قالب وبلاگ

گونلرین بیرینده بیر عاغیللی تاپیلدی! بو عاغللی آدمامین  مین  فراستدی نوه و نئتیجه سی واریدی اولار ائله اوتوردو دوردی ددی نئجور اولار گلك بو گؤله گلن سولارین قاباقیندا دایندیرما قوراق و او سولارلا بویؤك باغ و باغات  قوراق، بورداكی آداملارین لیاقتی بودیر گرك بولارادان آرتیق باغلاری باغاتلاری اولسون، بو گؤلون سوویدا كی دوزلی دور و درده دیمز!

هامی نوه و نئتیجه سی ددیلره ساغ اول چوخ گؤزل اولار، بو گؤزل فیكردی بو دوزلی گؤلدن بیزه نه چیخار؟

باشلادیلار گؤله گلن سولارین قاباقیندا دایندیرما قوروب و گؤلون اطرافیندا قویولار قازسینلار و چوخلی بودجه لر صرف ائله سینلر كی گؤله گلن سولارین قاباقین آلسینلار.

گؤلون سیزیلتیسی و یارالانمیش قول قاندی اورگ یانان آغسقلری بیر یئره ییخدی، اونلار گلجكی  و نه اولاجاقی بیلردیلر، بو سببدن عاغللی آدامین یانینا گئدیب دئدیرلر:

 قارداش بو ایشی گؤرمه ین، بو گؤلو قورتماین، بیزیم یاشاییشمیز، دیری اولماقیمیز بو گؤله باغلیدیر،سیز بو ایش ائله بیزیم حیاطا سون یارادیسینیز، گؤل قورسا بیز بوردان كؤچملیك، بورا بیزیم آتا، آنا یورودوموزدور، بو گؤل بیزه آتلاردان قالان هدیییه دی.

فراستلی و عاغللی آدام بو سؤزلره گولدی، اونلاردان نئچه سینی دوستاقا یولادی و آدلارینی سئپاراتیست قویودو. بو وضع ائله دانیشانلاری ساكیت ائله دی  و اؤز ایشنه دوام وئردی.

چوخ زامان كئچمه دی كی گؤلون سووی آزلاماقا باشلادی، و او گؤزل دوزلی قندیللر محو اولدولار و چیقلی دوزلی سودان یاشییان حئیوانالار حیاطلارین الدن وئردیلر، گؤزللیك بیزم زونلاردا سولغون اولماقا باشلادی.

عاغللی آداملار الی ائله گؤلون سون یاییشینا گلیب چاتیق، ایندی بیلمیریك بو دوزلارلا كی گؤلدن قالخیب باغلارادا اؤتوروللار نئینه مه لیك؟ ایندی بو دوزلارلا كی بیزی اؤو و ایشیگیمیزی موحاصره ائدیبلر نئینه مه لیك؟

ایندی معلوم اولور كی او عاغللی آداملار ایشلرین دوز گوروبلر، بو سببدن كی گؤلون قوروماسی بیزیم باغالاری قوروداجاقدیر! بیزیم آسایشمیزی الدن آلاجاقدیر، میلیونلار خانواده نی مجبور ائلییه جكدیر اؤز وطنلریننن كؤچوب قوربت یئرله ره گئتسینلر و اوردا اونا بونا فهله لیك ائلییب و یا یئر سؤپورن اولسونلار، بو نییت ائله آللاه یارادان گؤلی قوروتدولار تا میلیونلار آدامی اؤز وطنلرینن كؤچدورسینلر.

او عاغللی آدام بیلیردی كی گؤل قورویاننان سونرا بیزه نه باغ قالاجاق نه اؤو ائشیگ،نه شاٌن قالاجاق نه توركلوك.

بؤلوم لر: اۆز یازیلاریم ،