قالب وبلاگ

بو گون آزربایجان هله ده بئله بیر چتینلیك قارشیسیندادیر. دوردور ، اونسوزدا، بیزیم دیلیمیز پارچالانمامیشدیر،داغیلمامیشدیر، بوگون هر هانسی بیر اردبیللی ، مرندلی، تبریزلی، همدانلی دانیشاندا دربندلی، باكیلی،شكیلی ، ناخچیوانلی اونو آسانلیقدا باشا دوشور. هئچ بیر اوزاقلاشما اولماییب. ادبیاتیمیز بیر اولوب، واحید قالیب ، ادبی ، اینسانی و بؤیوك یارادیجی روحوموزو پارچالایا بیلمه ییبلر، آمما یئنه ده چوخ تاسوف كی هله لیك موعین چتینلیكلر ، نوقصانلار و ساتیشمازبیقلار وار. بو گون گؤزوموزون اؤنونده آزربایجانین قوزئیینده حیدر علی یئو حاكمیتی تورك دیلینی یئنیدن " آزربایجان دیلی" آدلاندیرماغا جهد گؤستریر. استالین دؤروندن بری توركلری بیر- بیریندن آییرماق اوچون آزربایجانین قوزئیینده یاشایان توركلرین دیلی نین آدینی دییشدیریب " آزربایجان دیلی"آدلاندیرمیشدیرلار. بعضا بونو ایستالینین اوستونه ییخیرلار ، آمما اصلینده بو ایستالین طرفیندن حیاتا كئچیریلسه ده روس ایمپرییاسینین كؤهنه سییاستیدیرو هله XIX عصرین اوللرینده آزربایجان ایكی یئره پارچالایان روس ایمپرییاسینین تبریزده، باكیده ، گنجه ده و آزربایجانین آیری بؤلگه لرینده اولان مامورلاری ایمپرییا باشچیلارینا یازیب بیلدیریردیلر كی ، بیز یا آزربایجانی بوتوولوكله ایشغال ائتمه لی و اونلاری فارسلاردان آییرمالییق، یا دا بوموم*** دئییلسه آرازین شیمالیندا یاشایان میلتین آدینی دییشدیرمه لیییك . اونلار آچیق صورتده یازیردیلار كی ، بومیللت تورك میللتیدیر ، آزربایجانین بوتون اراضیسینده یاشایانلار توركلردیر و بیز حؤكما بونلاری بیر – بیریندن آییرمالیییق، و آونلار آزربایجانی تامامیله بیر- بیرینده آییرماق اوچون ، میللتی روحاً و معنا سارسیتماق اوچون آرازین جنوبنداكیلاری تورك ، شیمالینداكیلاری ایسه اوغوز آدلاندیرماق تكلیفینی ایرلی سوردولر، یئله بیر فی*** اورتایا آتیلدی كی ، آرازین شیمالینداكیلاری آزربایجانلیلار ، جنوبونداكیلاری ایسه تورك آدلاندیراق و بونونلار دا ثوبوت ائدك كی بو آزربایجانلیلار همین توركلردن آیریدیرلار، وگؤرورشونوز، سونرا كیتابلاردا، رومانلاردا و عومومییتله سووئت ادبیاتیندا چالیشدیلار كی ، آزربایجانین قوزئیینده یاشایانلارین بابالارینی باشقا یئرلره آپاریب چیخرتسینلار. بونلارین هامیسی ایمپرییا سییاستیدیر. بونونلا دا ایمپرییا بیزیم دیلیمیزی بیر – بیرندن آییرماق اونون آدینی دییشدیرمك ، اونا " اوغوزدیلی"،"آزربایجان دیلی"‌، "آلبان دیلی"،"آذری دیلی" و س...آدلار قویماقلا میللتیمیزی چاشدیریب، وطنیمیزی پارچالاماق ایسته ییبدیر و تاسوف كی بو ایسته یینه ده ناییل اولوب.

