو جماعت هامیسی اوز ساكت اولمالیقلارینان دوشمنین دئیرمانینا سو توكورلر و آللاه لاریناندی كی بیز محو و نابود اولاخ و اولار تورك خالقینین جلادلارینان باجی ، باجی اولوب قول بویون اولسوننار. قاراباغ دردی چوخ آغیر درد دی ، آغیر و گیزلیكده اولدورن درد دی ، اوره كیمین باشین بیر میسماركیمین دلمكده دیر و هامی غیرتلی و شرافتلی انسانلاردا منیم تایمدور. آمما قارداشیم، بیلمه لیئك تورك دونیاسیندا حوكومت باشیندا اولان بیر اینسالارواردیلار كی نادانلیق اونلاری كور ایلیبدور، اوزلرینین بیر خوش گونلرین ملتلرینین اولمئكینیه باشقا بیلیرلر ، بیلمیللر كی بو گونلر بیر قووقدوربالاجا اوشاق الینده، اونلار چوخ ایشتباهدا و غفلتده یاشایلار بیلمیلركی بیز اوزیمیز بیر یوموروق اولوب اوز حقانیتمیزدن دیفاع ایلییه بیله ریك،گور كیچمیش گونلرده بیزیم خالق سؤزچیمیز حبیب ساهیر بو شرایطی نه جور بیزه بیلدیریب دیر : سس سالیب داغدا گئجه سئل سولاری مئشه دن چیخمادادیر آی یوخاری شام آچیب ساخسیدا بیر قانلی چیچك اته یینده چابالیر بیر كپنك نه قارانلیقدی بو زیندان ! نه سویوق ! نه اوچون آی بو قدر رنگی سولوق ؟ باقرخانین خاطره لرینن بیردی كی بیر گون امیرخیز محله سی پیس شرایطه یدی طهران قوشونو و آزربایجان لومپنری هر طرفدن هجوم گئتیرمیشدیر و بیزیم مبارزلر بیر بیر بئینن گئتمك حالدایدیلار، گئتیم ستارخاننین یانینا و ده دیم ستار تكلیف نئدیر ؟ - اولئك یا قاچاق ؟ باقرخان دئیر ، ستارخانی هئش واخت او حالدا گؤرمئمیشدیم و هئش واخت گؤرمئدیم . ستارخانین گؤزلرینن قان پارتدادی، - دئدی ستارخانا قاچماقدا دانیشیسان كیشی . هه قارداشیم ، بوگون بیزه نه اولوبدور ؟ ستارخان ، بای بك ، كوراوغلو آدی كئلنده هامیمیز دئیریك و پوزلانیریق بیز اونلارین نوه و نتیجه سیئك آمما عمل قاباقا گئلنده دوشمانلارینان قول بویون اولوروق و تكجه اوز خوشلوقیمیزا فیكر ائلیریك . هه قارداشیم ، سیزین ائلحام و... كمین آدملاردان نه اینتظار واروزدور ، او قراباغ اوز اولكه سین او شرایطده بوشلایب اونون بونون اومیدینه گؤز تیكیب و فكر ائلیر كیفر ایرمنستان حوكومتینین آداملاری بیرگون كئلیب دئیجكلر بویوروز بودا قاراباغ . من بیلمیرم آمما سیز یاخچی بیلرسوز قاراباغ داواسیندا آراز قیراغیندا كونئی آزربایجانین ائگیدلری قهرمانانلاری سیرا چكمیشدیلر و اونلارین سئسلری آراز كوشولتوسین محو ائلمیشدیر كی اجازه تاپیب قاراباغین نجاتینه قوشولوسینلار، بو سس بیزیم اولكه ده ایندیده اوجالیدیر. هه قارداشیم ، بو بیزیم مرامیمیزدیر اودا اولارین ! لااقل بیر اخبار و قزئتلرینده ارومو گؤلونین اولمئسین دونیایا اؤتورمه ائله سیننر ، بیزیم بوردا قولاریمیز باغلیدور اونلار نئدیرلر؟بیز تورك دونیاسین معناسین نئجور بیلملیك نئجور بو معنانی اوز اوشاقلاریمیزه دمئلیك ؟ هه قارداشیم ، بیز گرك اوز دیزمیزه اوز گوجــوموزه ، اوز ایگید و قهرمانلارمیزا اومید باغلییاق و ایكی اوزلی اینسانلار و اونلارین مانقورت اولموش فیكرلرین روسوا ائله مك ایچون بیرده چوخ اوز خالقیمیزا بئل باغلییاق. هه قارداشیم ، قوی او اصالتسیز اینسلار اوز دونیالاریندا خوش اولسونلار ، گورونیر عرب ملتی ، تورك دونیاسیندا تورك ملتینن،اردوغان و ... كیمین آداملارا حورمتلیدیلر و بو حوكومت آداملاری یالانچی اینساندیلار ، آتالار دئمیشكن، او