قالب وبلاگ


من توركم ، آذری یوخ
Vətən Anadır ANA çağırır bizi 
نظر سنجی
تورك ديلينده مدرسه لازيمدير؟




قیش گلمیشدی و قار چوخ آغیر یاغمیشدی، مال حئیوان نین چوله چیخماغی مومكون دییردی، نبی تزه یوخو یئرینن قالخیب ال اؤز یووب بوز آتینا باخماغا طوولییه گیردی، آخی نبی نین بیر جانیدی بیر بوزآتی. اونان آیریلماق نبی یه مومكون اولان دئیردی.

بو واختلار خانا چوخ یاخچی واختیدیر كی بیلسین كند خالقینین نی واردی،نی یوخدو و اونلارا صاحیب اولماق زمانی دی. خبر خانا گلمیشدی كی نبی كلیب كنده دیر و آتیندا گتیریبدی، نبی خانا بیر تانینمیش آدامیدی، نئچه دفعه لر خانین قاروْوولچولارین كندن چوله سالمیشدی، بیر قورخماز و تورك ایگیدیدی.

خان بو خبری ائشیدن نن سونرا اؤزی و نئچه قولدوری نبی نین آتین آلماقا یولا دوشدولر. گلیب قاپییا چاتدیلار، قولدورلار دووالاردان آشیب حیط ین قاپیسین آچدیلار، خان گیردی ایچری و بوغلموش سس ائله قیشقیردی:

-          آهای نبی هارداسان، گل گؤروم.

ائودكی اوشاقلار و قادنین لار چوخ دهشته دوشدولار، هره سی بیربوجاقا سوخولدو، نبی نین آناسی چادیراسین بئلینه باغلیب بیر كیشی كیمین ائودن ایشیكه چیبخیب دئدی:

-          كیمنن ایزن آلدون، منیم ائویمه گیردون بی حیا.

-          خان هئش كیمنن ایزن آلماز.

-          ...

دئیشملر اونلارین آراسیندا باشلاندی و بو دئیشملر نبی نین قولاغینا چاتدی، تزلیكجه آتینا یئهر وروب، آتین بئلینه قاخدی و طووله دن حیطه گلیب خانین بئش آلتی قولدورون یئره وروب خانا چاتدی، آتینین اللرین قووزادی كی خانی یئره ورسون آناسی قیشقیردی "نبی سوتومو حالال ائله مه رم" اونو بوشلا.

نبی نین آناسی بیلیردی كی خانا بیر شئی اولسا حوكومت دارو دستلری اونلارین ائو و ائشیكلرین نابود ائلرلر.نبی ده تز بونو آنلادی، دونوب حیرصین بیر قولدورون باشینا سالدی.

خان نبی نی هئچ واخت بوجور حیصلی گؤرمه میشدی، گؤزنلرینن قان دامیردی، بیغلاری نین توكو بیز بیز دورموشدو.خان جان قورخوسوندان گری قایدیب، سئوله دی.

-          بو كندین خانی منم،حوكومت منی خان قویوبدور، هر نه یاخچی شئی وار گرك منیم اولسون، من دییه رم هر كیمسه نجور زندگانلیق ائله سین ، ایندی سندن گل بوز آتی وئرمنه اؤزوندا منیم باش قاروْوولچوم اول،بو ایش ده چوخ فایدالار وار اؤزوندا بیلیرسن.بارماقین نبی یه ساری توتدی.

-          سن بیر حیله كار آدام سان، چوخلاریننین زندگانلیقین الدن آلیبسان سنون‌حقون اؤلمكدی،قارا‌ تورپاقلاردا سنه حارامدی، آنام دینمه سیدی سنون اؤز بارماقووی گؤزوا سوخاردیم، سن حوكومت زوری ائله بللكه منیم جانیم ائلییه بیله سن آلاسان، آمما آتیمی یوخ، نبی نین خانا قوللوق ائله مسین او دونیادادا گؤرنمه سن،ایسته دی آل آتسین قیلینجا، آمما گینه آناسی دیلندی:

-          بالا، كند خالقینا رحم ائله، اوشاقلارا رحم ائله!نبی فیكیره گئتدی:

باشوا دولانیم گول اوزلو آنا

او گنجی چاغلاریم یادیما دوشدو

درد و قم الیندن گلمیشم جانا

آتامین اؤلمه سی یادیما دوشدو.

