|
من توركم ، آذری یوخ Vətən Anadır ANA çağırır bizi
| ||
|
|
الین وئر الیمه اؤگیسن دئمه اؤرگیم تیتریئر كۇسێب گئدنده نیسگیلی باغرێمێن داغێ سن اؤلما گۆل آچار گۆلشه‌نیم گۆلیم گۆلنده باغرێمێ داغلایر قوْرۇمۇش دنیز دالغالار جوشاندا، سۇزوب گئدنده بیر دنیزین آدێ میللی درد اوْلۇب بیر دنیز یالوارۇر سۇسۇزام منده اوْدلانێب یاناسان ایكی اؤزلی زامان بیر دامدا ایكی هاوا؟ یاناسان سنده. بؤلوم لر: اۆز یازیلاریم ، «مئدیا فوْرۇم» یازێچێ اۇغۇرلۇ فخری‌نین «مؤولانا جلالددین رۇمی و اوْنۇن «مثنوی»سی» آدلێ كیتابێ‌نێن چاپدان چێخدێغێنێ، كیتابدا اوْخۇجۇلارا رۇمی‌نین حیاتێ، یارادێجێلێغێ و «مثنوی» پوْئماسێ حاقێندا اۇغۇرلۇ فخری‌نین گئنیش مقاله‌سی‌نین، «مثنوی»دن آذربایجان تۆركجه‌سینه چئویردیگی 30 حكایتین تقدیم اوْلۇندۇغۇنۇ خبر وئرمیشدی. مؤولانا جلالددین رۇمی و اوْنۇن «مثنوی»سی مقاله‌سی «مئدیا فوْرۇم» اوْخۇجۇلارێ‌نێن دقتینه اؤتن هفته چاتدێرێلمێشدێ. ایندی ایسه مؤولانا رۇمی‌نین آلتێ جیلدلیك فلسفی-دیداكتیك منزۇم هئكایه‌لر توْپلۇسۇنۇ، دۆنیا شؤهرتلی “مثنوی” اثریندن سئچیلمیش بیر نئچه هئكایه‌نین ترجۆمه‌سینی تقدیم ائدیریك. سۆلئیمان پئیغمبر، آغجاقاناد، بیر ده كۆلك بیر گۆن آغجاقاناد سۆلئیمان پئیغمبرین یانێنا شیكایته گلدی: - یا پئیغمبر، سنین عدالتین گؤیلره سس سالێب. شیطان دا، ملكلر ده، اینسانلار دا سندن راضێدێلار. سنین عدالتین سایه‌سینده جۆجۆلر ده، حئیوانلار دا خوْشبخت یاشایێرلار. بیز آغجاقانادلارێ دا ضعیفلیگیمیزه باغێشلا، بیزه كؤمك اوْل. دۆنیادا هر وارلێق بیزدن گۆجلۆ، بیزدن قدداردێ. سن اؤز عدالتینله تانێندێغێن كیمی بیز ده اؤز جێلێزلێغێمێزلا مشهۇرۇق... - بیر دئ گؤرۆم، آخێ نه اوْلۇب، ائی اللهێن یاراتدێغێ، - سۆلئیمان پئیغمبر اوْنۇن سؤزۆنۆ كسدی، - نه‌دن شیكایته گلمیسن، كیم سنی اینجیدیب؟ هامێیا بللیدی كی، من تاختا اوْتۇردۇغۇم گۆندن سلطنتده حاق-عدالت یئرینی آلێب، شره قۇللۇق ائله‌ینلر اؤز پئشه‌لرینی دیَیشیبلر! بؤلوم لر: اۆز یازیلاریم ، اۇرمۇ گۆلی درین ایدی بۇلاغلارێ سرین ایدی قۇلۇن قیریلسین اجنبی سد سالماغۇن نه‌دن ایدی؟ باللی قایانین داشلاری قارا گؤزلرین یاشلاری پیر ننه نین آغ ساچلاری یئنه گؤلیم سنه دوشدی . بؤلوم لر: اۆز یازیلاریم ،
