قالب وبلاگ

سایین وئبلاقچی:

گؤرونیر منیم وئبلاقمدا اولان مطلب سیزی ناراحات ائدیبدور " من توركم -آذری یوخ"سبب ندی ؟ من كی بیلمه دیم .

آمما بونی بیلیرم كی حاممی اینسانلار آزادیر اوز نظرین یازسین و بو یازیچی هركمیسه اولابیلر، تورك ، آذری یا آذری آریایی ، و حتتا شوونیزم فارس ، هئش بوندا ایجبار یوخدور ، بون مسئله تورك تاریخینده چوخ گؤرونیبدیر ، بیرسی كسروی جیره خوار اولوب اوزین آذری آریایی تانیتدیریب یا محمود افشار قارینچی اولوب،فارس شوونیزمین كولكه سینده  كیفرلی حیات تاپماقتان اوتور هر یالانا ال آتیب.

آمما داهاسی پیشه وری اولوب تورك حكومتین یارادیب و تورك دیلین رسمیته تانیتدیریبدیر، او بیرسی ده فریدون ابراهیمی اولوب اوز آنا دوغما یوردونا قوربان   ...

                 بابك كیمی دور ، قولارینی چیرمالا هی هی

                 تورك ائللرینی یغماقا ،  تونقال قالا هی هی ...

سایین وئبلاقچی:

منده بونی یاخچی بیلرم كی "آذری" بیر كلمه دیر كی  شوونیزم طرفیندن ایكی حالته ایشله نیر:

1 - دیل و دانیشیق(لهجه ای از زبان فارسی)

2 -  ملیت و قومیت.(منسوب به آذربایجان، اهل آذربایجان)

سایین وئبلاقچی:

 بونی قبول ائتمك لازیمدور هر ایكی حالتده بو سؤز  غلط دیر چونكی بونون آرخاسیندا چوخ هدفلر واردور.

 مثال ایچون:

 بیزیم بعضیله ریمیزه  تحمیل اولموش سؤزدور و بیر ابزاردی كی فارس میللییت چی لری تورك خالقینا توهین و تحقیر ائلمكدن اوتور و تورك دونیاسینین آراسینا فاصیله سالماقا جهت یارادیبلار...

باخ ، تورك اوشاقی اوز دیلینده تحقیر ایچون "توركی جوك" بونا و اونا SMS یوللویور سوروشاندا بونئدیر جاواب ده یئر من آذریم تورك كی ده ئره م ؟؟؟

سایین وئبلاقچی:

بو او هدفدیر كی پان فارسیسم ایسته یر(رضا خان نوچه لری) ، بولار یاخچی بیلیرلر كی هئش ملتی آرادا آپارماق اولماز اگر او ملتده فرهنگ اولسا، دیل اولسا ، دانیشیق اولسا ،  پس اوول هدفلری بیزیم فرهنگی ، دیلی ، دانیشیقی  آرادا آپارماقدور ...

سایین وئبلاقچی:

بو مورود دا چوخ یازماق اولار آمما قیسسا ده مه لییم كی :

اولینجی حالت اگر سیزین نظرده اولسا، سیز بویوروز بو دیل هاردادیر و كیملرین یازیسی پوزیسی دیر؟چوخ سئویرم آنلایام و ایستفاده آپارام .! بو نئجور فارس لهجه سی دیر كی فارسلارین یازیچیلاردا اونی آنلامیلار مثه لن اوستاد  " شهریار "ده یئر منیم حیدر بابا سؤیمی اوخوماقاجاق چوخ فارس سؤیچیلری "جمالزاده – بهار ..."توركی (آذری ده میر)دیلین اورگه شیردیلر.

و یا اگر ایكیمجی، مورد نظرده دیر "آذری" یوردو هاردادیر سرحدین مشخص بویوروز، هانسی تاریخده یازیلیب " آذری" همان آذربایجان دیر؟ و بیز آذری ده مكدن منظوریمیز آذربایجانی اولماق معلوم اولونور . آزربایجان بیرده دیر و اونون اوتای ، بوتای یوخودور و شرق و غربده بیزیم آنا دوغما یوردوموزا یاراشماز ، آزربایجان ناقص كلمه لرله ، فیكرلرله تانیمماز ،  آزربایجان ، آزربایجان دور نه چوخ و نه آز.

بو گون بیزیم هر زاماننان چوخ وظیفه میز آغیردیر كی بو كیفر و اورك قالخیدان یاماغی كی یاغیدانلاردان بیزیم دیل و تاریخیمیزه یاپیشدیریبلار اوزیمیزدن آیریب یه سینه قایتاراق ، آزربایجانین بوجور كیفسیمیش یاماقلارا ایحتیاجی یوخدور.

منیم سؤزیم بودور ، گل بو كلمه نی یاددان چیخاد داها بسدیر بیر یتیم اوشاق كیمین بوجاقلاردا گیزله نیب و شوونیزم فارسلارین یوموروقلاری باشیمیزدا ویژلداسین و اولارین یالانچی تئورسیننرین سؤزی بیزلری ایری یوللارا آپارسین.

من ایفتخار ائلیرم كی توركم و وطنیم گؤزل آزربایجان دور ، هئش واخت "آذری" ده یرم، منی باخیشلا ده میرم ، من بیر توركم نسیمی تایفاسیندا،  سن هر كیمسه اولوسان اول.

  گؤز یاشلاری آخار قالماز 

  زولم آغاجی كولكه سالماز 

  من یانماسام ایشیقلانماز 

  اوجاقلاریم

 اوبالاریم 

  هارای هارای یولداشلاریم. 

ژان پل سارتر:"هنگامی كه ملتی انتخابی جز انتخاب مرگ خود ندارد و هنگامی كه از ستمگران هدیه ای جز نا امیدی نمی برد دیگر چیزی ندارد كه از دست بدهد".

میلان كوندرا :" نخستین گام برای از میان برداشتن یك ملت، پاك كردن حافظه آن است. باید كتابهایش را، فرهنگش را، زبانش را از میان برد. باید كسی را واداشت كه كتابهای تازه ای بنویسد ، فرهنگ جدیدی را جعل كند و بسازد، تاریخ و زبان جدیدی را اختراع كند ، كوتاه زمانی بعد ملت آنچه هست و آنچه بوده را فراموش می كند. دنیای اطراف همه چیز را با سرعت بیشتری فراموش می كند".

مثل فرانسوی :" بچه ای كه زبان مادریش را نمی داند وحشی است."

بؤلوم لر: اۆز یازیلاریم ،