بیز ایسه بیرلشمك اوغروندا موباریزه آپاریریق. بو گون آزربایجان گونئیینده بو موباریزه گئدیر. حتتایئله طلب اولونور كی ایراندا تورك دیلی ایكینجی دؤولت دیلی اعلان ائدیلشین. بو دیل اوغروندا موباریزه دیر .

ندیر دیل اوغروندا موبایزه؟

بؤیوك فیلوسوفلارین فیكرینه گؤره ، اگر بیر میللت اؤز دیلی اوغروندا موباریزه آپاریرسادئمك ان آغیر و گرگین وضیعیتده دیر، چونكی دیل اوغروندا موباریزه اؤلمهمك اوغروندا موباریزه دیر. دئمك بیز بو گون هله غلبه اوغروندا یوخ، اؤلمه مك اوغروندا موباریزه آپاریریق،دیل اوغروندا موباریزه بودئمكدیر، یعنی میللت هر شئیینی ایتیرمیشدیر و اؤلوم آیاغیندا یالنیز دیلی قالیب . دیلی ده ایتسه تامام محو اولوب گئدیر. اونا گؤره ده سون اؤلوم آیاغیندا اؤلمه مك اوچون دیلیندن یاپیشیر و موباریزه یه باشلارییر، بونو هئچ كس اینكار ائتمیر بونو بوتون عالیملر دئمیش و تصدیق لمیشلر.

آزربایجانین هر یئرینده سئویله – سئویله ایشله نن بؤیوك و نهنگ تورك دیلینی اوزون موددت فارس شووینیزمی ده الیمیزدن آلماغا چالیشمیشدیر، اونا گؤره ده اؤز دیلیمیزده مكتبلریمیز اولمامیش بو دیلده یازیب  یاراتماغا ایمكان وئریلمه میش ، اونا خور باخیلمیش و اله سالینمیشدیر .

بئله بیر فی*** واردیر كی ، نه اوچون اون دؤرود عصرین سونرا فارس دیللی پووزییادا مغلوبیته اوغرادی ؟ اونون جاوابی بئله دیر اون دؤرود- اون بئش عصرلردن سونرا توركلر اؤز دیللرینده یازیب یاتماغا باشلاریلار و آرتیق فارس دیلینده یازمادیلار. البت اگر فارس دیلینده شاه اثرلر یارادان توركلر آرتیق اؤز دیللرینده یازیب یارادیردیلارسسا، اگر نسیمی لر ، ختایی لر اؤز دیللرینده یازیرلارسا، دئمك، فارس دیلینده خیدمت ائدن تورك یوخدور و بونا گؤره ده اون دؤرود- اون بئش عصرلردن سونرا فارس دیلی و اردبیاتی تامامیله تننزوله اوغرادی.

سون دؤورلری ایگیرمی عصری گؤؤ تورك ،دوغرودان دا ایگیرمی یوز ایلده فارس دیللی پوئزییانین ان بؤیوك نوماینده سی اوستاد شهرییاردیر كی فارس دیلینده نئچه جیلدلیك اثرلری واردیر.

دئمه لی اوستاد شهرییار فارسجا یازماقلا فارس دیلینی قالدیرمیش و یوكسلتمیشدیر بو گون ایراندا توركلرین هامیسی فارس دیلینده دئییل اؤز دیللرینده یازماغا باشلاسالار فارس دیلی تامامیله سیرادان چیخیب گئده جك و او زامان فارس دیلی نین نه گوجده الدوغو میدانا چیخاجاقدیر. نیظامیسی ایله ، خاقانیسی ایله ، قطرانی ، صایبی ایله و فارس دیلینه دایم رؤونق و طراوت وئرن باشقا توركلر ایندی اؤز دیللرینده یازسالار ، سؤزسوزكی فارسلار اؤز دیللرینی او سویییه یه قالدیرا بیلمه یه جكلر.

