قالب وبلاگ

گونون بیرینده باكی جیواریندا پئترول تسفییخانالاری‌نین (نئفتاییرما زاوودلاری‌نین) بولوندوغو قاراشهر دئییلن بیر محلده ایدیك. گئجه‌نین گئج ساعتلاریندا بیر دولگر آتئلیئسینده چارلیق علئیه‌داری موختلیف اینقیلاب تشكیلاتلارینا منسوب دئلئگئلردن عبارت بیر كونفرانسدا ایدیك. گونون تاكتیكاسینا عاید اولان مشترك مسئله‌‌لر موزاكیره ائدیلمكده ایدی. موزاكیره‌لر یوخاریدا قئید ائتدیگیم بولشئویك-مئنشئویك گؤروشو اوزرینه جریان ائدیردی. بولشئویك گؤروشونو كوبا، یعنی ستالین، مئنشئویك گؤروشونو ایسه ایندی سووئتلرین میللتلراراسی سؤزچولویونو یاپان آندرئی ویشینسكی مدافعه‌‌ ائدیردی. 

او زامان آذربایجانجا اینتیشار ائدن چارلیق علئیه‌داری میللی موخالیفت اورقانی “تكامول” قزئته‌سینی بو توپلانتیدا من تمسیل ائدیردیم. موزاكیره‌لر روسجا ایدی. روس اولمایان بیر چوخلاری كیبی منیم روسجام دا چوخ موكممل ساییلمازدی. اوسلوب و قرامئر خطاسی دا یاپمامیش دئییلدیم. موزاكیره‌ده ایشتیراك ایله تمسیل ائتدیگیم میللی موخالیفت جریانی‌نین آنلادیغی تاكتیكا ایجابی اولاراق بالتانی چارلیغین دا كؤكونه ووران بولشئویك گؤروشونه اوستونلوك وئرن بیر ایفادم واردی. بونو هزم ائتمه‌ین او زامانكی مئنشئویك ویشینسكی یاپدیغیم یانلیشلیقلارا ائیهاملا: 

- یولداش، ادبی دئییل!.. - دئیه اوسلوبوما تاخیلدی (ساتاشدی). كوبا ایسه درحال: 

- هایدی، یولداش ویشینسكی، بیر چیخیب توركجه، آذربایجانجا دانیش، باخاق كیم داها ادبی دانیشیر؟.. - دئیه اونا قارشی چیخدی. 

بؤلوم لر: محمدامین رسول زاده،