نبی دوندی آناسینا طرف، آناسینین گؤزلری یاش ائله دولموشدو. نیله سن، خانی اؤلدورسون، آتی وئرسین، اؤزون خانین قولوقوندا قویسون، هئچ بیری اولان ایشدیردی.

آتاسینین اؤلمسه یادینا گلدی، خان وئرمیشدی اوقدر وورموشدیلار كی قان قوسا قوسا ائوه گلدی، قاپدان ائوه گیریب نبی نی باغرینا باسمیشدی:

-          اوغول خان نا یان گزمه، نامرد آدامدی،سؤز باشینا گیرمیر. آتاسینین سون سؤزلری بونلارایدی.

حیرصدن قیلینجین ال یئریسی نبی الینده حیصه‌‌لندی، بیر آناسینا باخیب، بیرخانا باخدی ،بیلدی كی قاچیب گئتسن آناسی و اوشاقلار سالامات قالارلار.آغیردان بیر نفس چكدی،حیط دن چیخا چیخا دئدی:

-          آنا من بوندان بئله قاچاق "نبی" یم. خان نین غیرتی اولسا گلسین منیم آتیمی داغلاردا مندن آلسین.

خان گؤردی نبی گئدیر ایسته دی دئسین یولون كسسیننر آمما گؤردو قولدورلاری هامی سی تیتره مه ده دیلر.بو ایشدن پشیمان اولدو، فیكیره گئتدی.نبی ده یئل كیمین گؤزلردن ایتدی.خان قایتدی ائوینه موباشیرلرین بیر یئره یخیب فیكیرلشدیلر آمما مادار(چاره) تاپابیلمه دیلر.

گونلر گلیب گئدیردی، گون اولمیردی كی خبر كلمه سین نبی خان نین نئچه قولدورون آرادان آپارمییبدیر. هر گون جاوانلار نبی نین اؤردوسونا قوشولوب و اونون قیلینج وورانلاریندان اولوردولار، های كوی داغلاردا داشلاری یئردن دبردیردی.خان نین جانینا بیره كیمین قورخو دوشموشدو و اونو بوشلامیردی، نئجه دفعه لر اؤزی ائله دئمیشدی كی، من نه ایچون بو ایشی گؤردوم، آخی بوز آتی نینیردیم، بوز آتیم ایندی یوخدو اولمایبدی.آمما ایش ایشدن كئچمیشدی، اونون اؤز عمللرینین نتیجه سی ایدی كی ایندی ائوینین دیركلرین تیتره‌مه یه سالمیشدی.

قیش سونا چاتمیشدی،بولبولر باغلاردا اوخوماقدایدیلار،قیزلارسهنگ لرین گؤتوروب بولاغدان سو گتیرمك یولا دوشموشدولر، دییه گوله گئدیردیلر كی خان نین نئجه قولدوری اونلارین قاباخین كسیب دئدیلر:

-          بیزیم اؤولار گؤله گؤله هارا گئدیرلر؟

-          بولاغا.

-          بولاغدا نه وار؟ گلین گئدك خان گیله؟

-          خان گیله؟، آلاه كسین اورانی.

-          سن كیمسن؟بوجور یئكه یئكه دانیشیرسان؟ آچ اؤزوی گؤروم، اولمییان سندن نبی سن؟

-          هه منده قاچاق نبی یم، اوننان قورخورسان؟

-          بیز خان ماموریق هئچ كیمنن قورخماریق!

-          هه، گؤرورم دوداقلارین قورودی.

قولدورلارین بیر ایسته دی ال آتیب او قیزین اوز اؤرتوسین یانا چكسین كی قیزلاردان بیری دئدی:

-          قان دالیسیجا گزمه، اوننا ایشون اولماسین، گل یولووی سالامات گئت.