بو گون آرتیق آزربایجان اؤلوم آیاغیندا دئییل . آزربایجانین چوخ بؤیوك اؤولادلاری ، وطنپرورلری ، وطن و میللت اوغروندا موباریزه آپاران ارلری واردیر . بونلار گئت – گئده فی***ده بیرلیك یارادیرلار. بو گون گنجه دن اولان هر هانسی بیر توركدن سوروشسانیز " فارس كیمدیر- بیزه دوستدور یوخسا دوشمن؟"دئیه جك كی ، دوشمندیر . سببینی سوروشسانیز جاواب وئره جك كی اونلار آزربایجانی ایشغال آلتیندا ساخلارییر ، سویداشلاریمیزا تورك دیلینده دانیشماغا ایجازه وئرمیر ، هرشئیی اؤز اللرینه كئچیریب بیزی كؤله، قول ساییر و بیزه یوخاریدان با خیرلار. و بوگون بیر تبریزلیدن ، بیر اردبیللی دن ، بیر همدانلی دان  سورونسانیز كی ، "قاراباغ كیمیندیر؟"،"بیزیمیدیر"دئیه جك.ائله جه ده سوروشسانیز كی ، ائرمنیلره نئجه باخیر سینیز؟ دئیه جك كی ، ایشغالچیدیر. یعنی بو گون وطن بیر لیینده فی*** بیرلییی یارانیبدیر.

بو گون سیاسی شعورلو، وطنینی درك ائدن تبریزلی، اورمییالی، زنجانلی دئییر كی ، بیز قاراباغی گئج – تئز آزاد ائده جه ییك . بوگون بیر قدر گؤزونو دونیایا آچمیش باكیلی ، ناخچیوانلی، گنجه لی ، شكیلی دئییر كی ، بیر گون گله جك و آزربایجانین اوچ رنگلی آی –  اولدوزلو بایراغی  ....   دالغالاناجاق و آزربایجان تام موستقیل اولاجاقدیر. بو یولدا آرازین هر ایكی تاییندا قاراباغ اوچون ، آزربایجان بیرلییی و موستقیل لییی اوچون جانینی قوربان وئره  بیله جك مینلرله ارلر واردیر . بو فی***ده بیر لییه گلمك دئمكدیر.

بو فی***ده بیرلییین نتیجه سی نه اولمالیدیر؟ - وطنین آزادلیغی !

هامی یورودن بیر لییینی، وطنین و میلتین آزادلیغینی ایسته ییر . بیز بونو ایشده گؤسترمه لیییك . بوگون آزربایجانین ، آزربایجان تورك میلتی نین قارشیسیندا بو فیكری ایشه حیاتا كئچیرمك پروبلئمی دورور.

بس بیزنه ائتمه لیییك؟ بیز بوتون دونیایا بیلدیرمه لیییك كی 40 میلیونلوق آزربایجان توركو آزاد اولوب دموكراتیك بیر شراییطده بوتؤو و موستقیل آزربایجان یاراداجاقدیر. بو یولدا بیز جیددی موباریزه باشلامالی و بونونلار دا مسئله نی حل ائتمه لیییك.

منه ائله گلیر كی آرتیق دیل مسئله سی ، دیل پرویلئمی آرخا پلاندا قالماقدادیر ، فی*** پروبلئمی قاباغا چیخمیش و آرتیق فی***ده بیر لیك یارانمیشدیر. یعنی بو میللت اؤلوم آیاغیندا ترپنیب قاباغا گئدبدیر ، اؤلوم آیاغیندان قورتاریبدیر، اونا گؤره كی ، دیزی بیر میللت كیمی اؤلوم آیاغینا سوروكله ین روس و فارس شووینیزمی آرتیق دونیادا اؤز مؤوقعینی ایتیرمكده و داغیلماقدادیر. بو گون بیرمیلیونلوق چچن خالقینین قارشیسیندا عاجیز قالان روس ایمپرییاسی ،سؤزسوزكی، 40 میلیونلوقآزربایجانتور***و اؤزونه كؤله ائده بیلمز، اونوندؤولتینی ، وطنینی پارچالابیلمز. اگر روسلار گئری چكیلیر و مغلوب اولورلارسا بس اوندا فارسلار نه ائده جكلر؟منهائله گلیر كی ، فارسلار اؤزلری حاققیندا دوشونمه لیدیرلر.بیزاونلارا دوشمن دئییلیك . باجاریرلارسا اؤزتورپاقلاریندا تؤز دؤولتلرینی قورسونلار و بیزدن اللرینی چكسینلر. مسئله نین ماهییتی بودور.

