قالب وبلاگ


من توركم ، آذری یوخ
Vətən Anadır ANA çağırır bizi 
نظر سنجی
تورك ديلينده مدرسه لازيمدير؟




دئیه‌ر: بوجو، ننه‌م دئوه عاشق اولموشدو. دئ منی گؤروب، ننه‌م منی اؤتوروب ائشیگه. دا، بیر یانیم یوخدو. گلمیشم بورایا من‌ده.

دئیه‌رلر: لاپ یاخشی. سن‌ده بیزیم باجیمیز.

بویول، اوغلانلار گوندوز گئدیردیلر ایشه، آخشام باجیلاریلان یئییردیلر، ایچیردیلر.

یئنه بیر گون آرواد گئدر دئوین یانینا. دئیه‌ر : نه سن گؤزه‌ل؛ نه من گؤزه‌ل؛ ایللاه كی، آقا دئو گؤزه‌ل.

دئ دئیه‌ر : نه سن گؤزه‌ل؛ نه من گؤزه‌ل؛ ایللاه كی، نارخاتین گؤزه‌ل.

دئیه‌ر : وای كؤپك اوغلو، نارخاتینی ائشیگه‌ده اؤتوردوم ال چكمه‌دین؟

دئ دئیه‌ر : ایندی گئدیب یئددی قردشلری باجی اولوب.

آرواد، بویول، دئوین یانیندان چیخار گلر. (نارخاتین‌دا ساققیزی چوخ سئورمیش) بیر آز ساققیز آلار گتیره‌ر زهر بونا وورار، گلر بویول، نارخاتین اولان یئری تاپار. یئددی قیدشلرین یئرین.

قاپی دؤیولر. قیز گئدر قاپی‌یا گؤره‌ر ننه‌سی‌دی. ننه‌سی هرنه ائلركی، آچ قاپینی، آچماز. بویول، ننه‌سی ساققیزی قاپینین آلتیندان سالار. دئیه‌ر : ساققسز آلمیشام سنه، گؤتور آپار چئینه.

بو، بویول، گؤتوره‌ر ساققیزی گلر حووض باشینا. ساققیزی چئینر اورادا. ساققیزدا آخی زهرلی ایدی؛ بو، بویول، ییخیلار اورادا، حووض باشیندا، قالار. آخشام قردشلر گلر قاپینی دؤیر گؤره‌ر كی، آچان اولمادی. بیر  بیرینه دئیه‌ركی، بودا بیزه باجی اولمادی، ائو  ائشیگیمیزده گؤتوردو آپاردی.

دوواردان دوشرلر گلرلر گؤره‌رلر باجیلاری حووض باشیندا یاتیبدی. دبردرلر گؤره‌رلر بو اؤلوب،‌دا. زهر وئریبلر. حكیمه  زادا آپارارلار. حكیم دئیه ر دا، علاجی اولماز. بونا زهر وئریبلر.

بویول، بونلار گلر. حیفلری گلركیف باجیمیزی نئجه قویلویاق؟ بیر خورجون گتیره رلر. بیر تایینا قیزیل دولدورارلار، بیر تایینا دا بو قیزی قویارلار. سالارلار آتین اوستونه اؤتوره‌رلر چؤله. هر كیم علاج ائلیه بیلسه، بو قیز بودا یول!

پادشاه چیخمیشدی شیكارا . گؤره‌ر بیر آت، بیر خورجون قیزیل، بیرده قیز. گؤتوره‌ر پادشاه بونو آپارار. مین گؤیولدن بیر گؤیوله اؤلویه وورولار. حكیملر دئیه‌ر : یئددی حووض سوت وئر دولدورسونلار.

بونو، بویول، باسارلار بیر حووضا. بیر آز قالار، اورادان او بیری حووضا. آخیرداكی، حووضدا گؤره‌رلر بو بیر آز آییلیر، دوزه‌لیر. نارخاتین دیریلر. پادشاه بونو آلار. بیر ایلدن سونرا بیر جوت اوغلو اولار. اوشاقلار بیر آز بؤیوموشدو، گونده گئدردیلر پادشاها سلاما.

یئنه بیر گون نارخاتینین ننه‌سی گئدر دئوین یانینا. دئیه‌ر : نه سن گؤزه‌ل؛ نه من گؤزه‌ل؛ ایللاه كی، آقا دئو گؤزه‌ل!

