قالب وبلاگ

بیر قورد، تولكو، دووشان بیر قوزو توتورلار. اووو كیمه وئرسینلر؟ قرارا گلیرلر كی، كیم اؤز بؤیوكلویونو ثبوت ائتسه، قوزونو او یئیه‌جك. بیرینجی دووشان دانیشیر :

- من آنادان اولاندا الله هله گؤیو، یئری یاراتمامیشدی.

تولكو دئییر :

- تامامیله دوغرودور، تسدیق ائده بیله‌رم، چونكی سن دوغولاندا من اورادا ایدیم.

قورد دئییر :

- سیز ایكینیز ده حاقلیسینیز، مگر منیم بدنیم، جایناقلاریم، دیشلریم كیمین هامیدان یاشلی اولدوغونو بیلدیرمیر؟

قورد قوزونو پارچالاییب یئینده تولكو ایله دووشان بیر آغیزدان قیشقیریرلار :

- سنین هامیدان بؤیوك اولدوغون تامامیله ایناندیریجیدیر.