قالب وبلاگ

م.ه.رسولزاده‌نین خاطیره‌لری‌نین تام آدی اوریژینالدا “بیر تورك میللیتچیسی‌نین ستالینله ایختیلال خاطیره‌لری” آدلانیر. بو اثر بیر قایدا اولاراق “ستالینله ایختیلال خاطیره‌لری” كیمی مشهور اولدوغوندان بیز ده اونو محض بو آدلا تقدیم ائتمیی موناسیب گؤردوك.

اونو دا دئمه‌لی‌ییك كی، بو مقاله‌لرین فوتو صورتینی دوستو دوكتور علی یاووز بَی آغپینار گؤندرمیشدیر. 

خاطیره‌لرده ستالی‌نین و ستالینیزمین آناتومییاسی‌نین آچیلماسی ایله یاناشی، عصریمیزین ایلك اونیللرینده آذربایجاندا گئدن چوخ ماراقلی پروسئسلر تصویر ائدیلیر. اونو چاپا حاضرلایاركن هر هانسی ایضاهات وئرمكدن چكیندیك. بیزیم ایشیمیز مممد امین رسولزاده‌نین اوسلوبونو مومكون قدر ساخلاماقلا، گئنیش اوخوجو اوچون راحت اولسون دئیه ایستامبول لهجه‌سینه خاس سؤزلر و ایفاده‌لرین (مس.: ناسیل، كندی، شؤیله، بؤیله)، آرتیق آرخایكلشمیش عرب-فارس تركیبلری‌نین قارشیلیغینی وئرمكدن، ائله‌جه ده یئنه ایستامبول لهجه‌سی اوچون كاراكتئریك اولان فئل سونلوقلارینی (مس.: گلییوروم، گئدییوروم) دیَیشدیرمكدن عبارت اولموشدور. 

مممد امینین اوسلوبونا خلل گلمه‌سین دئیه آرا-سیرا واجیب قارشیلیقلی سؤزلری مؤتریزه‌ده وئرمیی لازیم بیلدیك. 

ایگیرمی  عصر آذربایجانی‌نین ان دیَرلی شخصیتی‌نین چوخ ماراقلی سییاسی خاطیره‌لری ایله ایستكلی اوخوجولارین گؤروشونو لنگیتمه‌مك اوچون یالنیز اونو دئمكله كیفایتلنك كی، اوریژینالداكی جومله‌‌لرین قورولوشو اولدوغو كیمی ساخلانیلمیشدیر.

بؤلوم لر: محمدامین رسول زاده،