شاعر : حضرت معجز سنی تاری بایرام خانیم راضی اولما من اوتانیم بایرام دا یوخدور تومانیم گئت تبریزه، گلمه بیزه من ده یوخ حوصله بایرام الیم بوشدور هله بایرام ! شیل اولاسان بئله بایرام گئت تبریزه ، گلمه بیزه بایرام اگر گلسن بیزه بیر شال گتیر قارا قیزه گتیرمه سن ، گت تبریزه گلمه بیزه ، گلمه بیزه گلسن بیزه آغام جانی باشین یاررام، آخار قانی اوغلانین یوخدور تومانی گئت تبریزه ، گلمه بیزه گؤرسن آخیر چرشنبه نی سؤیله اینجتمه سین منی پلووون یوخ یاغی – دنی گئت تبریزه ، گلمه بیزه ساققیزی سالمیشام انگه اوغلان گتدی منی تنگه پول یوخدور وئرم فیشنگه گئت تبریزه ، گلمه بیزه بایرام ! واللاه یوخدور ناریم یاری گورمه یه آپاریم نار وئرمه سم ، كوسر یاریم گئت تبریزه، گلمه بیزه وارلی یئییر یاغلی چیلوو یوخسول چكر، غصه – خینوو بیزده یوخدور ، خوروز پیلوو گئت تبریزه ، گلمه بیزه یوخسول مین درده توش اولار منی ایچمه دن سرخوش اولار تبریز حالواسی خوش اولار گئت تبریزه ، گلمه بیزه.
بؤلوم لر: اۆز یازیلاریم ،
سوْلموش ساری یاپراق خزل اوْلدو یئله گئدی سوْلغون، قوْری باغلار، گۆل آچیب ایل دۆنیمینده. ایللر دؤنریمیش قارا گۆنلر كئچه گن بدبختدیر اوْ میللت كی گؤزین گۆللره یۇمسون شاختا گئجه ده كۆرسی دیبنده یۇخو گۆرسون. من یاتمادیم هئچ واخت ناغیلیندا قاریلارین چله گئجه‌سی خان ننین جێدانییام اولدوم! دیشلیك آشیما قار،دۇشاب قاتمیشام ایندی.
بؤلوم لر: اۆز یازیلاریم ، ۲۱ فئورال دونیالیق آنادیلی گونو قوتلو اولسون توركون دیلی تك سئوگیلی، ایستكلی دیل اولماز اؤزگه دیله قاتسان بو اصیل دیل اصیل اولماز بوگون بوتون تورك دیللر قوتلواولسون
یونسكو گئنل قورولو ۱۹۹۹ - ینجی ایلینده ۲۱ فئورال گونونو " اولوسلار آراسی آنــادیــلی گــونو " اولاراق قبول ائتدی. بو گون ایلك اولاراق ۲۰۰۰- ینجی ایلیندن بو یانا دونیا چاپیندا قوتلانماغا باشلانیب .دونیانین ان قایدالی دیللرینین اوچونجوسو ساییلان آنادیلیمیز توركجه،دونیانین ان چوخ قونوشولان اون دیلیندن بیریدیر. بؤلوم لر: اۆز یازیلاریم ، |
بلاقا گؤره چیراق یاندیر،اوجاق قور كور یوخودان بیرجه دور قوی امه یین داغیتسین یوردوموزا قیزیل نور . حبیب ساهر
Dağlıq Qarabağ (1988-1993) Xankəndi (18.09.1988) Əskəran (19.10.1991) Hadrut (19.11.1991) Xocalı (26.02.1992) Şuşa (08.05.1992) Laçın (17.05.1992) Xocavənd (02.10.1992) Kəlbəcər (3-4.04.1993) Ağdərə (07.07.1993) Ağdam (23.07.1993) Cəbrayıl (23.08.1993) Füzuli (23.08.1993) Qubadlı (31.08.1993) Zəngilan (30.10.1993) *** Azərbaycan ***
|
| [ طراحی : ایران اسکین ] [ Weblog Themes By : iran skin ] | ||
