قالب وبلاگ

باغلادیلار اللریمی 
سیندیردیلار قوللاریمی.

قویماسینلار كی آغلایام  
اوز دیلیمده  
اوز ائلیم له  
بیرپارچا قورقوشوم توكوب 
گؤزلریمی داغلادیلار 
دوداقلاری اودا چكیب 
واراق واراق اودلادیلار. 

بیر بالاجا شئه لی یئرده  
قارانلیغا باغلادیلار  
شاللاقلار یوخ، 
یالان سؤزلر، 
اورگیمی داغلادیلار.  

آخار قانیم 
اورك قانیم 
كسسكلری ازیب كئچر 
قیرات گللر 
ائواز گللر 
ظولمون ائوی بوردان كوچر. 

واراق واراق قاناد آچدیم 
قارا قوش تك گووه قاچدیم 
هر بوداقدا یووا ساچدیم 
آنا دیلیم اؤلمز اولسون. 

یانماز دیلیم  
اؤلمز دیلیم 
یاد دیلینه دونمز دیلیم 
علی كیشی قیرات دیلین  
دنیزلردن اؤیرنمیشم. 

بؤلوم لر: اۆز یازیلاریم ،