قالب وبلاگ

آ.آتتار میللی-آزادلیق حركاتی‌نین ایلك گونلریندن موباریزه‌یه قوشولدوغونو دئیه‌رك، 20 یانوار حادثه‌‌لری و خوجالی سویقیریمی حاقیندا دا اطرافلی معلومات وئریب. مقاله‌ده آیگون خانیم داها سونرا اؤزو حاقدا بونلاری دانیشیب:

توركییه‌نین “قیسیق سسی”

- سووئتلر بیرلیگی دؤورونده باكیدا دوغولدوم. تحصیلین، سهیه‌نین پولسوز اولدوغو، اینسانلارین ایدمان اوچون تشویق ائدیلدیگی، رادیو و تو-لرین هر گون سووئت ایدئولوگییاسینا دایر یاییمی و دمیر پرده دئییلن بیر دونیا. او پرده‌نین خاریجینده دونیالار اولدوغونو اونیوئرسیتئته باشلادیغیم 1980-جی ایلده اؤیرندیم. سووئتلر، پئرئسترویكا (یئنیدنقورما) دؤورونه گئدیردی. سییاسی ساحه‌‌ده تحصیل آلان بیز گنجلر، دونیادا فرقلی شئیلر اولدوغونو فرق ائتمیشدیك. اونسوز دا داها اول ده معلملریمیز، سطر آرالاریندا آذربایجانلی دئیه بیر میللتین اولمادیغینا دایر مئساژلار وئریردی. اینسانلارین نسیلدن-نسیله كؤچوردویو بیر توركییه سئوداسی واردی. رحمتلیك آنام و آتام دا بیزه تورك میللتیندن اولدوغوموزو، عینی دیلی دانیشدیغیمیز بؤیوك بیر دؤولتین اولدوغونو ایضاه ائدردی. گئجه‌نین گئج ساعتلاریندا سسینی قیساراق، “توركییه‌نین سسی” و “آمئریكانین سسی” رادیولارینی دینله‌ییردیلر. بیزیم اوچون چوخ شئی ایفاده ائدردی او رادیو.

“روس تانكلاری‌نین قارشیسیندا دایاندیم”

- بختییار واهابزاده و رحمتلیك ابولفز ائلچیبی تأثیرلی اولدو تورك دونیاسییلا اینتئقراسییا اولونمامیزدا. نه خوشبخت منه كی، 1960-جی ایللرده تورك اولدوغوموزو یازدیغی اوچون موهاكیمه اولونان پروفسور محمود ایسماییل معلمیم ایدی. “پئرئسترویكا” دؤورویله بیرلیكده اؤزومو مئیدانلاردا كوتله‌نین ایچینده "توركییه-آذربایجان، بیر اورك بیر جان" دئیه قیشقیراركن تاپدیم. همیشه اؤن سیرالاردایدیم. خالق جبهه‌سینده آكتیو بیر وظیفه‌‌م یوخ ایدی. آمما 20 یانوار 1990-جی ایلده روس تانكلاری باكیدا مرحمتسیز بیر قیرغین تؤره‌دنده گؤزومه هئچ نه گؤرونمه‌دی. سحره قدر اینسانلارلا تانكلارین اؤنوندیدیم. روس عسگرلری “كالاشنیكوو” آوتوماتییلا سینه‌مه ووراراق گئری ایتله‌دی، "نییه بو قدر نیفرتله باخیرسان؟" دئیه ده سوروشدولار.

“پولیس ' تایییب” سؤزونو گؤرونجه آیاغا قالخدی”

- پاسپورتوموزدا میللیتیمیز آذربایجانلی یازیلاردی. ایندی ده توركییه‌ده منه “آذری پروفسور”' دئییلمه‌سی خوشوما گلمیر. ان دوغروسو، “آذربایجان توركو” دئییلمه‌لیدیر. من ده توركم چونكی. آرایا زوراكی بیر سووئت مدتی گیردی، آنادولو توركو ایله آذربایجان توركو آراسیندا فرقلیلشمه اولدو. سون ایللرده مدنی یاخینلاشما یئنیدن دوغولور. توركییه‌یه ایلك گلدیگیمده یاشادیقلاریمی هئچ اونودا بیلمیرم. 1989-جو ایل ایدی. پاسپورتوم اوراق چكیجلی ایدی. موسكوا اوزریندن تییاریله ایستانبولا ائندیگیمیزده بیر تورك پولیسی یانینداكینا "كوممونیستلرین تییاره‌سی ائندیمی؟" دئیه سوروشدو. سونرا تهلوكه‌‌سیزلیك خیدمتینه گئتدیم قئیدیات اوچون. اوراداكی پولیس پاسپورتدا آتامین آدینین تایییب، آنامین آدینین زومرود اولدوغونو گؤرونجه ایلان سانجمیش كیمی یئریندن توللاندی. گؤزلرینی آچاراق منه باخدی. یان ماساداكی یولداشینا "یاهو بو تورك" دئیه قیشقیردی. اسیر توركلرله علاقه دار بیر فریاد ایدی بو. اونلارین خاریجده یاشایان توركلرله علاقه دار یئترلی معلوماتلاری یوخ ایدی.

