قالب وبلاگ

اونلار یالنیز بیر ائولاد صاحیبی اولموشلار. عیسانین گوجلو ایستئعداد دا مالیك اولماسی و موسیقی یه وورغونلوغو اوشاقلیق دووروندن آیدین لاشمیش ، اوناگؤره ده 15 یاشیندا "فییالوتوف كولوپو" آدلانان موسیقی مكتبینه داخیل اؤلوب و تار آلتینده چالماق اوصول لارینی اؤیرنیب و دوكتور "لیانسیدان" آدلی اوركئستر قورپوندا بیر عوضو كیمی قبول اولندو .

سئویملی موغننی روس و اینگیلیس دیللرینی اویرنیر ، سونرالار روس بیر قادینلا ائوله نیب و رافاییل آدلی بیر اوغول صاحیبی اولور.

عیساخان 1315 – جی گونش ایلینده آتاسی ایله بیرلیكده ایرانا گئری قاییدیب و ساراب شهرینده عاییله دن آیری و یالقیزجا یاشاماغا باشلاییر.

دئمك وطنین موقددس و اودلو عئشقی عیسانی یئنی دن اؤز دییارینا چاغیریر. سئویملی موغننی اوزون موددت اسدا... آدالی قاوال چالان ایله كند و شهرلرده قورولان شن لیك مراسیم لرینده چیخیش ائدیب و آرتیق پوخته لشیر و خالق طرفیندن آشیق عیسا دئیهچاغیریلیر ! چونكی ائلیمیزین طرفیندن موقددس ساییلان آشیقلارین گؤزل خوصوصییت لریندن بیر پاراسی اوندا گؤزه چارپیردی .

25- جی ابللرده گنج عیسا ، كؤنلونده جوشان عدالت سئورلیك و اینسان پرورلیك حیس لرینه گؤره سئیید جعفر پیشه وری دوورونون آزاده لری سیراسینا ذلخیل اولوب و تبریز شهرینده قان ایچن شاه رئژیمی و ظالیم اربابلارین قارشی سیندا موباریزه آپاردی ، لاكین شاه قوشونلاری قانلی باسقی نیندانسونرا عیسا باربدی چوخلو آزاده اینسانلار كیمی سورگون ائتمیشلر ، او 18 آی مییانا شهرینده پولیس نیظارتی آلتیندا یاشامیشدیر .

25 – جی ابلدن آرتیق عیسا باربد ایله ائل شن لیك لرینده ایشتیراك ائدن قاوال اوستاسی "جابر احمدیان" بو هونرلی اینسان حاققیندا بئله دئییر : " من بو آدامدا هئچ واخت عصبی لیك گؤرمه دیم . او مراسیم لرده موسیقی دن ساوای بیر موعللیم كیمی یاخشی عادت عنعنه لریمیز و اونلاری قوروماقدان و اینسانی خوصوصییت اردن دانیشاردی ".

باربد ایله اوزون ابللردن بری چیخیشلار دا ایشتیراك ائدن قاوال اوستاسی " محمد میمندی" دئییر : " اوستادین یوموشاق اوره یی آچیق الی وار ایدی ، او یوخسول عاییله لرین توی مراسیمین اوجرت سیز یولا سالیب و مجلیسدن ییغیشان انعام لاری تزه گلین و بی اوچون وئردی ، قیش گؤنلرینده یاناجاق سیز عاییله لره كؤمور و یاناجاق آلاردی .

عیسا خانین شاگیردلریندن اولان گؤركملی تار ائستادی محمود شاطریان دئییر: " بو گون عیسا باربدین امه یی نین حاصیلی گؤزومون اؤنونده ایجرا اولان كونسترت لرده چیخیش ائدن و اونلارین موسیقی مكتبلرینده چالیشیب و گله جك اوچون گؤركملی تارزنلر یئتیشدیرمه سی دیر . میثال اوچون من بیر ایدمانچی كیمی چالیشیردیم ، لاكین عیسا خانی گؤروب و انون اینجه صنتی و گؤزل خوصوصییت لری و آلقیش لارینا گؤره موسیقی یه چكیلیب و اینجه صنت وورغونو اؤلدوم . عیسا باید دان ائركن موسیقی میز بیر سیراكس لرین الینده ایمیش و اونلار باشقالارینا اؤیرتمك دن ایمتینا ائدردیلر . بو هونرلی ایناسنین اوخوماسی دا باشقا بیر عالمیدیر ، اونو جانلی سسینی ائشیدنلر اوچون آذتیق كسرلی اولوب و درین حیس لر یاراداردی ، چونكی او موغاملاری یاخشی بیلیب و گؤزل ایفا ائدردی ، شن ماهنیلاری كدرلی تصنیف لری گؤزل قزل لرله ، آیدین شكیلده ائله موددتده ، تبریر رادییو – تئلویزیون ایدارهسینده چالیشدی و او بیر دیندار كیشی ایدی ... ""

تأسوف كی ، جوخلاری تك بو پارلاق ایستعدادلی اینسا – دا آرتیق موناسیب شراییط یارانماییب و اوندا اولان گوجلو یارادیجیلیق قووه سی چیچكلنه بیلمه دی . لاكین چؤرك قازانماق و چوخ عاییله لی ائوین دولانیشی اوچون گئجه – گوندوز چالیشمالار و آرتیق یوروغون روحو 1353 – جی گونش ایلین نیسگیللی پاییز گونونده داریشقال قفسدن آزاد اولموش ابدییته قووشدو ، ایسه دی یینه گؤره ساراب شهرینده آنا تورپاغا تاپشیریلیب و مزاری اوسته اینجه ضنت حاققیندا رسیم چكیلدی و بایاتی یازیلدی و هونر سئور ائل طرفیندن گول – چیچك قالاندی .

سو گلر آخار گئدر

وریانی ییخار گئدر

بو دونیا بیر گوزگودور

هر گلن باخار گئدر .

                                                                     

 

بؤلوم لر: آذربایجان تاریخیندن یۆز شخصیییت ،