كیم نه دئییرسه دئسین- آزربایجان موستقیل اولاجاق وگئج – تئز اؤز دؤولتینی یاراداجاقدیر. بو دؤولتین آدینی باشقا جور ده قویماق اولار: آزربایجانفئدورال رسپوبلیكاسی،بیر لشمیش آزربایجان رسیپوبلیكاسی، (آزربایجان بیرلیمیشرسپوبلیكاسی){ینعی آمریكا بیر لشمیش ستاتلاری اولدوغو كیمی}و س...

آزربایجانین اوزاق بیر نؤقطه سینده مثلا ،كوردلر ده اولا بیلر كی ، اونلار دا موختاریت وئریله بیلر، یوخ .كوردلر اؤز موستقیل دؤولتلرینی قورماق ایسترلرسه بیز بونا مانع اولماریق ، بو اونلارین اؤز ایشلری،اؤزپروبلئم لریدیر. حتتا فارسلارین بیرعیدد سی ده (بیرلشمیش آزربایجان رسپوبلیكاسی)نین تركیبیندهیاشاماق ایسته یه بیلر ، آنجاق بونلارین هامیسی سونراكی پروبلئم لردیر.

بس اگر آزرباجان موستقیل اولماق ، اؤز دؤولتینی قورماق ایسته ییر سه دونیا بونا نئجه باخاجاق؟ بیر دفعه لیك بیلمك لازیمدیر كی ، آزربایجان خالقینین بو ایراده سینه قارشی دوشمن اولان ایكی قوووه واردیر: روس و فارس شووینیزمی . بیلدیینیز كیمی ، بونلار دا دونیا دا گوت – گئده مغلوبیته اوغراییر و آرتیق او زامانگلیب چاتمیشدیر كی اونلار اؤرلرینین طالعی حاققیندا دوشونسونلر ، آیری دونیا دؤؤلتلری ایسه ان آزی آزربایجانین بیرلشمه سینین و تام موستقیل دؤؤلت قورماسینین علیهینه اولمایاجاق.

سؤزسو كی بیرلشمه نین یوللاری موختلیف اولا بیلر. بیرینجی یول دموكراتیك یولدور ، سوئت ایمپرییاسندا اولدوغو كیمی . 15 دؤولتین چوخ آسانلیقلا،چوخآزقان تؤكمكلمه، حتتا بعضیلری نین هئچ بیر قان تؤكولمه دن موستقیل اولدوغو كیمی، آزربایجانین گونئیی ده موستقیل اولا بیلر . بو دموكراتیكیولدور و ایراندا دیكتاتورانین ضعیف لمه سی لیبرالیزمین اینكیشاف نتیجه سینده باش وئره بیلر . بعضن دئییریك كی اؤلوب – قیریلیب موستقیل لیك الده ئه جه ییك .لاكین بونو باشقا جور ده دوشونمك اولار – آزاردلیق و موستقیل لییی سییاسی موباریزه نی دوز گون آپارماقلا دا الده ائتمك موم***دور. بیزیم خالقیمیزین ضعیفجهتی اوراسیندادیر كی ، تشكیلاتلاتماغی چتین باجاریریق و سییاسی موباریزه ده فئعال خالقلاردان دئییلیك . خالق كیمی سییاسی فئعالیتیمیزده ضعیفیك . بیزبو گون دونیا سییاستینده چوخ فئعال رول اوینایان آمریكانلاردان ، یهودی لردن اؤیره نیب بو ساحه ده كی نوقصانلاریمیزی اورتادان قالدیرمالییق.

