قالب وبلاگ

"قاراوللی" (قره وه للی).بو آد "قاراائولی"تورك اوغوز قبیله سینین آدیندان گؤتورولموشدور و بو ، "قاراائولی" قیبله آدینین تحریف اولونموش فورماسیدیر. اورتا عصریلرده  توی شنلیگی و ناغیل ، داستان مجلیسلری آراسیندا وارساغین ، سونرالار ایسه بیر و یا ایكی عاشیق كؤمك چیسینین سؤیله‌ییب اوینادیغی یونگول طبیعتلی مزه لی اویون نؤوع و خالق ایچینده  بعظن"اویون"، اویونچو"آنلامی قارشیسیندا ایشله نن بیر گئییم.مظمون اعتباریله لطیفه و قاراوللی ایله قئیدالانان بو اویوندا یورولموش تاماشاچی لاردا داستاداكی فاجیعه لی حادیثه لرین آغیر تاثیرینی یونگونلشدیرمك، اونلارین كؤنلونو آچماق و یئنیدن اساس اثره قولاق آسماق هوسی دوغورماق كیمی بیر مقصد گۆدۆلۆردۆ.

گئت – گئده بو اویون نوع عاشیق،ناغیل مجلیسلریندن آیریلمیش و بیر نئچه پئشه كار اویونچی طرفیندن اویونیلان موستقیل مضحكه تاماشاسینا چئوریلمیشدیر. كند مئیدانی،كاروانسرا و چایخانالاردا همین آدلا چاغیریلیب اوینانیلان تاماشانین تركیبنه سونرالارگؤزباغلیجا،جانباز و حوققا اویونلاری دا علاوه اولوندو ، اویونو اوستاد بیر عاشیق اؤ چالغیلاری ائله مۆشاییت ائتمه‌یه باشلادی .

فیكیریمیزجه بو مولاحظه او قدر ده حقیقته اویغون دئییل . چونكی " قاراائولی" آدی بیر توپونیم كیمی آزربایجاندا یاییلمامیشدیر.بو آددا آزربایجان ارازیسینده هئچ بیر توپونیمه راست گئلینمیر. حال بو كی "قاراوللی"توپونیمینه ایسه ائله ایندی اؤزوندا آزربایجان ارازیسنده تزه – تزه تصادۆف اولونور. بئله كی ، آغچابه‌دی،ایمیشلی، آغ سو ، زرداب رایونلاریندا قارا وللی آدلی یاشایش منطقه لری  مؤجوددور .دئملی ، "قارا وللی" آدینین "قارا ائولی"تایفاسینین آدی ائله دئییل،"قارا وللی" تایفا آأی ائله باغلاماق داها مقصده اویغون اولاردی.دیگر طرفدن،"قارا ائولی" سؤزونون "قارا وللی" شكلینه دوشمه سی ، هم فورما ، هم ده مضمونجا بئله كئسكین فوْنئتیك دیَیشیكلیكلییه اوغراماسی دا آز ایناندیریجی گؤرونور.

فوْلكلوْرشۆناسلیغیمیزنا "قارا وللی" سؤزونون ائتمولوگییاسی حاققیندا ایكینجی مولاحظه صنعت شوناس ماحمود آلـله وئردییوه مقصوددور. او "قاراوللی" آدینین ایلكین واریانتی‌نین"قارا بئللی"اولدوغو فیكیرنی ایره‌لی سورور:"قاراوللی" بیزجه گوناهی ، چیركین عملی بللی  اولانلار دئمه كدیر". فیكریمیزجه ، بو مولاحظه " قارا وللی" سؤزونون ائتمولوگییاسینا داها اویغوندور. لاكین تأسفله قئید ائتمك كی ، م . آللـه وئردییو بو مولاحظه سینی گئنیش ، احاطه‌‌لی شكیلده اساسلاندیرمیر، بو فیكرین اۆزریندن  سطحی كئچیر...

بؤلوم لر: خالق شیفاهی ادبییاتی،