بو سؤز خانین قولدورون هم قورخویا سالدی هم ده دئدی گرك گؤرم بو كیمدی، اؤنجه یه گلیب ال آتدی قیزین یاناقینا، ائله ال آتماسین گؤردی، اوندا گؤردی قیزین دیزینین آلتیندادی و قلینج دایانیب بوغازینا.

-          سن، سن كیمسن؟

-          دئدیم كی اوننا ایشون اولماسین.ایندی قانون اؤز بوینووادی.

-          یوخ سن آلاه ده منی اؤلدورمه سین، منیم اوشاقلاریمین گؤزویولدادی،منیم ده بالاجا قیز اوشاقیم واردی.

-          قیز اوشاقین وار هله بو ایشلردن چیخیرسان؟اوتانمیرسان؟

او بیری قولدورلار بونو بیر شوخلوق بیلیردیلر و كولمكدیدیلر، ایسته دیلر قاباقا گلیب اؤز یولداشلارین قیزین دیزینین آلتینان قورتارسینلار كی هامی سی بیر بیرینین اوسته یغیلیب ترپنمكه ایمانكلاری اولمادی. قولدورلار باشلادیلار یالوارماقا، آغلاماقا.

-          من بیلیرم سیزین بو آغلامالار تولكی آغلاماقیدی، زوروز چاتسان هئچ كیمه رحم ائلمه سیز، سیز قان ایچیب، قان ایچنده بویوب سوز، سوزلا كرگ اؤزوز كیمین رفتار ائلمك لازیمدیر.

-          یوخ هجر سن الوی قانا بئله مه،بونو قیزیلارین بیر دئدی.

هجرین آدی گلجك، دیز آلتیندا اولان قولدورلار، تیتره‌مه لری كسلدی،اؤلوكیمین اؤز، گؤزلری سارالدی، بیلدیلر كی اؤلوم زامانلاری چاتیبدیر،آمما هجر قیلینجین یئندیردی و اونلارین كوكسون دن یئره دوشدو. هجر آدی ایشتمیشدیلر،اونون قیلینج وورماسین و آت چاپماسین بیلیردیلر، آمما بیلمیردیلر كه هجر كنده دی، اولار دئیردیلرهجر گئتیب نبی نین قوشونونا و بو سبب ائله قاچاق نبی زورلاشیبدیر.

هجر اؤز یولداشلارینین سؤزونه باخیب بو بابارلاری دیری بوشلادی آمما دئدی كی:

گئدوز خانا دئیوز، هجر بوگوندن نبی یانیندا قیلنج ووراجاق، كیشی سن گل قاباقا.

قوی سنه دئسینلر آی قاچاق نبی

هجری اؤزوندن آی قوچاق نبی.




بؤلوم لر: اۆز یازیلاریم ، 
[ دوشنبه 21 بهمن 1392 ] [ 08:14 ] [ ماحمود دالغا ]
Baxışlar 0
.: Weblog Themes By Iran Skin :.

بلاقا گؤره


چیراق یاندیر،اوجاق قور
كور یوخودان بیرجه دور
قوی امه یین داغیتسین
یوردوموزا قیزیل نور .
حبیب ساهر
سایغاج سایت
بازديدهاي بو گون : نفر
بازديدهاي ديروز : نفر
كل بازديدها : نفر
بو آیین گؤروشو : نفر
ایندی بلاق دا : نفر
باخیش لار : عدد
كل مطالب : عدد
یئنیله مه چاغی :

YAŞASIN AZƏRBAYCAN YAŞASIN AZƏRBAYCAN

حامیان محیط زیست آذربایجان

Qanlı tarix
Dağlıq Qarabağ (1988-1993)
Xankəndi (18.09.1988)
Əskəran (19.10.1991)
Hadrut (19.11.1991)
Xocalı (26.02.1992)
Şuşa (08.05.1992)
Laçın (17.05.1992)
Xocavənd (02.10.1992)
Kəlbəcər (3-4.04.1993)
Ağdərə (07.07.1993)
Ağdam (23.07.1993)
Cəbrayıl (23.08.1993)
Füzuli (23.08.1993)
Qubadlı (31.08.1993)
Zəngilan (30.10.1993)
*** Azərbaycan ***

وبسایت خبری تحلیلی دورنا نیوز آذربایجان غربی