قالب وبلاگ

بیربیرلرینه خبر وئردلر. چوخ چتینلیك ائله ایش صاحیبلارینان ایجازه آلیب او را گئتدیلر.

قاتلا آلیب چوخ ساعتلر اینتظاردا دوردولار. هاچان نان هاچانا بیر سس گلدی:

-          سای 295

-          منم

-          گل سنون نوبوندی، گئت دوختورون یانینا.

سئوینجك قاپی چالیب گیردی ایچری.

-          سالام دوختور.

-          دوختور باشین ترپدی.

-          دفترچه نی وئر.

ایشچی ایسته دی ده سین نییدی. دوختور ایشاره ائله ساكیت قال. ایشچی نین گؤزی بیردن دیدی دوواردا بیربالاجا قیز عكسینه كی شاهادت بارماقین گؤیموشدو بورنون نین اوسته،یانی دیمه.

-          بورا چوخ یامان یئردی بالام. هر ایشین موقرراتی واردی. آدام كرگ بوردا ...

ائله بو فیكرلردیدی دوختور دفترچه قاتلیب وئردی ایشچی یه. ایشچی بیر دوختورا باخدی بیر دفترچه یه باخدی. مات قالمیشدی نه دئسین.

-          نین معطلی سن گئت داواخانایا،بونو دوختور دئدی.

ایشچی قاپیدان چیخا چیخا اؤز اؤزینه دلی آداملار كیمین دئیردی.

-          عجب یئردی بالام، من هئچ دئمه دیم نییمدی دوختور بیلدی داواسیندا یازی،والاه آدام كرگ بونلار الینن اوپسین.

چوخ زامانلار كئچدی. ایلر گلدی گئتدی. جاوانلار قوجالدی قوجالار اولدی آمما بو یئر ائله اوجور قالمیشدی.بیر آغیللی آدام (كئچمیش ناغیلدادا یازمیشام)كلدی حوكومت باشچیسی اولدی، اونون فراستلی نوه لرینن بیری آدام اؤلدورمك گورولتو سین ده الی اولدوغو ایچون اوز وظیفه سین الدن وئردی.

حوكومت باشچی دئدی:

-          چوخ قم و قوصه یمه، كل سنی قویوم بو "تامین اجتماعی"نین باشچی سی اول.

او نوه سی چوخ سئوینجك قبول ائله دی.آمما بو ایشه سالقیت لر ریضایت وئرمیردیلر.هر گون قرئتلرده بیر جوره ناغیل یازیلیردی.

-          :تامین اجتماعی"ین باشچی سی ایشین الدن وئردی.

-          یوخ هله ایش اوسته.

-          دفترنن چیخاندا یاخالاندی.

-          بیراخیلدی.

-          ...

بو ایشلر چوخ زامانلار یوخ، بیر نئچه ایل داوام تاپدی،تا آغیللی آدام حوكومت باشچیلیغین الدن وئردی، یانی واختی سونا چاتدی.بیر نئچه اوندان سونرا دئدیلر كی بو یئر كی ایشچلر زحمتی ایله دوزه لینیب باشا چاتمیشدی، ایندی مۆفلیس اولوبدور. هئچ كیم باور ائله میردی، بونا گؤره كی دئیردیلر بیز حاققیمیزی آلمامیش اورانین حاققین وئرمیشك نئجور اولار او یئر مۆفلیس اولسون؟

آمما بیز راضیلیق ائلییك و ائلمییك بو ایش اولموشدور.چون بو یئرین اورگ یانان  مسئول لاری، بیر آزجا،چوخ بیر آزجا اؤز جیبلرینه اورگلری یانمیشدی.بو یئرین وارلیغین دده مال لاری كیمین باغیشلیب  و اونا بونا هدییه وئرمیشدیلر.بیلملیك كی اؤزلرینده هدییه گؤتورموشدولر،بیردن اؤورلوق حئسابلامییاسینیز.

چوخلی سالقیت لرده كی بیر زامان های سالمیشدیلار بو آدام كرگ بو یئر باشچیلیغننان گئتسین گؤروندو هدییه آلانلارداندیلار.

آنجاق باشوزی آریتمییم تزلیكجه گلك باشا چاتاخ یاخچیدی بو ناغیلار چوخ داواملی اولسا هم اوخویان باش بلا اولار هم یازان گؤررسن یولو دوشدی اورا كی "عرب نی انداخت".

او عاغیللی آدام حوكومت باشینان گئدندن سونرا تزه دن های كوی دوشدو كی بو یئرده"تامین اجتماعی"دا نه خبرلر واریمیش. وئرن كیم،آلان كیم و یئین كیمیش.

ایسه هامیمیز بیلیریك كی بو سؤزلر بیزه یئنی لیكی یوخدور،هر كس كلیب حوكومت باشینا هارای چكیب آی میلت بیلون یئیبلر،آپاریبلار آممامن اونلاری دارا جكه‌جكم، دده لرین یاندیراجاغام،آددارین آیدینلاداجاق كی میلت بیلسینلر، سیزین حققنیزی اونلارین بوغازیندا ائشیجك جكه‌جكم.

 بو یئنی سؤزلردن نئجه گون سووشمامیشدی كی قرئتلرده اعلام اولدو، اوجوردا كی های سالیبلاردئیر.بیر تعداد سالقیتلر هدییه آلیب و اونلاری محروم آداملارا باغیشلیبلار،من بو خبری اوخودوم بیردن گۆلمگیم كلدی.

-          نیه گولورسن؟

-          هئچ زادا،محروم آداملارا، اونلار كی پیامبریمیز الریندن اوپدو، ایندی پول لاندیلار و دای پیامبریمیزین اوپوشو اونلارا نصیب اولمیاجاق،یازیق بیچارالار.

بؤلوم لر: اۆز یازیلاریم ،