قالب وبلاگ

قیزل داغ كندیمین اوجـا داغی دیر

گؤنئی تایدان باخسان موولیك باغی دیر

یانیندا موولیكین دبستان تیكـدیك

تزه دون بیچـدیك، سئووین جك گئیدیك

اوخودوق بیز اولدوق شاگرد مومتاز

گوزل موعلیم لر همراه و همــراز.

آتاما یالواردوق گئده گ شهــره

تهران دا اولماسا -  گئده گ اهره

اوجالداق باشیوی كده – محلده

كئچید سن  عومرووی اووده - شهرده

آتام  سئوی نه جك موولیكی  ساتدی

قیرمزی اووكوزی  -   قویونی ساتدی

ائششكی بوشلادیق كئتسین گلمه سین.

آنقیرماسین- بیزه سونجوق آتماسین.!

شئهری چوخ  یاخجی آرزو بیلـــردیك

خوش خوش دئیپ هامی لیقجا گولیردیك.

آنام باخدی حسرتینن داغلارا

الین چكدی دووارلارا – تالــوارا

بئلینده كی قیرمزی شالین آشـدی

بیزدن كؤسدی آتامینان ساواشدی

گؤزیم باخــدی قارا قاش گؤزلرینه

ده دیم دانیش- قوربان  شیرین دیلینه.

یاش آخیردی نازلی باخان گوزینن

ال چكمیردی تایفاسینان ائلینن

شیرین دلی باتمیشیدی لال كیمین

دیننمیردی غیـرتینن  زال  كیمین

نه دن الین الیمیزه داخمــــادی؟

نه تز گئدی- دالنجادا باخمـادی.!؟

عزتیم شوكتیم قیــــزل داغیم سان

آنا مین گزه جك موولیك باغیم سان

ساری سینه قوشام - اوره ك داغـلییام

هاردا اولسام- منده سنه باغلییام.

كاش گئدیدیم باللی قایا داشیندا

یالواریدیم ،گل آی ننه - اوتوز، یاشیندا!

من شالیمی سنون كیمین - باغلیرام

سنه باخان  گــوزللرین - آغلیرام

بؤلوم لر: اۆز یازیلاریم ،