قالب وبلاگ

چوخ واختلار بوزدا دوشنده الیندن توتوب قووزامیشدیم، اؤیرنمگه منسیز گئتمزیدی، باغ یولوندان قورخاردی، ورغه‌نی ایمتاهاندا دگیشیب معلملری آللاداردیق، چوله چیخاندا دئیردی: 

- بیز یئگلنده ده بوجورقالاجاقیق ، دوست اولاجاغیق. 

الیمیزین ایچین كسیب قانیمیزی قاریشدیرمیشدیق،قان قارداشی اولموشودوق. 

زامان بیزی آیراندان سونرالار یازقیلار منی حبسه آپاردیلار، یازماقدا باشا بلایمیش.

گونلرین بیر گونونده دانیشیق اوتاقینا گئتمك اوچون ایكی عسگر قولتوقومی توتوب آخسارآخسارآپاریردیلار. اوجا بویلی قان قارداشیمی میز دالیندان اوتورموش گوردوم. 

گوجله نیب ایاق اوسته قالخدیم،سئویندیم،سسیم تیتره میردیر. 

- منم ... - دئدیم. 

گؤزلریمه باخیب منی داندی.اووجومدا كسیلمیش یئرین آریسی اورگیمه دیدی. 

باشلادیم یول گئتمگه، قولومو بوراخین.

- عسگرلره دئدیم.

 عسگرلرین پیچیلداشلاریندا ایاقلاریمین سیزیلتیسین دای آنلامیردیم آمما گئدیكجه اورگیم منه آغیرگلیردی. 


بؤلوم لر: قیسسا ناغیل لار،