یاخچی كی آدام یالانچی اینسانین ایپینن قویویا گیرمئسین . هه قارداشیم، سیز یاخچی بیلرسوزكی بیز تاریخ بوی بوجور فیكرلردن چوخ چوخ خیانتلر گورمیشیك ، سیز یاخچی بیلرسوز كی پیشه وری كیمن ، ستارخان كمین ، هامیدا موهوم بای بك كمین قهرمانلاری بو مانقورت اولموش فیكر بئین آپاردی ، بیزه درسدیر كی المیزی داها گرك بو ایلانلارین یوواسینا اوزاتمییاق . اروموگولی گوزلریم لایلای چالمیر سؤزلریم آغلایارام اولمییه اولسه اولر ائلریم اولسه اولر ائلریم . محمود دالغا(دیزج) 06.09.2011 بؤلوم لر: اۆز یازیلاریم ، سحرین حسرتین اولدوزلار چئكمه ز گئجه لر هرنه قدر قارانلیق اولسا قارانلیق گئجه لر بولود گئینسه یا دومانلار گئه لیب گئجه نی باسسا اولدوزلار دیزلرین قوجاقلامازلا آلاهین اومیدی دونیاجاندا اولسا ال اله یاپیشار یئدی قارداشلار بیرلیگین لذتین یادینا سالسا قارانلیق گئجه نی بیر اولدوز ده لر "دالغا"نین یادیندا اولدوزلار قالسا بؤلوم لر: اۆز یازیلاریم ، سارا گلیر گلین گلیر آغ كوینه گی باغرین دلیر قارا چوبان هاردا قالدون ؟ بو بئی سارا یا بئی دئیر. بؤلوم لر: اۆز یازیلاریم ، آغاردی ساچلاریم آمما ، هله سن ناز ائلیسن یئتشتی عومروموزباشا ، هله سن ناز ائلیسن خییالیم هر گئجه گودوز سئنیله غونچا باغلادور گوناهه باتمیشام جانا ، هله سن ناز ائلیسن گورینمز آللاها بنزر سنه تعظیم ده هرگون ركوعده سجد ده "دالغا" ، هله سن ناز ائلیسن قورتاردور تاقتیم آی گول داهی جان آلماقا تئز گل فئغانا گئلمیشم داردا ، هله سن ناز ائلیسن بو هئجران نه یامان درد دور آخیتدی گوزلریمنن قان حئیا ایله باری قانا ، هله سن ناز ائلیسن بؤلوم لر: اۆز یازیلاریم ، یاشیل داغلار گیینده قیرمیزی دون گئلیدیم او گوزل داغلارا بیر گون آچیدیم سنینله بیر دردلی صوحبت اولیدیم قوللاروندا گوجلی قووت گورن بابك قیزل بایراق سولارمی؟ ندن میصری قیلینج قانسیز اولارمی؟ گورن او موتعصم اولدور قیریلدور؟! یا رنگین چونده ریب بیزلردن اولدور! گوریرم بذ قالا ساكت دورب سان گله جك گونلره تونقار قورب سان گوزوندا وار دولی آغلار بولوتلار بیر گون نعره چئكر حتمن بو داغلار. بؤلوم لر: اۆز یازیلاریم ، دار آغاجی مؤحكم اولار تانابیندا مؤحكم ائله بوینومی سالدون تانابا قویما قیریلسین یئنه ده . من باتارام من ائترم من بولود اوللام گه لرم هسرتیمی چكمییه سن من یاغیش اوللام یاغارام یا باهار اوللام گه لرم. داراغاجی بوداقلانار حیات تاپار میوه سالار سن گلنده یورولادا كولكه لرینده یاتاسا سن گلنده آچیخاندا میوه لرینن دره سن. بؤلوم لر: اۆز یازیلاریم ، صبر ایله آی ده لی گونلوم اوچان قوشلار دونیب گلر بذ قالاسین تونقار قالا گولدانلر گوریب گلر. بؤلوم لر: اۆز یازیلاریم ، |
بلاقا گؤره چیراق یاندیر،اوجاق قور كور یوخودان بیرجه دور قوی امه یین داغیتسین یوردوموزا قیزیل نور . حبیب ساهر
Dağlıq Qarabağ (1988-1993) Xankəndi (18.09.1988) Əskəran (19.10.1991) Hadrut (19.11.1991) Xocalı (26.02.1992) Şuşa (08.05.1992) Laçın (17.05.1992) Xocavənd (02.10.1992) Kəlbəcər (3-4.04.1993) Ağdərə (07.07.1993) Ağdam (23.07.1993) Cəbrayıl (23.08.1993) Füzuli (23.08.1993) Qubadlı (31.08.1993) Zəngilan (30.10.1993) *** Azərbaycan ***
|
| [ طراحی : ایران اسکین ] [ Weblog Themes By : iran skin ] | ||