بو گونبئله بیر صؤحبت گئنیش یاییلیب كی ، ایرانی داغیدیرلار.ایرانی كیم داغیدیر؟آزربایجانلیمی؟خالق جبهه سی می ؟ داغیدان كیمدیر؟ حتتا بیز بیلیریك كی ایران مسجیدلرینده خالق جبهه سینه لعنت اوخوتدورماغی عنعنه حالینا گتیرمیشلر. ایران حاكیم دایره لرینه چاتدیرماق لازیمدیر كی ، بو ، دوغرو دئییل ایرانی نه تبریزلی داغیدیر، نه خالق جبهه سی داغیدیر. نه آمریكا ، نه ایسراییل ، نه ده توركییه داغیدیر. ایرانی فارس شووینیزمی و بو گونكو ایران حاكیم دایره لری داغیدیر. اؤلكه ده آیری – سئچكیلیك سالیر. كوردو بیر یئره ، عربی بیر یئره ، بلوچو بیر یئره ،توركو باشقا بیر یئره آییریر و بونلارین هامیسینا یوخاریدان فارس شووینیست گؤزو ایله باخیر .ایران داغیدان بودور ، فارسین شووینیست گؤزودور.

تصوورونوزه گتیرین كی ، تبریزین عالی روحانی لریندن بیری ناماز خطبه لرینده دئییركی ، فارس دیلینی اؤیره نین، چونكی فارس دیلی جننت دیلیدیر! بودور ایرانی داغیدان. دونیا بونا گولور، جمعیت گولور، ایسلام عالیملری لاغ ائدیرلركی ، نه واختدان فارس دیلی جننت دیلی اولوب؟

بیرقدر ده دیندن دانیشاق .

ایكینجیا ایدئیا منبعیمیز دموكراتییا وچاغداشلیق، اوچونوسو ایسه دینیمیز،یعنی ایسلامدیر. بواوچ رنگلی بایراغیمیزدا دا اؤز عكسینی تاپمیشدیر. اونا گؤره ده بیز دئییریك كی بو بایراق هم رمزدیر و هم ده ایئویادیر. بیز آزادلیق موباریزه سی میدانیا بو بایراقلا چیخمیشیق و آزادلیق موباریزه میزی بو اوچ آمال – توركلوك ، چاغداشلیق و ایسلام اوزرینده قوروروق.

هئچ شوبهه ائتمیرم كی یاخین گله جكده آزربایجان تام موستقیل و بوتؤو بیر دؤولت اولاجاقدیر.بو موباریزه ده گونئیلی- قوزئیلی بوتون آزربایجان توركلری بیر یئرده اولاجاق، چونكیآییریجی هئچ بیر شئی یوخدور ازیلن خالق دا بیزیمدیر، پارچالانان تورپاقدا.گوجلریمیزی بیر یئره توپلاییب آزادلیغی الده ائتمه لیییك . بورادا توفیق فیكرتین بیر شعرینی خاطیرلاییرام. بونا تامامیله اینانیرام و همیشه ایناجاغام كی :

ظولمون توپووار، گولله سی وار، قلعه سی وارسا

حاققین دا بوكولمز قولو،دؤنمز اوزو واردیر.

گؤز یومما گونشدننه قدر رنگی سارارسا

سؤنمزابدی،هر گئجه نین گوندوزوواردیر.

میللت یولودور،حاقیولودور توتدوغوموز یول

ای حاق، یاشا، ای سئوگیلی میللت ، یاشا وار اول.

تانرییا ، خالیقه گئدن یول خالقدان كئچیر. كیم تانریسینا یلخین اولماق ایسته ییرسه خالقینا یاخین اولسون. بودور بیزیم شوعاریمیز. بیزبو شوعارلار حیاتا و موباریزه یه چیخمیشیق و اوغورلو دا اولاجاغیق. بیر گون گله جك كی قوزئیده یوكسلن بایراق تبریزه دالغالاناجاق و گونئیده قالخان سس باكیدا گؤیلره اوجالاجاقدیر. بونا كیمسه نین شوبهه سی اولماسین!

سیزه جان ساغلیغی ، بؤیوك اوغورلار، عاییله لیلره عاییله خوشبختلیی ، گنجلره ایسه گؤزل تورك تویلاری آرزولاییرام!

بؤلوم لر: یولداشلار،