دئو دئیه‌ر : نه سن گؤزه‌ل؛ نه من گؤزه‌ل؛ ایللاه كی، نارخاتین گؤزه‌ل!

دئیه‌ر : وای! سن، نارخاتینی اؤلدوردوم‌ده، ال چكمه‌دین؟

دئیه‌ر : اؤلمه‌ییب. ایندی پادشاهین آروادی‌دی، بیر جوت‌ده اوغلو وار. بو ننه، بویول، دورار گلر . آز گلر چوخ گلر، گلر بو پادشاهین ائوین تاپار. دئیه‌ركی،‌من نارخاتینین ننه‌سی‌یم.

بیر گون قالار. قیز دئیه‌ر پادشاها : من ننه‌مدن قورخورام. ساخلامایین بورادا.

پادشاه دئیه‌ر : قیز ننه‌ن دی، دا! نه‌ییندن قورخوسان؟

گئجه، بویول، یاتمیشدیلار. قیزین ننه‌سی دورار اوشاقلارین ایكیشینین‌ده باشین كسر . پیچاغی‌دا گتیره‌ر قویار نارخاتینین جیبینه. سحر اولار گؤره‌رلر كی، بو اوشاقلار پادشاها سلاما گلمه‌دی. پادشاه آدام گؤنده‌ردی كی اوشاقلار گلمه‌ییب. گلرلر گؤره‌رلر اوشاقلارین باشین كشیبلر. دا، نارخاتین‌دا بیلمزكی، پیچاغی قویوبلار جیبینه. بویول، نارخاتینین ننه‌سی دئیه‌ركی، هامینین جیبین آختارین، هر كیمین جیبیندن قانلی پیچاق چیخسا، بیلین او كسیبدی. هامینین جیبین آختارارلار. هئچكسدن چیخماز. بو، بویول دئیه‌ركی، آخی نارخاتینین‌دا جیبین آختارین.

دئیه‌رلر : نیه؟ ننه‌ده بالاسینین باشین كسر؟

پادشاه دئیه‌ی : آختارین!

آختارارلار. بونون جیبیندن چیخار قانلی پیچاق. ننه‌لرینین جیبیندن. 1ادشاه اؤزونون‌ده گؤزلرین چیخارتدیرار، اوشاقلارین‌دا اؤلوسون وئرر بونون قوجاغینا،‌شهریندن اخراج ائلر. دئیه‌ر: گؤتور گئت، بورادان!

بو گئدر مچیده. یئر تاپماز. گئدر مچیده مچیدده آغلار، آغلار، ییخیلار اوره‌گی پیس اولار. یوخودا گؤره‌ركی، بیر نفر گلر بونا دئیه‌ر : یئنه آغلیرسان؟ دئیه‌ر : دا، یئنه آغلیاجاغام. بوجوردا، اوشاغیمین باشین كسیبلر، پادشاه دا اؤزومون گؤزلریمی چیخارتیب؛ گلیب قالمیشام بورادا.

یوخودا گؤره‌ن آدام الین چكر بونون گؤزلرینه، اوشاقلارین دا باشینا، بیر اوغوج دا تورپاق تؤكر انگینه. دئیه‌ر : دور آیاغا. هئچ زادین دگیل.

بو، بویول، یوخودان آییلار گؤره‌ر اوشاقلار مچیدین ایوانیندا اویان  بویانا قاچیرلار، اؤزونون ده گؤزلری دوزه‌لیب. باخ گؤره‌ر انگینده‌كی تورپاق دا اولوب جواهرات، قیزیل. دورار، بویول، اوشاقلارین دا گؤتوره‌ر گئدر. چؤلده بیر دام دوزه‌لدر اوتورار. جواهراتی دا خرجله‌دیكجه آزالمیردی. نه قدر ایدی، ائله او قدر قالیردی.

نارخاتین اوشاقلارین قویار مكتبه. اوشاقلار بیر آز بؤیوموشدو، درس اوخوردولار، گتیره‌ر چؤلده بیر عمارت سالدیرار، نه گؤزه‌للیكده. یوز دفعه پادشاهینكیندان آرتیق. بیر كرپیجی قیزیلدان، بیر كرپیجی گوموشدن.