ایلك دئموكراتیك تورك جومهوریتی

- آذربایجان علملر آكادئمییاسی تاریخ اینستیتوتونون ایمتاهانیندا یوكسك بال توپلادیم و او هیجانلی دویغولاریم سببییله توركییه‌نی سئچدیم. آذربایجان تاریخ علمینده ایلك دفعه‌‌ آذربایجان میللی حؤكومتی‌نین توركییه‌دكی فعالیت تاریخینی دوكتورلوق مؤوضوسو سئچدیم. توركییه طبیعی بیر لابوراتورییا ایدی منیم اوچون. او حؤكومتین عضولرینی آنكارادا تاپدیم. او روحو ایتیرمه‌میش اینسانلارلا گؤروشمك حیاتا باخیشیمی دیَیشدیردی. آراشدیرمالاریمی بیتیردیكدن سونرا مدافعه‌‌ ایشینی ده توركییه‌ده ائتمم اوچون مئساژلار گلدی. لاكین دوكتورلوق دیپلومونون روسییا علملر آكادئمییاسیندان آلینماسی اهمیتلی ایدی. ریاست هئیتینده‌كی معلملر كیتابلاریندا آذربایجان میللی حؤكومتینی وطنه خیانت ائدن بیر رئسپوبلیكا اولاراق یازمیشدیلار. من ده او حؤكومتین “میللی و ایلك دئموكراتیك تورك رئسپوبلیكاسی” اولدوغو تئزیسی مدافعه‌‌ ائدیردیم. ایشین ماراقلی طرفی دوكتورلوق ایشیمین علمی رهبری اولان معلمیمین گؤزیاشلاری ایچینده "بو گون آذربایجان تاریخی‌نین آغلانیلدیغی گون. بیزیم ائده بیلمه‌دیگیمیزی بو كیچیك قیز ائتدی. بو جسور قیزیمیزا ویجدانینیزین سسینی دینله‌یه‌رك سس وئرین" دئمه‌سی ایدی. سسوئرمه‌ده لئهیمه سس وئردیلر. سئوینج قیشقیریقلاری آتاراق، "آرتیق سووئتلر بیرلیگی بیتدی. بو دا اونون چؤكوشونون سنه‌دی" دئمیشدیم. بیر ایل سونرا دوسئنت اولدوم.

ائرمه‌نیستاندان طلبه‌‌ قبول ائده‌جییك

- باش ناظرلیك آتاتورك آراشدیرما مركزی، والیلیك و اونیوئرسیتئت گیرئسوندا جومهورییت هفته‌سی سببییله 2007-جی ایلده بیر اورقانیزاسیون یاپمیشتی. بو آندا تونجئلی قوبئرناتورو اولان مصطفی تاشكئسئن ده "بیزیم اونیوئرسیتئتیمیزده هئچ كادرولو پروفسور یوخ. بورادا وظیفه‌‌ یئرینه یئتیررسینیزمی؟" دئدی. قاراده‌نیز ده جوغرافی اولاراق بؤیودویوم بؤلگه‌یه چوخ یاخیندی. قبول ائتدیم. 2010-جو ایلین اییون آییندا 6 نامیزد سئچكییه گیردیك. یؤك منی 1-جی سییاهییا یئرلشدیردی. نامیزدلردن بیری تك سس آلمیشدی، قزئتلرده خبر اولدو. آمما سییاهیداكی شخص ایستئفا وئرینجه مدت تیخاندی. باشقا بیر نفر دا محكمه‌‌یه مراجعت ائتدی. حقوقی مدت تاماملانینجا سییاهییا بیر آد علاوه‌‌ اولوندو.

بیر مدت اؤنجه جومهورباشقانی دا منی رئكتور تعیین ائتدی. آذربایجاندا هم اقتدار، هم ده موخالیفت قزئتلری بیر هفته بویونجا "قارداش توركییه‌ده ایلك دفعه‌‌ بیر آذربایجان توركو و قادین رئكتور اولدو" دئیه یازدی.

اجتماعی علملرده اؤنه چیخان فرقلی بیر اونیوئرسیتئت قورماق ایسته‌ییرم. گیرئسون اونیوئرسیتئتینی جازیبدار حالا گتیریلمه‌نین یولو خاریجدن طلبه‌‌لرین آلینماسیدیر. اوكراینا، گورجوستان حتی ائرمه‌نیستاندان طلبه‌‌ آلینا بیلر. هدفلریمدن بیری بودور. بیر باشقا اهمیتلی پرویئكتیم خزر قاراده‌نیز آراشدیرمالاری اینستیتوتو قورماقدیر. قیسا آدی دا هاكارئن اولاجاق. چوخ جسور بیر شكیلده دؤرد ایل اوست-اوسته بئین الخالق قاراده‌نیز سیمپوزیومو كئچیردیك. اینانیرام بو ایلكی بئشینجی سیمپوزیوما ائرمه‌نیستان دا قاتیلاجاق. اینگیلیسجه‌نین یانیندا روسجا و فارسجا بیلمم اوستونلوك تعمین ائدیر. آذربایجاندا درس كیتابی اولان كیتابلاریم وار: “عثمانلی دؤولتی ایله صفوی دؤولتی آراسینداكی موناسیبتلر”'. بیر مذهب دؤولتی‌نین قورولماسیندا تطبیق اولونموش سیاست وار اورادا. یاووز سولطان، یا دا شاه ایسماییل نؤقطه‌ی-نظریندن حادثه‌‌لره باخسانیز، توركییه-ایران موناسیبتلری چوخ داها فرقلی نقطه‌‌یه گئدر.