قالب وبلاگ

تركیبی و گؤرونوشو اعتباریله شۆشیله یاخین اوْخشارلیغی اوْلان شیر میشت كئرامیكاسیندا سككیز عصرین سوْنو، دوْققوز عصرین اوللریندن تطبیق ائدیلمه‌یه باشلانمیشدیر. كئرامیكا ممولاتی ایله پارالئل ایستئهسال ائدیلن قدیم تاریخه مالیك بدیی شۆشه نۆمونه‌لری یۆكسك اینكیشاف پروْسئسی كئچیردیگی حالدا، كئرامیكا ممولاتیندا شیردن چوْخ گئج ایستیفاده ائدیلمیشدیر.  لاكین آلتی-سككیز عصر  شیرسیز  میشت كئرامیكاسیندا شۆشه  فراقمئنتلریندن بزك واسطه‌‌سی كیمی ایستیفاده ائدیلمیش نۆمونه‌لر  گؤستریر  كی، اوْرتا عصر دۇلوسچولاری تئكنیكی و بدیی آختاریشلارا بیگانه اوْلمامیشلار، ساده گؤرونوشلو قابلاری یئكنسقلیكدن قوْروموش، ماراقلی بدیی گؤرونوشلو كئرامیكا نۆمونه‌لری یاراتمیشلار.

شیرلی میشت كئرامیكاسی‌نین ایلك نۆمونه‌لری قبله، قدیم گنجه، ئیلقان،ابران،مینگچئویر،شاماخیقاضینتیلاریندان معلومدور.ایستر حاضیرلانماسی، ایسترسه ده فوْرما و بدیی خۆصوصیتلرینه گؤره اوْنلارین چوْخ اوْخشار اوْلماسینا باخمایاراق، آیری- آیری شهرلرین بزك اۆصوللاری، رنگ قامماسی، دئكوْرونون اۆسلوب خۆصوصیتلریله فرقلنن كئرامیكاسی یارانیردی.

سككیز-اوْن  عصرلرده  بدیی  جهتدن  یئنیجه  فوْرمالاشان  شیرلی  ساخسی  ممولاتین تئخنوْلوْژی  اۆصوللاری  یاخین  شرقین  بدیی  كئرامیكاسی  ایله  سێخ  علاقه‌‌ده  و  خروْنوْلوْژی جهتدن عینی واختدا اینكیشاف ائدیردی. یئرلی كئرامیكا ممولاتی‌نین دئكوْروندا یاخین شرقده  معلوم  اوْلان  بۆتون  تئخنوْلوْژی  اۆصوللار  اؤز  عكسینی  تاپمیشدی.  قاب  اۆزرینده آنقوْبلا رسم، آنقوْبلا و رنگلی بوْیالارلا بیرگه رسم، آنقوْبلاشمیش یئرلیك اۆزرینده رنگلی بوْیالارلا رسم و جێزما دئكوْرلا ایشله‌مه اۆصولو گئنیش اینكیشاف تاپمیشدی. لاكین آذربایجان شیرلی كئرامیكاسی‌نین ایلك اوْرتا عصر نۆمونه‌لری تامامیله اؤزونه‌مخصوص خۆصوصیتلره مالیك اوْلوب، زاقافقازییا و یاخین شرقین عینی دؤور كئرامیكا ممولاتیندان تامامیله فرقلی، اوْریژینال دئكوْر اۆسلوبلو صنعت نۆمونه‌لری كیمی فرقله‌نیر.

آنقوْبلا رسم و قابین آنقوْبلاشمیش ستهینده پوْلیخروْم رسم اۆصولو اگر دوْققوز عصردن معلومدورسا، آنقوْبلو  سته اۆزرینده  جێزما  رسمین  رنگلی  بوْیالارلا  بیرگه ایشلنمه اۆصولو اوْن عصره تصادوف ائدیر. بۆتون بۇ تئكنیكی واسطه‌‌لر اوْرتا عصر كئرامیكا ممولاتی‌نین دئكوْروندا اساسلی دؤنوش ائتمیش و شیرلی كئرامیكانین هله ایلك اینكیشاف مرحله‌‌سینده یۆكسك بدیی صنعت نۆمونه‌لری‌نین مئیدانا چێخماسی اۆچون گئنیش ایمكان یاراتمیشدیر. بۇ ایلكین تئكنیكی و بدیی واسطه‌‌لر، سوْنراكی دؤور (اوْن ایكی-اوْن اۆچ عصرلر) شیرلی كئرامیكا ممولاتی‌نین اساس دئكوْر واسطه‌‌لری كیمی اینكیشاف ائدیب، اوْرتا عصر كئرامیكاسی‌نین یۆكسك صنعت نؤوع كیمی فوْرمالاشماسیندا خۆصوصی روْل اوْینامیشدیر.

بؤلوم لر: آزربایجان ، دیل و تاریخی،