اوشاقلار چیخمامیشلار چؤلده  زاددا اوینارمیشلار  پادشاهین اورادا یولویموش، شیكارا زادا گئدنده اوشاقلاری گؤره‌رمیش، عمارتی‌ده گؤره‌رمیش. گونده بویول، وزیریلن كئچنده دئیه‌رمیش: وزیر، بو عمارت گؤره‌سن كیمین‌دی بوجور دوزلدیب؟

پادشاه اوشاقلاری چوخ سئورمیش. گلیب كئچنده دیندیره‌رمیش ایكیسینده. نارخاتین اؤرگده‌ردی اوشاقلارا كی ، پادشاه سیزی دیندیره‌نده، سوواشین قیچلاریناكی، گل گئده‌ك بیزه.

بیر گون پادشاه كئچنده اوشاقلار ال چكمز. پادشاه دئیه‌ر : آخی سیزین ائویز هارادی؟

دئیه‌رلركی، بس او عمارت بیزیم‌دی.

اوشاقلار چوخ ائلر، پادشاه گئتمز. كئچرلر گئدرلر. وزیر دئیه‌ر : قبله‌ی عالم ساغ اولسون! گرك ایدی گئدیردین، اوشاقلار مأیوس اولدو. بو دفعه دئسه‌لر گئدك.

یئنه بیرده پادشاه اورادان كئچنده بو اوشاقلار ال چكمزلركی، گئدك بیزه، گئدك بیزه!

وزیر دئیه‌ر : قبله‌ی عالم ساغ اولسون! اوره‌كلرینی سیندیرماغا گلمز. گئدك آیاق اوسته باش ووراق.

گئدیرلر پادیشاهیلان وزیر. پادشاه گؤره‌ركی، قریب بالام بورا یاخشی عمارت‌دی، قریب دستگاه‌دی! بیر آز اوتورارلار، دورار بونلار گئتسین. اوشاقلارین‌دا ننه‌سی اؤرگتمیشدی «قیزیل چای قاشیغین آپارین سالین پادشاهین باشماغینین ایچینه».

بونلار دورارلار گئتمگه، اوشاقلار دئیه‌ر : آختاراجاییق!...

هامینی آختارارلار. پادشاهین باشماغینین ایچیندن قاشیق چیخار.

نارخاتین‌دا دورموشدو پرده دالیندان قولاق آسیردی.

وزیر دئیه‌ر : اولان، پادشاه‌دا اوغورلوق ائلر؟

اورادان نارخاتین دئیه‌ر : بس ننه‌ده بالاسینین باشین كسر؟

وزیر دئیه‌ر : بو نه‌جور سؤزدو؟

بویول، اوشاقلارین ننه‌سی چیخار پرده دالیندان ائشیگه، دئیه‌ر : بس بونلار سنین اوغلانلارین‌دی، من‌ده سنین آروادین نارخاتینام.

آچار باشینین قضیه‌سین ناغیل ائلر پادشاها. پادشاه بونون ننه‌سین‌ده تاپار اؤلدوره‌ر، او دئوی‌ده، یئیه‌ر ایچر مطلبینه یئتیشر.

 قایناغ :http://www.shamstabriz.com




بؤلوم لر: قیسسا ناغیل لار، 
[ یکشنبه 18 فروردین 1392 ] [ 08:21 ] [ ماحمود دالغا ]
Baxışlar 0
.: Weblog Themes By Iran Skin :.

بلاقا گؤره


چیراق یاندیر،اوجاق قور
كور یوخودان بیرجه دور
قوی امه یین داغیتسین
یوردوموزا قیزیل نور .
حبیب ساهر
سایغاج سایت
بازديدهاي بو گون : نفر
بازديدهاي ديروز : نفر
كل بازديدها : نفر
بو آیین گؤروشو : نفر
ایندی بلاق دا : نفر
باخیش لار : عدد
كل مطالب : عدد
یئنیله مه چاغی :

YAŞASIN AZƏRBAYCAN YAŞASIN AZƏRBAYCAN

حامیان محیط زیست آذربایجان

Qanlı tarix
Dağlıq Qarabağ (1988-1993)
Xankəndi (18.09.1988)
Əskəran (19.10.1991)
Hadrut (19.11.1991)
Xocalı (26.02.1992)
Şuşa (08.05.1992)
Laçın (17.05.1992)
Xocavənd (02.10.1992)
Kəlbəcər (3-4.04.1993)
Ağdərə (07.07.1993)
Ağdam (23.07.1993)
Cəbrayıl (23.08.1993)
Füzuli (23.08.1993)
Qubadlı (31.08.1993)
Zəngilan (30.10.1993)
*** Azərbaycan ***

وبسایت خبری تحلیلی دورنا نیوز آذربایجان غربی